InfoHub Logo

بۇگىنگى كۇن – جاقىن ارادا بولاتىن جاقسى جاڭالىقتىڭ باستاپقى كەزەڭى. جانە، سول بولاشاق جارقىن بولۋ ءۇشىن، تومەندە ايتىلاتىن 30 زاتتى ءدال ءقازىر ىستەۋدى باستاڭىز.

ۋاقىتىڭىزدى لايىقتى ادامدارعا عانا ارناڭىز

بۇل سىزگە جاعىمدى، ءسىزدى جاقسى كورەتىن جانە باعالايتىن، سىزگە يگىلىكتى ىقپال ەتەتىن ادامدار. بۇل سىزگە ءومىردىڭ ءدامىن سەزدىرۋگە كومەكتەسەتىن، ءسىزدى قالاي بار، سولاي قابىلداپ قانا قويماي، ءسىز تەڭ كەلگىڭىز كەلەتىن قاسيەتتەرگە يە ادامدار.

قاندايدا ءبىر قيىندىقتاردى تىك تۇرىپ قارسى الىڭىز

قانداي ماسەلەگە ۇرىنعانىڭىز عانا ەمەس، ماسەلەنى قالاي قابىلدايتىنىڭىز جانە قالاي شەشەتىنىڭىز ءسىز جايلى كوپ نارسە ايتا الادى. ارەكەت ەتپەسەڭىز، قيىندىق ءوز بەتىمەن جوعالىپ كەتپەيدى. قولىڭىزدان كەلگەننىڭ ءبارىن جاساڭىز جانە ءوز ىسىڭىزگە جاۋاپ بەرەتىندەي بولىڭىز. وسى رەتتە «قادام باسقان ادام عانا جولدى باعىندىرادى» دەگەن جاپون ماقالى ەسكە تۇسەدى.

وز-وزىڭىزگە ادال بولىڭىز

وز-وزىڭىزگە نەنىڭ دۇرىس ەكەنىن، ال نەنى وزگەرتۋ كەرەك ەكەنىن مويىنداڭىز. نەگە قول جەتكىڭىز كەلەدى جانە كىم بولعىڭىز كەلەدى، ناقتى مويىنداڭىز. كەز كەلگەن ومىرلىك سالادا ءاردايىم ادال بولىڭىز. ويتكەنى ءسىز تەك وزىڭىزگە سەنە الاسىز. ءوزىڭىزدىڭ كىم ەكەنىڭىزدى ءبىلۋ ءۇشىن اقيقاتتى جان-دۇنيەڭىزدەن ىزدەڭىز. وسىلاي ىستەگەندە عانا ءقازىر قايدا ەكەنىڭىزدى جانە مۇندا قالاي تاپ بولعانىڭىزدى جاقسى تۇسىنەتىن بولاسىز.

ءوز باقىتىڭىزدى بارىنەن بيىك قويىڭىز

ءسىزدىڭ قاجەتتىلىكتەرىڭىز ماڭىزعا يە. ەگەر ءسىز ءوزىڭىزدى باعالاماساڭىز، ءوز-وزىڭىزدى كۇتپەسەڭىز، قورعاماساڭىز، وزىڭىزگە زيان كەلتىرەسىز. ەسىڭىزدە بولسىن، اينالاڭىزداعى ادامدارعا قامقور بولا تۇرا، ءوز قاجەتتىلىكتەرىڭىزدى دە ىسكە اسىرۋعا بولادى. جانە، قاجەتتىلىكتەرىڭىز ىسكە اسقان جاعدايدا كومەككە مۇقتاج ادامدارعا قول سوزۋ مۇمكىندىگى ارتادى.

شىنايى بولىڭىز جانە بۇل ماقتانۋعا تۇرارلىق قاسيەت

وزگە بىرەۋ بولۋعا ۇمتىلۋ ءوز تۇلعاڭىزعا نۇقسان كەلتىرەدى. شىنايى بولىڭىز. بويىڭىزداعى ادامدى پايدالانىڭىز – ونىڭ وزگە ەشكىمدە جوق يدەيالارىن، مىقتى جاقتارىن، اسەمدىگىن. ءوزىڭىزدى قالاي بار، سولاي ۇستاڭىز. ەڭ باستىسى، وز-وزىڭىزگە شىنايى بولىڭىز. ەگەر بۇل قولىڭىزدان كەلمەسە، وزگەلەرمەن شىنايى بولا المايسىز.

