قاشىقتان وقىتۋ: جوعارى وقۋ ورىندارى ءداستۇرلى فورماتقا قاشان اۋىسادى
ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى گۇلزات كوبەنوۆا ۋنيۆەرسيتەتتەردە ءبىلىم بەرۋدى ءداستۇرلى فورماتقا اۋىستىرۋعا قاتىستى پىكىر ءبىلدىردى.
«ءداستۇرلى فورماتقا اۋىسۋ بويىنشا دەنساۋلىق ساقتاۋ مينيسترلىگى ءوز تاراپىنان ءتيىستى شەشىمدى قابىلدايدى. بۇل ماسەلە ەپيدەميولوگيالىق جاعدايعا بايلانىستى. ەگەر ءتيىستى رۇقسات بولسا، وندا جوعارى وقۋ ورىندارى قۋانا-قۋانا ءداستۇرلى فورماتقا كوشەدى»، - دەدى كوميتەت باسشىسى ورتالىق كوممۋنيكاسيالار قىزمەتىندە.
ايتا كەتەيىك، گۇلزات كوبەنوۆا قاشىقتان وقىتۋ كەزىندە كەيبىر جوو-لار اكادەميالىق ساياساتىن دۇرىس جۇرگىزبەيتىندىگىن ءمالىم ەتتى.
بۇدان بۇرىن حابارلانعانداي، ق ر ءبىلىم جانە عىلىم ۆيسە-مينيسترى ميراس داۋلەنوۆ 18 قاڭتاردان باستاپ 1 كۋرس ستۋدەنتتەرى كوبىنەسە ءداستۇرلى فورماتتا وقي باستايتىنىن ايتقان ەدى.
قازاقستاندا 128 جوعارى وقۋ ورنى جۇمىس ىستەيدى. ءبىلىم الۋشىلاردىڭ كونتينگەنتى – 619 861 ادامدى قۇرايدى.
You Might Also Like
-
«ايقاپ» ەڭ العاشقى جۋرنال ەكەنى بارىمىزگە ءمالىم. ال «قازاق» ەل تاريحىنداعى العاشقىلاردىق ءبىرى دە بىرەگەيى بولىپ تابىلادى. بۇل باسىلىمدا كوتەرىلگەن ماسەلەلەر ءالى كۇنگە دەيىن ...
-
ق ر ءبىلىم جانە عىلىم ۆيسە-مينيسترى ميراس داۋلەنوۆ نازاربايەۆ ۋنيۆەرسيتەتىنىڭ تاجىريبەسى بويىنشا پەتروپاۆل جانە شىمكەنت قالالارىندا 2 وزىق وڭىرلىك جوعارى وقۋ ورنىن قۇرۋعا قاتىستى تۇسىنىك بەردى.
