دوستارىڭىز بەن ارىپتەستەرىڭىزدىڭ ءسىزدى اقىماق ساناۋىنىڭ 6 سەبەبى
مۇنداي جاعىمسىز قاسيەتتەر ءوز بويىڭىزدان تابىلادى ما، تەكسەرىپ كورىڭىز.
1. ۇنەمى اقىل بەرىپ جۇرەسىز
وزدەرىن كەرەمەت ساراپشى ساناپ، ەشكىم سۇراماسا دا «قۇندى» كەڭەستەرىن وڭدى-سولدى شاشىپ جۇرەتىن ادامدار ادەتتە اقىلدان جۇرداي بولادى. ەگەر ادام ءبارىن ءبىلىپ بولدىم، الەمگە اقيقاتتى ءوزىم-اق جەتكىزە الامىن دەگەن ويدا بولسا، جاعدايى قيىن.
وندا ول ءوز قاتەلىكتەرىن بايقاۋدى دوعارىپ، باسقالاردى ۇنەمى سىناپ-مىنەۋمەن جۇرەدى. ناتيجەسىندە، ءوزىنىڭ بارىنە قول جەتكىزگەنىنە سەنىمدى بولۋ سالدارىنان، دامۋىدان ارتتا قالادى. ال وزىمەن كەلىسپەگەن ادامداردى «ويى تاياز، نادان ادام» دەپ ەسەپتەيدى. ءبىراق، ءتۇپتىڭ تۇبىندە بۇل ءۇشىن قاتتى وكىنەتىن بولادى.
اقىلدى ۇيرەنۋدى، اقىماق ۇيرەتۋدى جاقسى كورەدى.
انتون چەحوۆ
2. ۇنەمى ءوزىڭىزدىڭ اقىماق ەمەس ەكەنىڭىزدى دالەلدەۋگە تىرىسىپ جۇرەسىز
ءبىر قاراعاندا ءبارى جاقسى سياقتى. ءبىراق ىشىڭىزدەن ءوزىڭىزدى جەگىدەي جەپ جۇرەسىز. دوستارىڭىز بەن ارىپتەستەرىڭىز بەتىڭىزگە باسقاشا سويلەگەنىمەن، ارتىڭىزدان باسقا اڭگىمە ايتاتىن سياقتى كورىنەدى. ال ءسىز ولارعا الدىن-الا سوققى بەرۋ ءۇشىن، ءوزىڭىزدىڭ اقىماق ەمەس ەكەنىڭىزدى دالەلدەۋگە بىلەك سىبانىپ كىرىسەسىز.
ءوز ءبىلىمى مەن قابىلەتىنە سەنبەيتىن ادامدار سىرتقى قولداۋعا جانە جەكە باسىنىڭ قاسيەتتەرىن مويىنداۋعا قاتتى مۇقتاج بولىپ كەلەدى. «اقىلدى ادام ءوز ماقتاۋىنا لايىق بولعاندا قۋانادى، ال اقىلسىز ادام وزگەنىڭ ماراپاتىنا كوڭىلى سەمىرەدى» دەپ بەكەر ايتىلماعان بولار.
ءوزىنىڭ اقىماق ەكەنىن تۇسىنگەن اقىماق — اقىماق ەمەس.
ءفودور دوستويەۆسكيي
3. بولجاۋ قابىلەتىڭىز وتە ناشار
ءورىسى تار ادامدار كەڭ ويلاي المايدى، بولىپ جاتقان جاعدايدى، ونىڭ ىشىندە ءوز ومىرىنە قاتىستى جاعدايلاردى ساراپتاۋعا، بولجام جاساۋعا ۇمتىلمايدى.
مۇنداي شەكتەۋلىلىك ترەندتەرگە دەگەن قىزىعۋشىلىقتىڭ جوقتىعىنان جانە ءومىردىڭ جاڭا جيەكتەرىنە كوز جۇگىرتۋدى قالاماۋدان، ءتىپتى ودان قورقۋدان پايدا بولادى. جايلى ۇياڭىزدان ەشقايدا شىققىڭىز كەلمەيدى. ءبىراق، وكىنىشكە وراي، بۇل ءسىزدىڭ دامۋىڭىز بەن مۇمكىندىكتەرىڭىزدى شەكتەيدى.