وسى شاققا نازار اۋدارىپ، وسى شاقتا ءومىر ءسۇرىڭىز

ءدال قازىرگى ۋاقىت – بۇل تاڭعاجايىپ كەزەڭ. ءدال وسى شاق – قولىڭىزدا بار جالعىز ءسات. ءومىر ءدال قازىرگى ۋاقىتتا ءسۇرىلىپ جاتىر. بولاشاقتا الىناتىن قامالداردى ويلانا بەرۋدى دوعارىڭىز. وتكەن شاقتا بولعان نەمەسە بولماعان وقيعالاردى ويلاي بەرۋدى دوعارىڭىز. ءدال قازىرگى ۋاقىتتا ءومىر ءسۇرۋدى ۇيرەنىڭىز. ءدال ءقازىر بولىپ جاتقان وقيعامەن ءومىر ءسۇرىڭىز. ءدال قازىرگى ساتتەگى ادەمىلىك ءۇشىن الەمگە ريزا بولىڭىز.

قاتەلىكتەرىڭىزدەن العان ساباقتاردى باعالاڭىز

قاتەلىكتەر – بۇل قالىپتى جاعداي، ولار العا جىلجىپ جاتقانىڭىزدى بىلدىرەدى. ەگەر ءسىز ارا-تۇرا قاتەلەسىپ تۇرماساڭىز، ءسىز تىرىسپايسىز جانە ساباق المايسىز. تاۋەكەلگە بارىڭىز، ارتقا شەگىنىڭىز، قۇلاڭىز، ال كەيىن قايتا تۇرىپ، قايتا تىرىسىپ كورىڭىز. العا جىلجىپ جاتقانىڭىزدى، ساباق الىپ جاتقانىڭىزدى جانە جەتىلىپ جاتقانىڭىزدى باعالاڭىز. ەلەۋلى جەتىستىكتەر مىندەتتى تۇردە ساتسىزدىكتىڭ ۇزىن جولىنىڭ سوڭىندا كۇتەدى. ءسىز قورقىپ جۇرگەن ءبىر «قاتەلىك» ءسىزدى ۇلكەن جەتىستىككە جەتكىزەتىن ءبىر عانا كوپىر بولۋى مۇمكىن.

وز-وزىڭىزگە سىپايىراق بولىڭىز

ەگەر ءسىز وزىڭىزبەن قالاي سويلەسسەڭىز، ءدال سولاي سويلەسەتىن دوسىڭىز بولسا، ونداي دوسپەن دوستىعىڭىز قاي ۋاقىتقا دەيىن جالعاسار ەدى؟ وز-وزىڭىزگە دەگەن قارىم-قاتىناسىڭىز باسقالارعا ۇلگى بولادى. ءسىز ءوزىڭىزدى باسقالاردان بولەك، قالاي بار، سولاي جاقسى كورۋ كەرەكسىز.

بارىڭىزدى باعالاپ، ءلاززات الىڭىز

كوبىمىزدىڭ قاتەلەسەتىن جەرىمىز، ومىردە قاندايدا ءبىر بەلەسكە جەتكەندە عانا باقىتتى بولامىز دەپ ويلايمىز. ناتيجەسىندە ءاردايىم جاڭا بەلەستەردى باعىندىرۋعا ۇمتىلىپ، وسى شاقتان ءلاززات الۋدى ۇمىتامىز. سوندىقتان تاڭەرتەڭ، ويانا سالعان ءساتتى وسى ۋاقىتقا دەيىن جەتكەن جەتىستىكتەردى، بارىڭىزدى باعالاۋعا ارناڭىز.

ءوز باقىتىڭىزدى قۇرىڭىز

ەگەر ءسىزدى بىرەۋ باقىتتى ەتەدى دەپ ويلاسىڭىز، ءسىز قاتەلەسەسىز. جىميىڭىز، ويتكەنى ءسىز مۇنى ىستەي الاسىز. باقىتتى تاڭداڭىز. الەمنەن كۇتىپ جۇرگەن وزگەرىستى ءوزىڭىز جاساڭىز. ءدال قازىرگى ۋاقىتتاعى بولمىسىڭىزدى قۋانا قابىلداڭىز، جانە وسى شاققا دەگەن پوزيتيۆتىك كوزقاراسىڭىز ەرتەڭىڭىزدى شابىتتاندىرسىن.

