ءدىنتانۋ ماماندىعىنىڭ وزەكتىلىگى
ەڭ الدىمەن ءسوز باسىندا، ءوزىمدى تانىستىرىپ كەتكەنىم ءجون بولار. مەن - نۋربوسىن قىزى البينا قازىرگى تاڭدا ءال-فارابي اتىنداعى قازاق ۇلتتىق ۋنيۆەرسيتەتىنىڭ، فيلوسوفيا جانە ساياساتتانۋ فاكۋلتەتىنىڭ، “ءدىنتانۋ”ماماندىعىنىڭ 1ء-شى كۋرس ستۋدەنتىمىن. ۋاقىتتىڭ جىلدام وتكەنى سونشالىقتى، 3-ايدان كەيىن 1 كۋرستى ءتامامدايتىنىمدى بايقاماي قالدىم. وسى تۇستا وزىمە سۇراق قويدىم: مەن جارتى جىل ارالىعىندا ماماندىعىمنىڭ ماڭىزدىلىعىن تۇسىنە الدىم با؟
جالپى، ەلىمىزدە “ءدىنتانۋ” ماماندىعى جايلى كوپ بىلە بەرمەيدى. ەستىگەندەردىڭ ءوزى، ءدىن قىزمەتكەرلەرىمەن شاتاستىرىپ ەكەۋىنىڭ ارا-جىگىن اجىراتا الماي جاتادى. ال مەن ءبىزدىڭ قازىرگى قوعام ءۇشىن ەڭ قاجەتتى ماماندىقتاردىڭ ءبىرى دەر ەدىم. سەبەبى، ءدىن قاي زاماندا بولسادا، وزەكتىلىگىن جوعالتپايتىندىقتان، سونىمەن قاتار، ەگەمەن ەل بولعاندىقتان، ءدىني كەلىسىمدەردى تۇراقتى ۇستاپ، ارى قاراي ارتتىرۋدا ءدىنتانۋشى ساراپشى مامانداردىڭ ءرولى زور. قىسقاشا ايتقاندا، ءدىنتانۋشى-بارلىق دىندەردى عىلىمي تۇرعىدان زەرتتەيتىن مامان. سوندىقتاندا، بارلىق ءدىنتانۋشى ماماندار بارلىق دىندەرگە قۇرمەت كورسەتە ءبىلۋى كەرەك. ەگەر مۇنداي جاعدايلار ورىن الماسا، ءدىني قاقتىعىستار كوبەيەدى. الايدا، قازىرگى تاڭدا دىندەردىڭ جاڭا اعىمدارى كوبەيۋدە. ءبىزدىڭ ماقساتتارىمىزدىڭ ءبىرى، وسى ءدىني ءبىلىمى جوق، شەتەل اسىپ جات اعىمعا كەتكەن جاستاردى قۇتقارۋ. مەنىڭ ويىمشا، وسىنداي جاعدايلاردىڭ الدىن الۋ ءۇشىن مەكتەپ كەزدەن دۇرىس كوڭىل بولگەن ءجون. مەنىڭ ايتپاعىم، ءدىنتانۋ ءپانى رەتىندە وعان قوسىمشا ساباق رەتىندە قاراماۋ، وسى تۇستا ناعىز ءدىنتانۋشى مامانداردىڭ ساباق جۇرگىزۋى كەرەك دەپ ويلامىن. سەبەبى، كوپ جەرلەردە تاريح ءپانىنىڭ وقىتۋشىلارى ساباق بەردى. الەۋمەتتىك جەلىلەردە ءدىني كونتەنت جاساپ جۇرگەن بلوگەرلەردىڭ الەۋمەتتىك ەكسپەريمەنت ۆيدەولارى كوپ. سول ۆيدەودان بايقاعانىم، حالىقتىڭ ءدىن تۋرالى تۇسىنىگى جالپى ءدىني ساۋاتى جوق. الداعى ۋاقىتتا، قانداي شارالار جاسالىناتىنى بەلگىسىز. ءدىنتانۋشى مامانداردىڭ قوعامداعى بەدەلى ارتۋ ءۇشىن مەملەكەت تاراپىنان قولداۋ كەرەك. ءدىنتانۋشى ماماندار ايتارلىقتاي بار ءبىراق، باسىم كوپشىلىگى جالاقىنىڭ تومەن بولۋىنان نەمەسە جۇمىستىڭ كەي جاعدايدا از بولۋىنان ءوز سالاسى بويىنشا قىزمەت اتقارمايدى. وزىمە ءوز ماماندىعىم ۇنايتىندىقتان، بولاشاقتا وسى سالادا جۇمىس ىستەگىم كەلەدى.
ءال-فارابي اتىنداعى قازاق ۇلتتىق ۋنيۆەرسيتەتى.
ءدىنتانۋ ماماندىعىنىڭ 1-كۋرس ستۋدەنتى
نۋربوسىن قىزى البينا
جەتەكشى اعا وقىتۋشى:تۋنگاتوۆا. ۋ. ا.
You Might Also Like
-
ەلىمىز تاۋەلسىزدىك العانعا دەيىن ءبىز ءوز حالقىمىزدىڭ تاريحىن جارتىلاي بۇرمالانعان كۇيدە وقىپ كەلدىك. سەبەبى، سول كەزدەگى زامان ءبىرجاقتى يدەولوگيا مەن كەڭەستىك ساياساتتىڭ توڭىرەگىندە قالىپتاستى. ساياسا...
