تيمۋر قۇلىبايەۆ مەكتەپ باعدارلاماسىنا ەنگىزىلەتىن جاڭا ءپان تۋرالى ايتتى
«اتامەكەن» ۇكپ-نىڭ پرەزيديۋم ءتوراعاسى تيمۋر قۇلىبايەۆ تالدىقورعاندا كاسىپكەرلەردىڭ وڭىرلىك كەڭەسىنىڭ مۇشەلەرىمەن كەزدەستى. كەزدەسۋ بارىسىندا ول مەكتەپ باعدارلاماسىنا ەنگىزىلگەن جاڭا ءپان «كاسىپكەرلىك جانە ەكونوميكا نەگىزدەرى» جوعارى سىنىپ وقۋشىلارى ءۇشىن بولاشاقتا اينالىساتىن كاسىبىن دۇرىس تاڭداۋعا زور سەپتىگىن تيگىزەتىندىگىن ايتتى.
ونىڭ سوزىنشە، مەكتەپ وقۋشىلارى كاسىپكەرلىك نەگىزدەرىمەن 2019 جىلدىڭ 1 قىركۇيەگىنەن-اق تانىسا باستايدى.
«قازىرگى تاڭدا اتالمىش ءپان ءبىلىم جانە عىلىم مينيسترلىگىمەن بىرگە پىسىقتالۋدا. وسىلايشا، ءبىز جوعارى سىنىپ وقۋشىلارىنا كاسىپ تاڭداۋدى ۇيرەتەمىز. ءبىز ولارعا قانداي بيزنەس تۇرىمەن اينالىسقىلارى كەلەتىنىن، ولاردىڭ قانداي كاسىپكە ىنتا-ىقىلاسى بار ەكەنىن انىقتايمىز. ەگەر ولار كاسىپكەرلىكپەن اينالىسۋعا قىزىعۋشىلىق تانىتسا، ءبىز ءوزىمىزدىڭ مۇمكىندىكتەرىمىزدى تەحنيكالىق جانە كاسىبي ءبىلىم بەرۋ ارقىلى ۇسىنا الامىز. سونداي-اق شاعىن كاسىپكەرلىكتى دامىتۋ ارقىلى جوعارى وقۋ ورنىنا تۇسۋگە دايىندايمىز»،- دەدى ت.قۇلىبايەۆ.
ايتا كەتەيىك، جۋىردا تيمۋر قۇلىبايەۆ تارازدا كاسىپكەرلەرمەن بولعان وسى تەكتەس كەزدەسۋ بارىسىندا كاسىپكەرلەردى كادر دايىنداۋ بويىنشا مەملەكەتتىك تاپسىرىستاردى ورىنداۋ ىسىنە تارتۋ قاجەتتىگىن ايتقان بولاتىن.
قازاقپارات
You Might Also Like
-
بۇل ءوزى يانۆار ايىنىڭ اياعىندا بولعان وقيعا. ورشەلەنە سوققان بوران وتە قورقىنىشتى. قارلى بوران كوشەلەر مەن قيىلىستاردى قۋالاي سوعادى. قار ۇيلەردىڭ تەرەزەلەرىن بىتەپ تاستاپ، شاتىردان تۇيىر-تۇيىرىمەن ...
-
ءال-فارابي اتىنداعى قازۇۋ جوو دەيىنگى ءبىلىم بەرۋ فاكۋلتەتىنىڭ وقىتۋشىسى ىبىرايىموۆا س. س
