ۇرپاقتار ساباقتاستىعى

ۇرپاقتار ساباقتاستىعى دەگەنىمىز نە؟

ۇرپاقتار ساباقتاستىق ماسەلەسى كۇن تارتىبىنەن تۇسپەيتىن، كۇنى بۇگىنگە دەيىن تولعامى تەرەڭ دۇنيە. وتكەن تاريحي جادىنى ساقتاي وتىرىپ، ۇستامدى ينوۆاسيالاردى ءسىڭىرىپ، بولاشاق ۇرپاققا ميراس ەتىپ قالدىرۋ، ول ۇرپاق ءۇشىن، حالىقتىڭ دامۋ تاريحى ءۇشىن، بولمىسى ءۇشىن، قاجەتتى جانە تەرەڭ ماسەلە. ۇرپاق ساباقتاستىعى ارقىلى تاريحىمىزدىڭ ۇزدىكسىز ساباقتاستىعى كورىنىس تابادى. ۇرپاقتار ساباقتاستىعى رەتىندە اتادان وسكەلەڭ ۇرپاققا ميراس رەتىندە جالعاسىن تاۋىپ كەلە جاتقان ۇلتجاندىلىق، تولەرانتتىلىق قاسيەتتەر قازىرگى ەلىمىزدىڭ دامۋ ساتىسىندا جالعاسىن تاۋىپ، قازاقستاندىق قوعام مۋلتيمادەنيەتتى الەۋمەتتىك ورتاعا اينالىپ وتىر. ويتكەنى مۋلتيمادەنيەتتىلىك حالىقتى كوپتىلدى ورتاعا، بەيبىتسۇيگىش الەمگە بەيىمدەي الادى.

ۇرپاقتار ساباقتاستىعى قالاي ساقتالادى؟

ءبىزدىڭ تاقىرىبىمىزدىڭ ماقساتى وسى ساباقتاستىقتىڭ ادامنىڭ ومىرلىك ءىس ارەكەتتىلىگى، دۇنيەنى تۇيسىنۋدەگى شىنايىلىق پەن يدەالدىقتىڭ اراقاتىناسىن ۋاقىت دانەكەرلەرى نەگىزىندە قاراستىرۋدى قۇرايدى. ويكەنى ۋاقىت بۇل سىرعىپ اققان ءبىر ساتتىك كورىنىستەن تۇرعانىمەن ادامنىڭ ونى مانمەن تولىقتىرۋىنىڭ نەگىزىندە تاريحي جادقا، ەستەلىكتەرگە اينالادى. سونىمەن قاتار وسىنىڭ نەگىزىندە، ۋاقىتتا وتكەن وقيعالار حالىقتىڭ ۇلتتىق ماقتانىشىنىڭ، رۋحاني تەكتىلىگىنىڭ سيپاتتارىن بەرەدى. بار بولۋشى بولمىس ۇرپاقتار قىزمەتى ارقىلى تاريحتاعى مانىنە يە بولادى. دەگەنمەن ۋاقىت شەكسىزدىك ارقىلى باياندالاتىن كاتەگوريا رەتىندە، ول ءماندى ۋاقىتتىڭ سپەكترىندە دالەلدەيدى.

ۇرپاقتار ساباقتاستىعى جانە بۇگىنگى ۇرپاق

ءداستۇرلى مادەنيەتتى جاڭعىرتۋ، ءوز حالقىنىڭ تاريح تاجيىربەسىنە جۇگىنۋ تاۋەلسىزدىككە يە بولعان ەلدىڭ ومىرىنەن الاتىن زاڭدى قۇبىلىس. مۇنىڭ ارعى جاعىندا قوعامدىق سانانىڭ قالىپتاسۋى، ۇرپاق تاربيەسى سياقتى ۇلكەن مىندەتتەر جاتىر. دەمەك جاھاندانۋ جاعدايىندا ءومىر ءسۇرىپ جاتقان جاس ۇرپاقتى قوعام تالاپتارىنا ساي قالىپتاستىرۋ وڭاي ەمەس. اسىرەسە، باتىستىق باعىتتاعى ۇلگىنى ۇستانعان جاس ۇرپاقتىڭ بويىنا ۇلتتىق سانا قالىپتاستىرۋ قيىننىڭ قيىنى. وسى ورايدا، حالقىمىزدىڭ عاسىرلار بويى جيناقتاپ، ۋاقىت تىزگىنىنەن وتكەن باي تاجىربيەلىك قازىناسىن قولدانۋ كەزەك كۇتتىرمەيدى. اتا-بابامىز سالىپ كەتكەن سارا جولدى تاڭداپ، وسكەلەڭ ۇرپاقتى سالت-داستۇرىمىزبەن ادەت عۇرپىمىزعا ساي تاربيەلەسەك ۇتارىمىز مول. ۇلتتىق سانا ءبىزدىڭ يدەيالوگيامىزدىڭ جانە ءقازىرعى قوعام دامۋىنىڭ نەگىزى بولىپ تابىلادى. ونى ىسكە اسىرۋدىڭ جولدارىن ايتا كەتسەك، حالىقتار دوستىعىن نىعايتۋ ماقساتىنداعى جۇمىستاردى اتقارۋ، وتاندىق تاريحتى تەرەڭ مەڭگەرۋ، مەملەكەتتىك ءتىلدى جانە ۇلتتىق پسيحولوگيانى ءبىلۋ. سوندا عانا ءبىز ءبىلىمدى، دارىندى ۇرپاق قاتارىنان بولا الامىز.