مەمقىزمەتكەرلەر جۇمىسىن تاڭعى 7-دە باستاۋى مۇمكىن
ەلورداداعى كولىك كەپتەلىسىن ازايتۋ ماقساتىندا مەملەكەتتىك قىزمەتكەرلەردىڭ جۇمىس ۋاقىتى ەرتەرەك باستالۋى مۇمكىن. بۇل ۇسىنىستى ءماجىلىس دەپۋتاتى اسىلبەك نۇرالين كوتەردى. ونىڭ ايتۋىنشا، ورتالىق اتقارۋشى ورگاندار مەن ۇلتتىق كومپانيالار قىزمەتكەرلەرىنىڭ جۇمىس كۇنىن تاڭعى 07:00 نەمەسە 08:00-گە اۋىستىرۋ قاجەت.
دەپۋتاتتىڭ مالىمدەۋىنشە، ەلوردادا كولىك ينفراقۇرىلىمىنا تۇسەتىن جۇكتەمەنىڭ نەگىزگى سەبەبى — حالىقتىڭ تاڭەرتەڭ قالا ورتالىعىنا ءبىر ۋاقىتتا اعىلۋى. اسىرەسە، مەملەكەتتىك مەكەمەلەردە ەڭبەك ەتەتىندەردىڭ سانى كوپ بولعاندىقتان، ولار قوزعالىس تىعىنىنا ەداۋىر اسەر ەتەدى.
"تاڭعى ۋاقىتتاعى جاپپاي قوزعالىس كۇندەلىكتى ءومىر ساپاسىن تومەندەتىپ، قالا ينفراقۇرىلىمىن شامادان تىس جۇكتەپ وتىر. بۇل ماسەلەنى شەشۋدىڭ ءبىر جولى – جۇمىس كەستەسىن يكەمدى ەتۋ"، — دەيدى نۇرالين.
قازىرگى تاڭدا بۇل ۇسىنىس تالقىلانۋ كەزەڭىندە. قوعام مەن ساراپشىلاردىڭ پىكىرىنەن كەيىن ناقتى شەشىم قابىلدانباق.
You Might Also Like
-
شەرزات پولاتتىڭ قازاسىنا قاتىستى قوعام نازارىن اۋدارعان قىلمىستىق ءىس بويىنشا سوت پروسەسى شەشۋشى كەزەڭگە جەتتى. پروكۋرورلار نەگىزگى ايىپتى رەتىندە ابزال شىناسىلدى تانىپ، وعان 23 جىلعا باس بوستاندىعى...
-
قىزىلوردادا جوندەلگەن كوشەگە قايتا قارجى بولىنبەك بولعان — پروكۋراتۋرا 2،8 ملرد تەڭگەنىڭ زاڭبۇزۋشىلىعىن انىقتادى