اقىلدى ادام الدىنان شەكسىز مۇمكىندىكتەردى كورەدى، ال اقىماق بار نارسەنى عانا مۇمكىن دەپ ەسەپتەيدى.
دەني ديدرو
4. وزگەنىڭ اقىلى ءسىزدى ىزالاندىرادى
«اقىماق اينالادا اقىلدىلاردىڭ جينالىپ قالعانىن ءبىرىنشى بايقايدى» دەگەن جاقسى ءسوز بار. ەگەر ءسىزدىڭ اينالاڭىزعا ىزاڭىزعا ءتيىپ، «وزدەرىنشە بىلگىشسىنىپ جۇرەتىن» ادامدار جينالىپ قالسا، بۇل جاقسى نىشان ەمەس.
ادەتتە، اقىلدى ادامدار باسقالاردىڭ جەتىستىكتەرىن قۋانىپ، كەمشىلىكتەرىنە كوز جۇما قارايدى. ال اقىماقتار كەمشىلىكتەردىڭ ءبارىن قالت جىبەرمەي، سالىستىرعاندى جاقسى كورىپ، ۇنەمى باسقالاردى سىناپ-مىنەپ جۇرەدى.
ەگەر داڭعويلىق بىرەۋدى باقىتتى ەتكەن بولسا، وندا ول ادام ءشۇباسىز اقىماق بولعانى.
جان-جاك رۋسسو
5. ءسىز اۋەلى ايتاسىز، سودان كەيىن ويلاناسىز
مۇنداي جامان ادەت ۇنەمى ۇلكەن قيىندىقتار تۋدىرادى. اقىماق ادامدار توبەدەن تۇسكەندەي سويلەي سالادى دا، ابايسىزدا ايتىلعان ءسوزدىڭ قانداي سالدارى بولاتىنى جايلى ويلامايدى. ال ويلانباي ايتىلعان ءسوز بىرەۋدىڭ جۇرەگىنە قانجارداي قادالۋى مۇمكىن.
بۇل ادەتتە تەرەڭ ويلانا المايتىن، ءمان-جايدى بەزبەندەپ، قورىتىندى شىعارا المايتىن ادامدارعا ءتان. ال ودان باسقا ادامدار زارداپ شەگەدى. وسىدان كەيىن، ءسىز تۋرالى قالاي جاقسى ويلاسىن.
دورەكىلىك – اقىماقتاردىڭ تاپقىرلىعى
اندرە مورۋا
6. ءسىز ايتقانىڭىزدان قايتپايتىن قىرسىقسىز
«اقىلدى — ويىن وزگەرتەر، اقىماق – ايتقانىنان قايتپاس» دەگەن ءسوز بار. بىربەتكەيلىكتىك، قىرسىقتىق، ءوزىنىڭ قاتەلەسكەنىن مويىنداماۋ، قاتەلىككە قاتىستى شىندىقتى قابىلداماۋ — جاقسى ەمەس.
كوبىنەسە مۇنداي ادامدار وقيعاعا قاتىستى بىربەتكەي قورىتىندىلار شىعارىپ، الەۋمەتتىك جەلىلەردە ءوز ويىنىڭ دۇرىس ەكەنىن اۋزى كوپىرگەنشە دالەلدەپ، پىكىر بىلدىرگەندەردە جەردەن الىپ، جەرگە سالادى. مۇنداي ادامدارمەن ءسوز تالاستىرۋ بەكەر.
اقىماققا وزىنىكى دۇرىس ەمەس ەكەنىن دالەلدەۋدىڭ ەڭ جاقسى جولى، وعان ءبارىن ءوز قالاۋىنشا ىستەۋگە مۇمكىندىك بەرۋ.
گەنري ۋيللەر شوۋ
You Might Also Like
-
قاسقاعىم عۇمىرى قالعانداردىڭ ەندى بۇل جالعاننان جوعالتارى جوق.
-
فيزيكالىق قۇبىلىستى باقىلاۋ-فيزيكانى وقىتۋدىڭ ەڭ نەگىزگى ءادىسى. مۇندا وقۋشىلارعا قويىلعان پروبلەما بويىنشا ءمۇعالىمنىڭ جاساعان تاجىريبەسىن باقىلاپ، وي تۇجىرىمداۋى تاپسىرىلادى. تاجىريبە ورىندالىپ بول...
