دۋبايدا 67 قاباتتى تۇرعىن ءۇي كەشەنى ورتەندى
باا-دەگى ەڭ قىمبات اۋدانداردىڭ ءبىرى — دۋباي مارينادا ورنالاسقان 67 قاباتتى Tiger Tower تۇرعىن ءۇي كەشەنىندە ءىرى ءورت شىقتى. قىزىل جالىن عيماراتتى تولىقتاي شارپىپ، التى ساعات بويى ءورت سوندىرۋشىلەر ءتىلسىز جاۋمەن كۇرەستى.
تۇرعىن ءۇي كەشەنىندە 764 پاتەر بار، جالپى سانى 3 820 ادام تۇرعان. ابىروي بولعاندا، بارلىعى دەر كەزىندە ەۆاكۋاسيالانىپ، ادام شىعىنى مەن جاراقات العاندار تىركەلمەدى.
كۋاگەرلەردىڭ ايتۋىنشا، عيمارات “سىرىڭكەدەي تۇتانىپ”، وت اپ-ساتتە بىرنەشە قاباتتى بىردەن شارپىعان. ءورتتىڭ ناقتى سەبەبى ازىرگە بەلگىسىز. ماماندار ءورتتىڭ نەدەن شىققانىن انىقتاۋعا كىرىستى.
قاۋىپسىزدىك سالاسىنىڭ ساراپشىلارى مۇنداي جاعداي كوپقاباتتى عيماراتتاردا ورتكە قارسى جۇيەلەردىڭ قانشالىقتى ماڭىزدى ەكەنىن ەسكە سالاتىنىن ايتىپ وتىر.
You Might Also Like
-
قازاقستان پرەزيدەنتى قاسىم-جومارت توقايەۆ پەن يتاليا مينيسترلەر كەڭەسىنىڭ ءتوراعاسى دجوردجا مەلونيدىڭ رەسمي كەلىسسوزدەرى ناتيجەسىندە ەكى ەل اراسىندا ستراتەگيالىق سەرىكتەستىكتى كەڭەيتۋ جونىندەگى بىرلە...
-
400 ميلليون تەڭگەدەن استام قارجى جىمقىرعان: ءمامس ءتوراعاسىنىڭ ورىنباسارى عالىمجان ءابىلوۆ قاماۋعا الىندى
