ەكى قالادا نازاربايەۆ ۋنيۆەرسيتەتى ۇلگىسىندە وقۋ ورىندارى قۇرىلماق
ق ر ءبىلىم جانە عىلىم ۆيسە-مينيسترى ميراس داۋلەنوۆ نازاربايەۆ ۋنيۆەرسيتەتىنىڭ تاجىريبەسى بويىنشا پەتروپاۆل جانە شىمكەنت قالالارىندا 2 وزىق وڭىرلىك جوعارى وقۋ ورنىن قۇرۋعا قاتىستى تۇسىنىك بەردى.
«نازاربايەۆ ۋنيۆەرسيتەتى جوعارى وقۋ ورنى رەتىندە قالىپتاسىپ، ءوزىنىڭ ناتيجەسىن كورسەتىپ وتىر. بۇل وقۋ ورنىنىڭ مودەلى ءوزىنىڭ تيىمدىلىگىن دالەلدەدى. وسىعان بايلانىستى نازاربايەۆ ۋنيۆەرسيتەتى تاجىريبەسىنە سۇيەنە وتىرىپ، پەتروپاۆل مەن شىمكەنت وسى تەكتەس جوعارى وقۋ ورىندارى بولادى دەگەن شەشىم شىعارىلدى»، - دەدى ميراس داۋلەنوۆ ورتالىق كوممۋنيكاسيالار قىزمەتىندە.
ونىڭ ايتۋىنشا، بۇل جوو-لار ءتيىستى دەربەستىگىمەن ەرەكشەلەنەدى. ولاردا دايىندىقتىڭ بىرنەشە باعىتى قامتىلادى، سونىڭ اراسىندا تەحنيكالىق ءارى گۋمانيتارلىق سالالار ەسكەرىلەدى.
«جوسپاردا وسى جوو-لار ءۇشىن جەكە كورپۋستاردىڭ، جاتاقحانالاردىڭ قۇرىلىستارى قاراستىرىلعان. قازىرگى كەزدە سەرىكتەستەرمەن ستراتەگيا بويىنشا بەلسەندى جۇمىستاردى اتقارىپ جاتىرمىز. نازاربايەۆ ۋنيۆەرسيتەتىنىڭ مودەلىن تاراتامىز، ياعني ونى پەتروپاۆل مەن شىمكەنتتىڭ ۇلگىسىندە كورسەتەمىز»، - دەدى ۆيسە-مينيستر.
You Might Also Like
-
ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى گۇلزات كوبەنوۆا ۋنيۆەرسيتەتتەردە ءبىلىم بەرۋدى ءداستۇرلى فورماتقا اۋىستىرۋعا قاتىستى پىكىر ءبىلدىردى.
-
ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى گۇلزات كوبەنوۆا قاشىقتان وقىتۋ كەزىندە كەيبىر جوو-لار اكادەميالىق ساياساتىن دۇرىس جۇرگىزبەي كەلەتىنىن ايتتى.
