دەنەنىڭ ءوندىرىس فابريكاسى – باۋىر
باۋىر – جەلىنگەن ازىقتاردىڭ دەنە تاراپىنان قولدانىمدى تۇرگە ەنۋىن قامتاماسىز ەتەدى. قان جولىمەن بۇكىل ازىق بولشەكتەرىن قورىتىلعان كۇيدە الىپ، ءتۇرلى حيميالىق رەاكسيالاردان وتكىزىپ، دەنەنىڭ باسقا كلەتكالارىنا پايدالى نەگىزدەرگە اينالدىرادى.
باۋىردىڭ تەك ءبىر كلەتكاسىندا 500 ءتۇرلى حيميالىق امال جۇزەگە اسادى. باۋىر كلەتكاسى جەلىنگەن ازىقتاردىڭ بارلىعىن كلەتكالارىمىزدىڭ قولدانا الاتىنداي شەكەر، ياعني گليۋكوزاعا اينالدىرادى. قولدانىلماعان شەكەردى مايعا اينالدىرىپ ساقتايدى. شەكەر جوق بولعاندا پروتەيندەردى جانە مايلاردى شەكەرگە اينالدىرىپ كلەتكالارعا جىبەرەدى.
دەنەدەگى بۇكىل قاننىڭ 800-900 گرامى ءار مەزەتتە، 1،5-2 كيلوگرامدىق ەت ماسساسى بولعان باۋىر تاراپىنان ءسىڭىرىلىپ تۇرادى. باۋىر ادام دەنەسىندەگى ءوز-وزىن جاڭالاۋ قابىلەتى بار جالعىز مۇشە. باۋىردىڭ 70% الىنسا دا 1-2 اپتا ىشىندە مىندەتىن اتقاراتىن قالپىنا قايتا كەلەدى.
باۋىردىڭ اتقاراتىن مىندەتتەرىنىڭ ءبىرشاماسى مىنالار:
ماي، پروتەين جانە شەكەر مەتابوليزمىن رەتتەيدى جانە بۇل ءۇشىن كەرەكتى ەلەمەنتتەردى جينايدى.
ىشكى جانە سىرتقى قالدىقتاردى تازالايدى.
باۋىردان وتكەن قاندى فيلتىرلەيدى.
ۆاكسينا پروتەيندەرىن وندىرەدى.
دەنە تەمپەراتۋراسىن رەتتەيدى.
گورموندارعا اسەرىن تيگىزەدى.
قانداعى شەكەر مولشەرىن رەتتەيدى.
كۇنىنە 1 ليترگە جۋىق ءوت وندىرەدى.
دارىلەردىڭ مەتابوليزمىن رەتتەيدى.
دەنەگە كەرەكتى سۋ جانە ۆيتاميندەردى جاسايدى.
You Might Also Like
-
1) ادامنىڭ كوزى قالىپتى جاعدايدا الىستاعى نەمەسە جاقىنداعى جاعدايدى كورگەندە كوزدىڭ فوكۋستالۋى وزگەرىپ وتىرادى. ال تەلەديدارعا قاراپ، ياعني تەك ءبىر كەڭىستىككە قاراپ وتىرعانداكوز قوزعالىسسىز قالادى. ...
