InfoHub Logo

الەۋمەتتىك جەلىدە «حوليد» لاقاپ اتىمەن تانىمال ءدىنباسى، ءانشى سايات مەدەۋوۆتىڭ QazaqAiran ارناسىنا بەرگەن سۇحباتىنا قاتىستى پىكىرىن ءبىلدىردى. ول مەدەۋوۆتى مۇسىلمان زيراتىنا جەرلەۋگە بولمايتىنىن ايتىپ، ۇندەۋ جاسادى.

بۇل تۋرالى Infohub.kz اقپارات اگەنتتىگى حابارلايدى.

ءدىنباسىنىڭ پىكىرى

سايات مەدەۋوۆ سۇحباتىندا ءدىن جانە ءدىندارلار تۋرالى وتكىر پىكىر ايتىپ، قوعامدى اداستىرىپ جۇرگەن كەيبىر ءدىندارلاردى زاڭمەن جازالاۋ كەرەكتىگىن ايتقان بولاتىن. ءانشىنىڭ بۇل سوزدەرى ءدىنباسى حوليدقا ۇناماي قالدى.

«بۇل كىسى ءوزىنىڭ سەنىمىن ايتۋدا، دۇرىس. ءبىز زايىرلى قوعامدا ءومىر سۇرەمىز. ءبىراق ول «سەندەردىڭ دىندەرىڭ وتىرىك، پايعامبارىڭ ەشكىم ەمەس. سەندەر مۇسىلماندار ارابقۇلسىڭدار» دەپ ايتىپ جاتىر. ەندى ءبىزدىڭ مۇسىلمانداردىڭ موينىنداعى مىندەت – بۇل كىسىدەن سۇراۋى كەرەك، «ولگەنىڭدە مۇسىلمانشا جەرلەيىك پە» دەپ. بۇل كىسى دە قازىردەن «مەن ولگەندە مۇسىلمانشا جەرلەمەڭدەر» دەپ ايتۋى كەرەك»، - دەيدى حوليد.

ەكىجۇزدىلىككە جول جوق

ءدىنباسىنىڭ ايتۋىنشا، ءاسانالى ءاشىموۆ پەن مارات وسپانوۆ سياقتى تۇلعالار دا دىنگە قاتىستى وتكىر پىكىرلەر ايتقانىمەن، ولگەندە مۇسىلمانشا جەرلەنگەن. «وندايلاردى ولگەننەن كەيىن ارۋلاپ جەرلەپ كەرەگى نە؟ ولار اللاعا سەنبەيدى، پايعامباردىڭ شاپاعاتشى بولاتىنىنا سەنبەيدى عوي. سوندىقتان ەكىجۇزدىلىكتى قويۋ كەرەك. ەگەر ءقازىر مىنانىڭ ورنىندا قاراپايىم بىرەۋ بولسا، «وي ونى كومبەۋ كەرەك»، «ول ءتاڭىرشى» دەپ شىعاتىن ەدى. مىناۋ دا سونداي عوي»، - دەپ قوستى حوليد.

ول انشىلەر مەن اكتەرلەردى يسلامدا سىيلامايتىنىن ايتىپ، سوندىقتان بۇل كىسىلەردى مۇسىلمان زيراتىنا جەرلەۋدىڭ قاجەتى جوق ەكەنىن اتاپ ءوتتى.