Photo: Aleksandar Andreev (https://www.pexels.com/@andreevaleksandar) / Pexels
دجەففري ەپشتەيننىڭ تۇرمەدەگى جازباسى: قۇپيا اشىلدى ما؟
اقش-تا سوت بىرنەشە جىل بويى قۇپيا ساقتالعان دجەففري ەپشتەينگە قاتىستى جۇمباق جازبانى العاش رەت جاريا ەتتى. بۇل قۇجات ونىڭ تۇرمەدە وزىنە قول جۇمساماق بولدى دەلىنگەن وقيعادان كەيىن تابىلعان.
بۇل تۋرالى Infohub.kz اقپارات اگەنتتىگى حابارلايدى.
جازبانىڭ پايدا بولۋى
جازبانى جاريالاۋ تۋرالى شەشىمگە The New York Times باسىلىمىنىڭ ءوتىنىشى سەبەپ بولعان. قۇجات ەپشتەيننىڭ بۇرىنعى كامەرالاس سەرىگى نيكولاس تارتاگليونەگە قاتىستى ءىس ماتەريالدارىنىڭ اراسىنان شىققان. تارتاگليونە – ءتورت ادامدى ولتىرگەنى ءۇشىن سوتتالعان بۇرىنعى پوليسيا قىزمەتكەرى.
ونىڭ ايتۋىنشا، ول بۇل جازبانى 2019 جىلدىڭ 23 شىلدەسىندە بولعان وقيعادان كەيىن كىتاپتىڭ ىشىنەن تاپقان. سول كۇنى ەپشتەين كامەرا ەدەنىندە موينىنا توسەك جايماسىنىڭ جولاعى ورالعان كۇيدە تابىلعان ەدى. ال شامامەن ءۇش اپتادان كەيىن قارجىگەر مانحەتتەندەگى فەدەرالدىق تۇرمەدە ءولى كۇيىندە تابىلعان بولاتىن.
جازبادا نە جازىلعان؟
جاريالانعان جازبادا مىناداي سوزدەر جازىلعان:
"مەنى ءبىر اي بويى تەرگەدى – ەشتەڭە تاپپادى!!! قوشتاسۋ ۋاقىتىن ءوزىڭ تاڭداۋدىڭ قانداي كەرەمەت ەكەنىن بىلەسىڭ بە؟! سەندەر مەنىڭ نە ىستەگەنىمدى قالار ەدىڭدەر – جىلاعانىمدى ما؟! بۇدان ەشقانداي ءلاززات جوق. وعان تۇرمايدى".
الايدا بۇل ءماتىندى ناقتى كىم جازعانى ءالى كۇنگە دەيىن بەلگىسىز. جازبا ەپشتەيننىڭ ءولىمى تۋرالى رەسمي ەسەپتەردە كورسەتىلمەگەن جانە اقش ادىلەت مينيسترلىگى بۇعان دەيىن جاريالاعان ماتەريالداردىڭ ىشىندە دە بولماعان.
رەسمي نۇسقا مەن كۇدىكتەر
تۇرمە قۇجاتتارىنا سايكەس، شىلدەدەگى وقيعادان كەيىن ەپشتەيننىڭ موينىندا ىزدەر مەن تەرى تىتىركەنۋى انىقتالعان. كەيىن ول وزىنە قول جۇمساۋعا ارەكەتتەنگەنىن جوققا شىعارىپ، سۋيسيد ونىڭ ءدىني سەنىمدەرىنە قايشى ەكەنىن ايتقان.
ەپشتەين 2019 جىلدىڭ 10 تامىزىندا مانحەتتەندەگى فەدەرالدىق تۇرمەدە ءولى تابىلدى. رەسمي نۇسقا بويىنشا ونىڭ ولىمىنە سەبەپ – سۋيسيد. الايدا ەپشتەيننىڭ قازاسىنا قاتىستى جاعدايلار ءالى كۇنگە دەيىن ءتۇرلى داۋلار مەن قاستاندىق تەوريالارىنىڭ وزەگىنە اينالىپ كەلەدى.
-
The United States may resume military operations against Iran if diplomatic breakthroughs falter and Tehran fails to respond to a memorandum within 48 hours.
-
A previously sealed prison note found after Jeffrey Epstein's suicide attempt has been released، fueling ongoing speculation about his death.
