دۋبايدا 8 مينۋتتا 200 ەسەپ شىعارعان 7 جاسار اقتوبەلىك وقۋشى ءبىرىنشى ورىن الدى
دۋباي قالاسىندا وتكەن ءححى حالىقارالىق مەنتالدى اريفمەتيكا جارىسىندا 8 مينۋتتا 200 ەسەپ شىعارعان 7 جاسار اقتوبەلىك وقۋشى ءبىرىنشى ورىن الدى دەپ حابارلايدى aktobenews.kz.
الينا الييەۆا اقتوبە قالاسىنداعى №3 مەكتەپتىڭ 2 سىنىپ وقۋشىسى. ول قالاداعى مەنتالدى اريفمەتيكا كۋرسىنا 5 جاسىنان باستاپ قاتىسقان. اپتاسىنا ءبىر رەت 2 ساعاتتىق كۋرسقا قاتىسىپ جۇرگەن وقۋشى حالىقارالىق جارىستان جۇلدەمەن ورالدى.
"قىزىمدى 2014 جىلدىڭ 1 قاراشاسىنان باستاپ مەنتالدى اريفمەتيكاعا اپارىپ ءجۇرمىن. ءقىزىمنىڭ ەكى جىل ىشىندە كورسەتكەن جەتىستىكتەرى جامان ەمەس. 2015 جىلدىڭ 1 ناۋرىزىندا وتكەن ءۇشىنشى رەسپۋبليكالىق بايقاۋدا ءۇشىنشى ورىندى العان بولاتىن. ال مامىر ايىندا وتكەن ءتورتىنشى رەسپۋبليكالىق بايقاۋدان ەكىنشى ورىن الىپ كەلدىك"، — دەيدى الينانىڭ اناسى ايگۇل باكييەۆا.
بىرنەشە رەت باعىن سىناپ جۇرگەن الينا 2016 جىلدىڭ 11 قاراشاسىندا دۋباي قالاسىندا وتكەن ءححى حالىقارالىق مەنتالدى اريفمەتيكا جارىسىندا ءبىرىنشى ورىن العان. جارىسقا 57 ەلدەن 4 مىڭ وقۋشى قاتىسقان. بالالارعا 8 مينۋتتا 200 ەسەپ شىعارۋ تاپسىرىلعان.
"جاسىنا قاراماستان قىزىم تاپسىرمانى جاقسى ورىندادى، بەسىنشى دەڭگەيلىك ەسەپتەردەن مۇدىرگەن جوق"، — دەيدى اناسى.
حالىقارالىق جارىسقا قازاقستاننان 68 بالا قاتىسقان. اقتوبەدەن جالعىز ءوزى بارعان الينا الييەۆا جۇلدەمەن كەلدى.
You Might Also Like
-
- امستەردام — نيدەرلاندتىڭ ەڭ ءىرى قالاسى، ءارى استاناسى. - قالا اتى امستەل وزەنىنىڭ بويىندا ورنالاسقانىنا بوگەنگە قاتىستى اتالعان. قالا نەگىزى 12 عاسىردا كىشكەنە بالىق اۋلاۋشىلار ەلدى-مەكەنى ...
-
الداعى ۋاقىتتا وبلىستىق قازىنا ەسەبىنەن شىعارىلاتىن كىتاپتارعا باقىلاۋ كۇشەيتىلمەك. بۇل جايلى وقو وبلىستىق ءماسليحاتتىڭ تۇراقتى كوميسسياسى وتىرىسىندا ايتىلدى. حالىق قارجىسىنا ساپاسىز دۇنيەلەر باسىلى...