ءوز يدەيالارىڭىز بەن ارماندارىڭىزعا مۇمكىندىك بەرىڭىز

ومىردە مۇمكىندىك الۋ جايلى اڭگىمە وتە سيرەك قوزعالادى، مۇندا ەڭ باستىسى سول بەرىلگەن مۇمكىندىكتى پايدالانۋ. ءسىز ءبارى ويداعىداي بولاتىنىنا ەشقاشان 100% سەنىمدى بولمايسىز، ءبىراق ەشتەڭە ىستەمەسەڭىز ەشتەڭە بولمايتىنىنا 100% سەنىمدىسىز. ال سىزگە سول مۇمكىندىككە جەتۋ ءۇشىن جاي عانا ۋاقىت ءبولۋ كەرەك. جانە بۇل قالاي اياقتالاتىنى ماڭىزدى ەمەس، قالاي اياقتالۋ كەرەك بولسا، سولاي اياقتالاتىنى انىق. ءسىزدى تابىس كۇتىپ تۇر، نەمەسە ءسىز بىردىڭىنە ءتۇيىپ شىعاسىز. قالاي بولعاندا دا، ءسىز ۇتاسىز.

ءسىز كەلەسى قادامعا دايىنسىز، سەنىڭىز

ءسىز دايىنسىز! وسى جايلى ويلانىڭىز. العا جەتەلەيتىن كىشكەنتاي قادام ءۇشىن سىزدە ءبارى بار. سىزگە بەرىلەتىن مۇمكىندىكتەردى پايدالانىڭىز، قيىندىقتاردان قاشپاڭىز – بۇل ءسىزدىڭ وسۋىڭىزگە ىقپال ەتەتىن سىي.

قاجەت جاعدايدا عانا ادامدارمەن جاڭا قارىم-قاتىناس قۇرىڭىز

ءوزىڭىز ۇقساعىڭىز كەلەتىن نەمەسە تۇلعاڭىزعا ساي كەلەتىن سەنىمدى شىنايى ادامدارمەن عانا قارىم-قاتىناس قۇرىڭىز. ول اداممەن تانىستىعىڭىزدى ماقتان تۇتاتىن، ءوزىڭىز سۇيسىنەتىن، ءسىزدى سىيلايتىن، مەيىرىمىڭىزگە مەيىرىممەن جانە قىزىعۋشىلىقپەن جاۋاپ بەرەتىن ادامدارمەن دوستىق ورناتىڭىز.

جاڭا ادامدارعا مۇمكىندىك بەرىڭىز

بۇل جاعىمسىز ەستىلسە دە، دوس بولعان ءاربىر اداممەن ماڭگى بىرگە بولا المايسىز. ادامدار جانە قىزىعۋشىلىقتار وزگەرەدى. ءبىر قارىم-قاتىناستار قۇردىمعا كەتەدى، جاڭاسى پايدا بولادى. جۇمىس ىستەمەيتىن قارىم-قاتىناستان تابيعي تۇردە قۇتىلىپ، جاڭا قارىم-قاتىناستىڭ مۇمكىندىكتەرىن باعالاڭىز. پايىمدارىڭىزعا سەنىمدى بولىڭىز. جاڭا قارىم-قاتىناستاردى قابىلداپ جاتقاندا، تانىس ەمەس شەكاراعا اياق باسىپ جاتقانىڭىزدى ءتۇسىنىڭىز. ۇيرەنۋگە دايىن بولىڭىز، قيىندىقتارعا دايىن بولىڭىز جانە ءومىرىڭىزدى تۇبەگەيلى وزگەرتەتىن ادامدى كەزدەستىرۋگە دايىن بولىڭىز.

بۇرىنعى وزىڭىزبەن جارىسىڭىز

وزگەلەردەن شابىت الىڭىز، ولاردى باعالاڭىز، ولاردان ۇيرەنىڭىز، ءبىراق ولارمەن جارىسۋ – بەكەر. ءسىز ءبىر عانا اداممەن جارىساسىز – وز-وزىڭىزبەن. ەڭ كەرەمەت قاسيەتتەرىڭىزدى كورسەتە الاتىنداي جارىسىڭىز. ءوز جەتىستىكتەرىڭىزدى باسىپ وزاتىنداي ماقسات قويىڭىز.

