دوسمۇقاسان
ءار اۋىلدان الماتى قالاسىنا وقۋعا كەلگەن ءبىر توپ جىگىتتەر پوليتەحنيكالىق ينستيتۋتتا باستارىن قوسادى. بالالىق شاقتارىنان مۋزىكاعا اۋەس بولعان ولاردىڭ قاتارىندا — مۇرات قۇسايىنوۆ، دوسىم سۇلەيەۆ، حاميت سانبايەۆ، ءشارىپ وماروۆ، باقىت ءجۇمادىلوۆ، الەكساندر ليتۆينوۆ جانە باسقالارى بار ەدى. بۇل توپ مۋزىكا مەن ءان جازىپ، العاش رەت باياناۋىلدا ستۋدەنتتەردىڭ قۇرىلىس وتريادىندا كونسەرت قويادى. ءبىراق ول كەزدە توپتىڭ ارنايى اتاۋى جوق بولاتىن. ۆەنگەرلىك دوستارى يانوش كارپاتىي جىگىتتەرگە «دوسمۇقاسان» دەگەن اتاۋدى ۇسىنادى. بۇل ءسوز ولاردىڭ ەسىمدەرىنىڭ العاشقى بۋىندارىنان قۇرالعان ەدى. قازاقستاننىڭ ۇلتتىق ماقتانىشىنا اينالعان توپ ومىرگە وسىلاي كەلگەن.
«دوسمۇقاسان» ءانسامبلىنىڭ رەپەرتۋارى حالىقتىڭ قۇرمەتىنە يە بولىپ، سۇيىكتى اندەرىنە اينالدى. بۇل — «توي جىرى»، «سۇلۋ قىز»، «الماتى ءتۇنى»، «قايداسىڭ»، «قۇداشا»، «كۋا بول»، «تۋعان جەر» جانە ت.ب. ءتىپتى وڭتۇستىك جانە سولتۇستىك امەريكادا دا، ەۋروپا ەلدەرىندە دە وسى توپتى قۋانا قارسى العان. 1977 جىلى «دوسمۇقاسان» امەريكاعا بىتىمگەرشىلىك گاسترولىمەن بارىپ، 180 كونسەرت بەرىپ كەلگەن.
You Might Also Like
-
ءامينا ەرعوجا قىزى ءومىرزاقوۆا (1919-2006) — تەاتر جانە كينو اكتريساسى، قازاقستاننىڭ حالىق ءارتىسى. ءا.ءومىرزاقوۆا 1919 جىلى 8 ناۋرىزدا شىعىس قازاقستان وبلىسىندا اباي اۋدانى قارااۋىلدا دۇنيەگە كەلگ...
-
شايدىڭ شارشاپ شالدىققاندا كوڭىل كوتەرىپ، اسىرەسە، تاڭەرتەڭ ىشكەن كەزدە ۇيقى اشاتىنىن جانە دەنەنى سەرگىتىپ، راحاتقا بولەيتىنىن بىلەمىز. شاي شىعىس حالىقتارىنا، سونىڭ ىشىندە جۇڭگو مەن ءۇندىستاندا بۇدان...
