دۋبلج اكتەرى، ديكتور ەراسىل مۇحامادييەۆپەن سۇحبات
1. نەلىكتەن ءسىز ديكتور، دۋبلياج اكتەرى اتاندىڭىز؟
بۇل سالانى تاڭداعان سەبەبىم، بۇل مەنىڭ سۇيىكتى ءىسىم. العاشقى كەزدە حوببي رەتىندە اينالىسسام دا، قازىرگى تاڭدا بۇل مەنىڭ جۇمىسىما اينالىپ وتىر. سونىمەن قاتار، قازاق ءتىلىن دامىتۋعا ءوز ۇلەسىمدى قوسقىم كەلدى. الەمدىك دەڭگەيدەگى فيلمدەر، انيمە، مۋلتفيلمدەردى، ءار ءتۇرلى كونتەنتتەردى قازاق تىلىندە سويلەتكىم كەلدى. سوندىقتان وسى سالانى تاڭدادىم.
2. ءسىزدىڭ كەرەمەتتەي قوڭىر داۋىسىڭىز تابيعاتتىڭ بەرگەن سىيى ما الدە،ۇلكەن ەڭبەكتىڭ جەمىسى مە؟
بۇل سۇراققا بىلاي جاۋاپ بەرگىم كەلەدى: تابيعاتتىڭ بەرگەن سىيىن ارى قاراي دامىتۋ ارقىلى جاقسى ناتيجەگە قول جەتكىزۋگە بولادى. ديكتور بولۋ نەمەسە دۋبلياج سالاسىندا ادەمى داۋىستىڭ بولۋى جەتكىلىكسىز. سوندىقتان بۇل تاجىريبە ارقىلى كەلەتىن دۇنيە.
3. قازىرگى كەزدە ەلىمىزدە ديكتورلىق جانە دۋبلياج سالاسى قانشالىقتى دامۋدا؟
قازىرگى كەزدە بۇل سالا قارقىندى دامۋ ۇستىندە. ءبىز جاس مامان بولعاندىقتان، وسى ءۇردىستىڭ جاڭا تولقىنى رەتىندە بۇل سالانىڭ دامۋىنا ءوز ۇلەسىمىزدى قوسىپ جاتىرمىز. بۇرىڭعى دەڭگەيگە قاراعاندا ءقازىر الدەقايدا الدىعا جىلجۋ بايقالادى. ءبىراق سوندا دا الەمدىك دەڭگەيدەگى شەت ەلدىك فيلمدەردى قازاق تىلىنە دۋبلياجداۋ تەك 1-2 كومپانيامەن عانا ءجۇرىپ جاتىر. مىسالى، جاڭادان شىعىپ جاتقان فيلمدەر تولىقتاي قازاق تىلىنە دۋبلياجدالىپ جاتىر دەپ ايتا المايمىز. وسى ماسەلەنى جوعارى جاقتان باستاپ قاراستىرۋ قاجەت دەپ ەسەپتەيمىن.
4. شەت ەلدىك ديكتورلاردى، دۋبلياج اكتەرلارىن باقىلايسىزبا؟ جانەدە ءسىز ۇلگى تۇتاتىن ديكتورلار قانداي؟
ارينە باقىلايمىن. شەت ەلدىك فيلمدەر، مۋلتفيلمدەردى دىبىستايتىن اكتەرلەردىڭ جۇمىسىن قاراپ، وزىمىزگە اناليز جاسايمىز. ولاردىڭ تاجىريبەلەرىن قولدانىپ كورۋگە تىرىسامىز. ديكتور بولسىن دۋبلياج اكتەرى بولسىن ءاردايىم ىزدەنىستە، وزگە دە مامانداردىڭ جۇمىستارىن باقىلاپ ءجۇرۋى ءتيىس دەپ ويلايمىن. ناقتى ۇلگى تۇتاتىن ديكتورلار وسى دەپ ءتىزىپ ايتا المايمىن. سەبەبى ءار ديكتور، اكتەردى تىڭداۋ ارقىلى وزىمىزگە ءتۇرتىپ الاتىن جاقتارى بولادى. ول تىزىمدە ارينە ءوزىمىزدىڭ وسى سالادا ۇزاق جىلدار بويى ەڭبەك ەتىپ كەلە جاتقان اعا-اپكەلەرىمىز دە بار.
5. ءوزىڭىز دۋبلياج جاساعىڭىز كەلەتىن فيلمدەردى ايتا كەتسەڭىز
بولاشاقتا شىعاتىن Marvel، Disney تۋىندىلارىن دۋبلياج جاساۋعا قاتىسقىم كەلەر ەدى.
6. جۋرناليستيكا ماماندىعىن ياعني ديكتورلىق سالانى تاڭداعان جاندارعا كەڭەسىڭىز
تەك بۇل ەمەس، كەز-كەلگەن سالا بولسىن، بارلىق جاندارعا ايتقىم كەلەتىنى سۇيىكتى ىستەرىڭىزدى، ماماندىقتارىڭىزدى تاڭداڭىزدار. ءار سالانىڭ ءوز قيىندىقتارى بار. بۇل سالانى تاڭدايتىن بولساڭىز ءاردايىم وز-وزىڭىزبەن جۇمىس جاساۋىڭىز قاجەت.
وسىمەن سۇحبات اياقتالدى، وقىرمان سىزگە ۇلكەن راقمەت!
ءنۇردىللا اسىلجان
You Might Also Like
-
ۇرپاقتار ساباقتاستىق ماسەلەسى كۇن تارتىبىنەن تۇسپەيتىن، كۇنى بۇگىنگە دەيىن تولعامى تەرەڭ دۇنيە. وتكەن تاريحي جادىنى ساقتاي وتىرىپ، ۇستامدى ينوۆاسيالاردى ءسىڭىرىپ، بولاشاق ۇرپاققا ميراس ەتىپ قالدىرۋ،...
-
«Chucke Cheese`s» اتتى بالالار ويناتاتىن جەردىڭ Cشا، كاليفورنياسىندا اتى شىققان، بالالار ءسۇيىپ ۇناتار جەردىڭ ءبىرى. ال وعان بارۋشىلار دا ازداپ قالعان جوق. نەلىكتەن؟ ءقازىر ءبارىن ايتاتىن ب...
