tengrinews.kz
دميتريي بيۆول قورعانىس شەبەرى ەكەنىن دالەلدەدى: ايفەرتتەن باسىم ءتۇستى
بوكستان WBA، IBF جانە WBO نۇسقالارى بويىنشا الەم چەمپيونى دميتريي بيۆول IBF نۇسقاسى بويىنشا مىندەتتى قارسىلاسى مايكل ايفەرتتى جەڭىپ، ءوز تيتۋلدارىن ءساتتى قورعاپ قالدى.
بۇل تۋرالى Infohub.kz اقپارات اگەنتتىگى حابارلايدى.
كەزدەسۋ 30 مامىر كۇنى ەكاتەرينبۋرگتە وتكەن RCC Boxing Promotions ۇيىمداستىرعان بوكس كەشىندە ءوتتى. ءبىرىنشى راۋندتا بيۆول قارسىلاسىن سول قولىمەن سوعىپ، نوكداۋنعا ءتۇسىردى. الايدا، ايفەرت ورنىنان تۇرىپ، راۋندتى اياقتاپ شىقتى.
ايفەرتتىڭ ارەكەتى
قالعان 11 راۋند بويى چەمپيون باسىمدىق تانىتتى، ءبىراق بۇل ايقىن باسىمدىق بولمادى. ايفەرت سەنىمدى قالپىن ساقتاپ، كەيدە ءقاۋىپتى شابۋىلدار جاساپ وتىردى، ءبىراق ەشبىر ساتتە ايتارلىقتاي تابىسقا جەتە المادى.
قورىتىندى ەسەپ
كەزدەسۋ سوڭىندا بارلىق تورەشىلەر ءبىراۋىزدان 120-107 ەسەبىمەن دميتريي بيۆولدىڭ پايداسىنا شەشىم شىعاردى. توقماق قالاسىنىڭ بوكسشىسى ايفەرتكە بىردە-بىر راۋندتى بەرمەدى.
«جىگىتتەر، قولداۋلارىڭىزعا راحمەت، سىزدەر ەڭ ۇزدىكسىزدەر. ايفەرت پەن ونىڭ كومانداسىنا راحمەت، ولارسىز بۇل كەش وتپەس ەدى. RCC-گە راحمەت»، - دەدى بيۆول جەكپە-جەكتەن كەيىن.
-
الماتىنىڭ تاريحي ورتالىعىندا "RAMS Sayahat" تۇرعىن ءۇي كەشەنىنىڭ تەحنيكالىق اشىلۋى ءوتتى. ءبىرىنشى كەزەڭنىڭ تۇرعىندارىنا ارنالىپ، مەرەكەلىك باعدارلاما ۇيىمداستىرىلدى.
-
سۇلۋلىق سالونى يەسىنىڭ ءانشى ءمولدىر اۋەلبەكوۆاعا قاتىستى ايتقاندارى جەلىدە قىزۋ تالقىعا ءتۇستى. بلوگەر قانات مايلىباي بۇل جاعدايعا قاتىستى ءوز پىكىرىن ءبىلدىردى.