وزگەلەردىڭ جەڭىسىنە قۋانىڭىز

وزگەلەردىڭ بويىندا نەنى ۇناتاتىنىڭىزعا نازار اۋدارىڭىز، جانە ولارعا وسى جايلى ايتىڭىز. اينالاڭىزدا كەرەمەت ادامدار بار ەكەنىن ءتۇسىنۋ، ونى قابىلداۋ جاقسىلىقتىڭ نىشانى – بۇل ءسىزدى العا جىلجۋعا، قاناعاتتىققا جانە بەيبىتشىلىككە اكەلەدى. تابىسقا جەتىپ جاتقان ادامدار ءۇشىن قۋانىڭىز. ولاردىڭ جەڭىسكە جەتۋىنە تىلەكتەس بولىڭىز. جاساعان جاقسىلىقتارىنا شىنىمەن ريزا بولىڭىز. ەرتە مە، كەش پە ولارعا دەگەن جىلى قارىم-قاتىناسىڭىز سىزگە ورالادى، سوندا ادامدار ءسىز ءۇشىن تاقىم قىساتىن بولادى.

قيىن جاعدايلاردىڭ جاقسى جاقتارىن ىزدەڭىز

ءبارى قۇردىمعا كەتىپ، ەڭسەڭىز تۇسكەندە، بىرنەشە رەت تەرەڭ تىنىستاڭىز، ال كەيىن جاقسى جاقتارىن ىزدەڭىز – كىشكەنتاي ءۇمىت ساۋلەلەرىن. وسى قيىندىقتاردىڭ ارقاسىندا شىڭدالا الاتىنىڭىزدى جانە مىندەتتى تۇردە شىڭدالاتىنىڭىزدى ەسكە سالىڭىز. ومىرىڭىزدە وڭىنان ورىن العان – ءوز جەتىستىكتەرىڭىز بەن جەڭىستەرىڭىزدى ەستەن شىعارماڭىز. قولىڭىزدا جوق دۇنيەگە ەمەس، بار دۇنيەگە بارىنشا نازار اۋدارىڭىز.

وزىڭىزگە جانە وزگەلەرگە كەشىرىمدى بولىڭىز

ءوزىمىزدىڭ نەمەسە وزگەلەردىڭ شەشىمى ءۇشىن قايعىراتىن كەزدەرىمىز بولادى. جانە سول ءۇشىن سەزىنەتىن اۋىرتپالىق قالىپتى بولعانىمىن، كەيدە مۇنداي كۇي ۇزاققا سوزىلادى. ءبىز سول اۋىرتپالىقتى قايتا-قايتا سەزىنىپ، ۇمىتا المايمىز. مۇنىڭ ەمى – كەشىرۋ. بۇل وتكەندى ءوشىرۋ نەمەسە بولعان ءىستى ۇمىتۋ دەگەندى بىلدىرمەيدى. بۇل رەنىش پەن اۋىرتپالىقتى ۇمىتىپ، بۇدان ساباق الىپ، ءارى قاراي ءومىر ءسۇرۋ دەگەندى بىلدىرەدى.

اينالاڭىزداعى ادامدارعا كومەكتەسىڭىز

ادامدارعا قامقور بولىڭىز. ۇزدىك جولىن بىلسەڭىز، سونى مەڭزەپ جىبەرىڭىز. وزگەلەرگە كومەك قولىن سوزعان سايىن، باسقالار دا سىزگە كومەكتەسكىسى كەلەتىن بولادى. ماحاببات پەن مەيىرىم ماحاببات پەن مەيىرىمدى تۋىنداتادى. جانە بۇل ءاردايىم سولاي بولماق.

تۇيسىگىڭىزدى تىڭداڭىز

ەگەر بۇل كومەكتەسسە، يدەيالارىڭىزدى ەڭ جاقىن ادامدارىڭىزبەن تالقىلاڭىز، ءبىراق ءوز تۇيسىگىڭىزبەن جۇرۋگە وزىڭىزگە مۇمكىندىك بەرىڭىز. وزىڭىزگە ادال بولىڭىز. ايتارىڭىزدى ايتىڭىز. جۇرەگىڭىز نە دەسە، سونى ىستەڭىز.

