InfoHub Logo

الماتىنىڭ تاريحي ورتالىعىندا "RAMS Sayahat" تۇرعىن ءۇي كەشەنىنىڭ تەحنيكالىق اشىلۋى ءوتتى. بۇل – قالانىڭ ەڭ كونە ءارى سۇيىكتى اۋداندارىنىڭ بىرىندە بوي كوتەرگەن زاماناۋي ساۋلەت پەن تاريحي اتموسفەرانى ۇيلەستىرگەن جاڭا قۇرىلىس.

بۇل تۋرالى Infohub.kz اقپارات اگەنتتىگى حابارلايدى.

ءبىرىنشى كەزەڭنىڭ تۇرعىندارى ءۇشىن ارنايى مەرەكەلىك باعدارلاما ۇيىمداستىرىلدى. وندا ويىن-ساۋىق شارالارى، داستارحان جايىلىپ، بالالارعا ارنالعان انيماسيالىق ويىندار، مۋزىكالىق سۇيەمەلدەۋ جانە سىيلىقتار ويناتىلدى. سونىمەن قاتار، جاڭا پاتەر يەلەرىنە كىلتتەرى سالتاناتتى تۇردە تابىس ەتىلدى.

تاريحي "ساياحات" اۋدانىنداعى جاڭا ءومىر

RAMS Sayahat تۇرعىن ءۇي كەشەنى قالانىڭ ەڭ تانىمال اۋداندارىنىڭ بىرىنە ۇيلەسىمدى كىرىكتىرىلگەن. كەشەن زاماناۋي ارحيتەكتۋرانى "ساياحات" اۋدانىنىڭ تاريحي كەلبەتىمەن ۇشتاستىرادى.

RAMS Almaty ۆيسە-پرەزيدەنتى دوعان بۋلبۋل: "جىلدىڭ ءبىرىنشى جارتىجىلدىعىندا ءبىز ءۇشىنشى جوبامىزدى پايدالانۋعا بەرىپ، تۇرعىندارعا كىلتتەرىن تابىستاي باستادىق. "RAMS Sayahat" تۇرعىن ءۇي كەشەنى تولىق پايدالانۋعا بەرىلگەننەن كەيىن شامامەن 2،5-3 مىڭ تۇرعىنعا ارنالعان ءۇي بولادى. بۇل الماتىنىڭ تاريحي ورتالىعىندا جاڭا زاماناۋي قالالىق كەڭىستىكتى قالىپتاستىرادى. جاقىن ارادا سەرۋەندەۋ ايماعى مەن ساعات مۇناراسىنىڭ رەسمي اشىلۋىن حابارلايمىز. بۇل نىساندار قالا تۇرعىندارى ءۇشىن جاڭا تارتىلىس ورتالىعىنا اينالارىنا سەنىمدىمىن. ءبىزدىڭ تۇرعىندارىمىزعا جاڭا ۇيلەرىندە ءاردايىم جايلىلىق، باقىت، اماندىق جانە كوپتەگەن جىلى وتباسىلىق ساتتەر تىلەيمىن"، - دەدى.

قالالىق كەڭىستىكتى جاڭعىرتۋ

جوبا تەك جايلى تۇرعىن ورتانى جانە دامىعان ينفراقۇرىلىمدى قۇرۋدى عانا ەمەس، سونىمەن قاتار قوعامدىق كەڭىستىكتى اباتتاندىرۋدى دا كوزدەيدى. جاقىن ارادا تۇرعىندار مەن قالا قوناقتارى ءۇشىن سەرۋەندەۋ ساياباعى اشىلادى. سونداي-اق، اۋداننىڭ باستى نىشاندارىنىڭ ءبىرى – اتى اڭىزعا اينالعان ساعات مۇناراسى دا قايتا جاڭعىرادى.

ساعات مۇناراسى 1967 جىلى الماتىداعى العاشقى تۇراقتى اۆتوۆوكزال "ساياحات" اشىلعان كەزدە پايدا بولعان. كەيىننەن بۇل ايگىلى مۇنارا الماتىلىقتاردىڭ بىرنەشە بۋىنى ءۇشىن اۋداننىڭ تانىمال بەلگىسىنە اينالدى. جاڭارتىلعان ۋاقىت سيمۆولى جاقىن ارادا الماتىنىڭ قالالىق ءومىرىنىڭ ءبىر بولىگى بولادى.

RAMS Sayahat كومپانيانىڭ الماتىنىڭ تاريحي مۇراسىن قۇرمەتتەي وتىرىپ، قالا ءومىرىنىڭ جايلىلىعىن، دامىعان ينفراقۇرىلىمىن ۇيلەستىرەتىن زاماناۋي تۇرعىن كەڭىستىكتەردى قۇرۋ كونسەپسياسىن جالعاستىرادى.