InfoHub Logo

1) ادامنىڭ كوزى قالىپتى جاعدايدا الىستاعى نەمەسە جاقىنداعى جاعدايدى كورگەندە كوزدىڭ فوكۋستالۋى وزگەرىپ وتىرادى. ال تەلەديدارعا قاراپ، ياعني تەك ءبىر كەڭىستىككە قاراپ وتىرعانداكوز قوزعالىسسىز قالادى. سونىڭ اسەرىنەن كوزىمىزدىڭ بۇلشىق ەتتەرىنە كۇش تۇسەدى. كوزدەگى بۇرشاقتىڭ ماشىقتانۋ قابىلەتى مەن جىلدام وزگەرۋ مۇمكىندىگى ازايادى. بۇل كوزدىڭ قيسايۋىنا اكەپ سوعادى.

2) ەكرانداعى ءتۇرلى بەينەلەر تۇراقسىز، ۇنەمى جىپىلىقتاپ تۇرادى. سودان ءبىزدىڭ كوزىمىز جانە جۇيكە-جۇيەمىز شارشايدى. ناتيجەسىندە كوزدىڭ ناشار كورۋىنە اكەپ سوعادى.

3) ەكرانداعى كەسكىن نۇكتەلەردەن تۇراتىندىقتان، كوزىمىز دۇرىس توپتالىپ كورە المايدى. نەگىزى كوز بۇدان دا ۇساق بولشەكتەردى اجىراتا الادى، ءبىراق ەكراندا كوزدىڭ اجىراتۋ قابىلەتىنەن بولەك اشىق ەمەس كەسكىن بەرىلەتىندىكتەن كوز تورى ناشارلايدى.

4) قالىپتى جاعدايدا وبەكتىلەر ءتۇسىنىڭ جارقىندىعى 180 دب-گە (دەسيبەل) دەيىن جەتەدى. ال تەلەديدار ەكرانىنداعى جارقىندىلىقتىڭ وزگەرۋ دياپازونى 60 دب-دان اسپايتىندىقتان كوز تەز شارشايدى.

5) ۇزدىكسىز كەسكىندى قالىپتاستىرۋ ءۇشىن ينەرسيوندىق قابىلەتىنەن دە، سانامىزدىڭ ينەرسيوندىق سيپاتى قولدانىلادى. مي ۇزىك كادرلاردان توقتاۋسىز كەسكىندەردى جيناقتايدى. مىسالى: SECAM TV-ستاندارتىندا كەسكىندى 12 كادر ارقىلى ءبىتىرۋ قاراستىرىلعان. بۇل جۇيكە جۇيەسىنە كۇش تۇسىرەدى. ول مي مەن كوز اراسىنداعى كەرى بايلانىستان كوزدىڭ كورۋ قابىلەتىنە كەرى اسەر ەتەدى.

6) تەلەديدار ەڭ ۇلكەن ءقاۋىپتى 16 جاسقا دەيىنگى بالالار مەن جاسوسپىرىمدەرگە تۋعىزادى. قازىرگى تاڭدا شەتەل فيرمالارى جارقىراعان نۇكتەلەردىڭ سانى كوپ تەلەديدارلار ويلاپ تابۋدا. بۇل ءوز كەزەگىندە كەسكىننىڭ تەڭبىلدىگىن ازايتىپ، تەلەديداردىڭ كوزگە زياندىلىعىن تومەندەتەدى. ەگەر تەلەديداردىڭ زياندىلىعى از بولسىن دەسەك، الىس وتىرۋ كەرەك. سوندا ەكرانداعى نۇكتەلەر بىرىگەدى جانە كەسكىندەر تۇتاس بولادى. ادەتتە تەلەديداردى 3-5 م قاشىقتىقتا كورۋگە ۇسىنىس بەرىلەدى. الايدا كەسكىننىڭ بولىكتەرىن كورۋ ءۇشىن كوزگە ءبارى-بىر كۇش تۇسەدى.

---