قاتتى شارشاۋعا جول بەرمەڭىز، ارا-تۇرا دەمالىپ تۇرىڭىز

قارقىندى باسىڭىز. تەرەڭ دەمالىڭىز. وزىڭىزگە ءۇزىلىس جاساۋعا، قايتا قۇرىلۋعا جانە الدىڭا ماقسات قويىپ، ناقتى قادام جاساۋعا مۇمكىندىك بەرىڭىز. شارۋا باستان اسىپ جاتقاندا، كىشىگىرىم ءۇزىلىس اقىل-ويدى سەرگىتىپ، ونىمدىلىكتى ارتتىرادى.

ءار ءساتتىڭ كوركەمدىگىن بايقاڭىز

ۇيلەنۋ تويى، بالا تۋۋ، مانساپتىڭ جوعارىلاۋى، ۇتىس ويىنىن ۇتۋ سياقتى وراسان زور وقيعانى كۇتۋدىڭ ورنىنا كۇندەلىكتى ورىن الىپ جاتقان كىشىگىرىم وقيعالاردان باقىت ىزدەڭىز. تاڭعى كوفە، ءدامدى تۇسكى اس نەمەسە ءۇي تاعامىنىڭ ەلىتەر ءيىسى، سىزگە قۋانىش سىيلايتىن زاتتى باسقالارمەن ءبولىسۋ نەمەسە سۇيىكتى ادامىڭىزدىڭ قولىنان ۇستاۋ سياقتى كىشىگىرىم وقيعالار.

جەتىلمەگەن دۇنيەنى دە قابىلداڭىز

ەسىڭىزدە بولسىن، جەتىلگەن دۇنيە – جاقسىلىقتىڭ دۇشپانى. ءوزىن جانە قورشاعان ورتاسىن جاقسارتقىسى كەلەتىندەردىڭ ءبىر ورەسكەل قاتەلىگى، اينالاداعى شىنايى بولمىستى قالاي بار، سولاي قابىلداي الماۋىندا. كەيدە الەمدى جانە ونداعى ادامداردى شىنايى باعالاپ جانە بار بولمىسىمەن قابىلداعان ءجون. ولاردى ءوز ارمانىڭداعى قيالعا اينالدىرۋعا تىرىسۋ قاتەلىك بولىپ تابىلادى. ارينە، بۇل قابىلەتسىز بولۋ كەرەك دەگەندى بىلدىرمەيدى، ءبىراق اسا جەتىلمەي قالعان دۇنيەلەردى دە قابىلداپ، جاقسى كورۋدى ۇيرەنۋ كەرەك.

كۇندەلىكتى ماقساتىڭىزعا ءبىر قادام جاقىنداي ءتۇسىڭىز

مىڭداعان كيلومەترگە ساياحات ءبىر قادامنان باستالاتىنىن ۇمىتپاڭىز. نەنى ارمانداساڭىز دا، كۇندەلىكتى سول ارمانىڭىزعا جاقىنداتاتىن بىردەڭە ىستەپ وتىرىڭىز. ارەكەت جاساڭىز! قارقىندى جۇمىس جاساعان سايىن تابىستى بولاسىز.

سەزىمىڭىزدى جاسىرماڭىز

ەگەر رەنجىپ جۇرگەن بولساڭىز، رەنىشىڭىزدى كورسەتۋگە مۇمكىندىك پەن ۋاقىت بەرىڭىز، ءبىراق ونى جاسىرماڭىز. جاقىن ادامدارىڭىزبەن بۇل جايلى سويلەسىڭىز. سەزىمىڭىزدى جەتكىزىڭىز. ولارعا تۇسىندىرۋگە تىرىسىڭىز. جانىڭىزدى جابىرقاتىپ جۇرگەن ويلارىڭىزبەن ءبولىسۋ وتە وڭاي، ەسەسىنە ماسەلە شەشىلگەن سوڭ تەز ارادا جاقسى كوڭىل كۇيگە بولەنەسىز.

