مەملەكەت قارجىسىمەن جارىق كورەتىن كىتاپتارعا باقىلاۋ كۇشەيەدى
الداعى ۋاقىتتا وبلىستىق قازىنا ەسەبىنەن شىعارىلاتىن كىتاپتارعا باقىلاۋ كۇشەيتىلمەك. بۇل جايلى وقو وبلىستىق ءماسليحاتتىڭ تۇراقتى كوميسسياسى وتىرىسىندا ايتىلدى. حالىق قارجىسىنا ساپاسىز دۇنيەلەر باسىلىپ جاتىر، - دەپ، دابىل قاققان حالىق قالاۋلىلارى ەندىگى جەردە مەملەكەت قارجىسى جۇمسالاتىن دۇنيەلەردىڭ ساپاسىن باقىلاۋ ءۇشىن ارنايى كوميسسيا قۇرۋدى ۇسىندى. سونداي-اق، وسى وتىرىستا وبلىس بيۋدجەتىنە ءبىرشاما وزگەرىستەر ەنگىزۋ تۋرالى ۇسىنىستار ايتىلدى.
"ماقساتتارى جەتپەگەن ايلىقتارىنا كوممۋنالدىق شىعىندارىنا قۇرىلىسى اياقتالاتىن نىساندارعا بەرىلىپ وتىر. جالاقى بولعاندا بىزدە قوسىمشا كلاسس كومپلەكت قوسىلىپ وتىر 9 مىڭداي. 27 مىڭ بالاعا وسكەن سونىڭ بارىنە ايلىقتارىنا تولىق وتىرمىز" - دەيدى وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ باسشىسى راحىمبەردى مۇلكەمانوۆ.
وسىدان كەيىن حالىق قالاۋلىلارى ەل قارجىسىنا جارىق كورەتىن كىتاپتاردىڭ ساپاسىن ءسوز ەتتى. بۇل جايىنا كەلگەندە كوبىنىڭ كوڭىل كۇپتى. ويتكەنى، وسى ۋاقىتقا دەيىن قانشاما قارجى جۇمسالعان كەيبىر وقۋلىقتاردىڭ ساپاسى سىن كوتەرمەيدى. سوندىقتان، «كىتاپ شىعارۋدى قاداعالايتىن ارنايى كوميسسيا قۇرۋ كەرەك» - دەپ، شەشتى.
"ارداگەرلەر كەڭەسى شىعارعان مىنا كىتاپتى. ءىشىنىڭ بارلىعى قاتە. مىناۋ ۋگولوۆنىي دەلو. بۇنى ارنايى تەكسەرۋ ورگانىنا بەرۋ كەرەك. بىزدە ءبىر ءۇش جازۋشى بار. بارلىعىنا سولاردى تىقپالايمىز. مىناۋ كىتاپتى دا سولار شىعارعان" - دەيدى وبلىستىق ءماسليحاتتىڭ دەپۋتاتى دۋلات ءابىش.
تۇراقتى كوميسسيادا كوتەرىلگەن بارلىق ۇسىنىس ءبىر اۋىزدان ماقۇلدانىپ، بۇگىنگى سەسسيا قاراۋىنا ۇسىنىلدى. ەگەر التىنشى شاقىرىلىمداعى ءماسليحاتتىڭ كەزەكتەن تىس جەتىنشى ماجىلىسىندە بۇل ماسەلە وڭدى دەپ شەشىلسە، كىتاپ ساپاسىن سۇزگىدەن وتكىزەتىن كوميسسيا قۇرىلادى.
دەرەك كوزى: zhebe.com
You Might Also Like
-
دۋباي قالاسىندا وتكەن ءححى حالىقارالىق مەنتالدى اريفمەتيكا جارىسىندا 8 مينۋتتا 200 ەسەپ شىعارعان 7 جاسار اقتوبەلىك وقۋشى ءبىرىنشى ورىن الدى دەپ حابارلايدى aktobenews.kz.
-
مينەرالدىق تىڭايتقىشتىڭ تيىمدىلىگىنىڭ جوعارى بولۋى كوبىنەسە قولدانۋ ادىستەرى مەن تاسىلدەرىنە بايلانىستى. تىڭايتقىش قولدانۋدىڭ ءۇش ءتاسىلى بار: نەگىزگى تىڭايتقىش (ەگىن سەپكەنگە دەيىن جانە ونى سەبۋدىڭ ...
