ءدىنتانۋ ماماندىعى
ءدىنتانۋ – بۇل ءدىني ىلىمدەر تاريحىن جانە ءدىني ءومىردىڭ ينستيتۋسيالىق فورماسىن دىني-مادەني مۇرا، ءدىني ونەر، ءدىني جازبا ەسكەرتكىشتەرىن، ءدىني ءبىلىم جانە عىلىمي زەرتتەۋ قىزمەتى، دىنگە ءتان قۇقىقتى، دىندەر تاريحىنىڭ ارحەولوگيالىق ەسكەرتكىشتەرىن، ءتۇرلى ءدىني ىلىمدەر مەن ءدىني ۇيىمدار اراسىنداعى ءوزارا قاتىناس تاريحى مەن قازىرگى احۋالىن زەرتتەيدى. جوعارى كاسىبي ءبىلىم بەرۋ جۇيەسىندە ءدىنتانۋ زايىرلى تۇرعىدان وقىتىلادى. ءدىنتانۋ ءپانى – تاريحتىڭ سان عاسىرلىق مۇراسىندا جيناقتالعان ءدىني تاجىريبە، ءدىني مادەنيەت ەسكەرتكىشتەرى، ينتەللەكتۋالدى جانە رۋحاني مۇرالار بولىپ تابىلادى. بارلىق وقىتۋشىلار ءدىني بىلىمگە، ءدىني ادەت-عۇرىپتار مەن داستۇرلەرگە قۇرمەتپەن قارايدى. زايىرلى عىلىمنىڭ تاقىرىبى مەن مازمۇنى اتەيستىك نەمەسە دىنگە قارسى ەمەس. ۋنيۆەرسيتەتتە وقىتىلاتىن ءدىني عىلىمداردىڭ تاقىرىبى مەن مازمۇنى قايىرىمدىلىق، ىزگىلىك، ادام سۇيگىشتىك، پاتريوتيزم، تولەرانتتىلىق، باسقا ءدىن وكىلدەرىنە قۇرمەتپەن قاراۋ قاعيداتتارىنا سۇيەنەدى.
ەگەر ءسىز «ءدىنتانۋ» ماماندىعىن تاڭداعان بولساڭىز، وندا جوعارعى كاسىبي دەڭگەيدە كونفەسسيونالدىق ماسەلەلەردى تەرەڭ تالداۋعا قابىلەتتى بولاسىزدار. ءقازىر الەمدىك دەڭگەيدە ءدىن شيەلەنىسكە جاعدايدا ەكەنى ءمالىم. سوندىقتان، مەملەكەتكە ءدىنتانۋشى مامانداردىڭ جانجالعا قارسى تۇراقتىلىعىن قالىپتاستىرۋعا، سونىمەن بىرگە جاستار ورتاسىندا ادامنىڭ قۇقىقتارى مەن بوستاندىقتارىن قادىرلەۋ پرينسيپتەرىنە، ەتنوسارالىق جانە كونفەسسياارالىق بەيبىت پەن كەلىسىمگە قۇشتارلىققا، ديالوگ جاساۋعا دايىن بولۋىنا نەگىزدەلگەن ەتنومادەني ءوزارا قۇرمەتتەۋدىڭ دۇنيەتانىمىن جانە رۋحاني -ادامگەرشىلىك اتموسفەرانىڭ قالىپتاسۋىنا ىقپال ەتەدى دەپ قاراستىرىلعان. ءوز جولىڭدى ءوزىڭ تاڭدا، جاس تۇلەك!
ءال-فارابي اتىنداعى قازاق ۇلتتىق ۋنيۆەرسيتەتى.
فيلوسوفيا جانە ساياساتتانۋ فاكۋلتەتىنىڭ 3-كۋرس ستۋدەنتى ەركىنباي تىنىشاي قۋانىش قىزى.
اعا وقىتۋشى:مۇقان نۇرزات
پراكتيكا جەتەكشىسى:ەلنۇر اسكەن ۇلى
You Might Also Like