ءوز ومىرىڭىزگە جاۋاپكەرشىلىك الىڭىز

ءسىزدىڭ تاڭداۋىڭىز بەن قاتەلىكتەرىڭىز بۇل تەك سىزدىكى بولسىن، جانە ولاردى تۇزەۋ ءۇشىن سىزگە بىردەڭە ىستەۋ كەرەك بولاتىنىنا دايىن بولىڭىز. ءوز ومىرىڭىزگە ءوزىڭىز جاۋاپتى بولماساڭىز، باسقا بىرەۋ جاۋاپتى بولادى. جانە بۇل ىسكە اسقان جاعدايدا، ءسىز ونىڭ ارماندارىنىڭ قۇلىنا اينالاسىز. ءومىرىڭىزدى باسقارۋعا ەشكىمگە مۇمكىندىك بەرمەڭىز. ءيا، بۇل وڭاي ەمەس ەكەنىن ەسكەرتەمىز.

اسا ماڭىزدى قارىم-قاتىناستاردى بەلسەندى تۇردە دامىتىڭىز

ءوز ومىرىڭىزگە جانە جاقىندارىڭىزدىڭ ومىرىنە ناعىز، شىنايى قۋانىش سىيلاڭىز. بۇل جاي عانا ولاردىڭ ومىرىڭىزگە قانشالىقتى ماڭىزدى ەكەنىن ايتۋدان باستالادى. اينالاڭىزدا كوپ ادام ءجۇرۋ ماڭىزدى ەمەس، باستىسى ءسىز سەنە الاتىن، ءسىز سىيلايتىن ادامداردىڭ بولعانى. جانە ولاردى قۋانتۋ ءۇشىن قولىڭىزدان كەلگەنىن جاساڭىز.

باقىلاۋىڭىزدا ۇستاي الاتىن زاتتاردى باعالاڭىز

ءبارىن وزگەرتە المايتىنىڭىز انىق، دەگەنمەن بىردەڭەنى وزگەرتۋگە اتسالىسا الاسىز. قولىڭىزدان كەلمەيتىن دۇنيەنى وزگەرتۋگە ۋاقىت، دارىنىڭ مەن كۇشىڭدى جۇمساۋ – كوڭىل قالۋشىلىق، قايعىرۋ مەن بەلسەندىلىكتىڭ تومەندەۋىنە اكەلەتىن تىكەلەي جول. كۇش-قۋاتىڭىزدى ءسىز باقىلاۋدا ۇستاي الاتىن دۇنيەلەرگە ارناڭىز جانە سولاردى تۇزەۋگە تىرىسىڭىز.

وڭ ناتيجە شىعارامىن دەپ ويلاڭىز

بىردەڭەنى ىسكە اسىراردا، مۇنىڭ ىسكە اساتىنىن ميىڭىز بەن جان دۇنيەڭىز سەنۋى كەرەك. تەرىس ويلار مەن جاعىمسىز ەموسيالاردان ارىلۋدىڭ ۇزدىك ءادىسى – ولارعا كەرەعار، ودان دا جارقىن جانە مىقتى ويلارعا باسىمدىق بەرۋ. ىشكى تۇيسىگىڭىزدى تىڭداڭىز، تەرىس ويلاردى وڭ ويلارعا اينالدىرىڭىز. قانداي جاعداي بولماسىن، ويىڭداعىڭىز ىسكە اسقانىن عانا ويلاڭىز. ال سوسىن العا قاراي قادام جاساڭىز.

قالاي بولعاندا دا باي ەكەنىڭىزدى ويلاڭىز

گەنري ديەۆيد تورو بىلاي دەگەن ەكەن: «بايلىق – بۇل ءومىردى سوڭىنا دەيىن سەزە ءبىلۋ قاسيەتى». قيىن كەزەڭدەرگە تاپ بولساڭىز دا، ءبارى جاقسى بولاتىنىنا سەنۋ كەرەك. ءسىزدىڭ تاڭەرتەڭ كيەتىن كيىمىڭىز بار. ىشەتىن اۋىز سۋىڭىز بار. وقي الاسىز. ءسىز اسا باي ادامسىز، سوندىقتان ەسىڭىزدە بولسىن، قولىڭىزدا بار دۇنيەگە شۇكىر ايتا ءبىلىڭىز. ەڭ ۇلكەن بايلىق – قاناعات.

---