gov.kz
ەكس-اكىم جۇمىستان بوساتىلعاننان كەيىن اقتوبە وبلىسىندا قايتىس بولدى
اقتوبە وبلىسىندا كەنكياق اۋىلدىق وكرۋگىنىڭ بۇرىنعى اكىمى قۋانىشبەك سەرىكجانوۆ ءولى كۇيىندە تابىلدى. بۇل اقپاراتتى وبلىس اكىمدىگى راستادى.
رەسمي مالىمەتتەرگە سۇيەنسەك، 4 مامىردا 2026 جىلى قۋانىشبەك سەرىكجانوۆ قىزمەتىنەن كەتۋ تۋرالى ءوتىنىش جازعان. 5 مامىردا ونى قىزمەتىنەن بوساتۋ تۋرالى بۇيرىققا قول قويىلدى. ال 6 مامىر كۇنى تاڭەرتەڭ سەرىكجانوۆ كەنكياق اۋىلىنداعى ءوز ۇيىنەن ءولى كۇيىندە تابىلعان.
اقتوبە وبلىستىق پوليسيا دەپارتامەنتى 1983 جىلى تۋعان ەر ادامنىڭ ءولىمى بويىنشا سوتقا دەيىنگى تەرگەۋ باستالعانىن حابارلادى.
«تەرگەۋ بارىسىندا وقيعانىڭ بارلىق ءمان-جايى انىقتالادى. تەرگەۋ مۇددەسى ءۇشىن باسقا اقپارات جاريا ەتىلمەيدى»، - دەپ اتاپ ءوتتى ۆەدومستۆو.
قۋانىشبەك سەرىكجانوۆ 2013 جىلدان بەرى مەملەكەتتىك قىزمەتتە بولعانى، ال اۋىلدىق وكرۋگ اكىمى قىزمەتىن 2023 جىلدان باستاپ اتقارعانى بەلگىلى.
بۇعان دەيىن اقتوبە وبلىسى تەمىر قالاسىنىڭ اكىمى ەركىن دالماگامبەتوۆتىڭ ءولى تابىلۋى تۋرالى حابارلاعان ەدىك. ونىڭ ارىپتەستەرىنىڭ ايتۋىنشا، قايتىس بولعانعا دەيىن ول دوستارىمەن جانە سىنىپتاستارىمەن كەزدەسكەن. كەيىن ول شىعىپ كەتىپ، ورالامىن دەپ ۋادە بەرگەن. الايدا، مەملەكەتتىك قىزمەتكەر سوڭىندا ءوز اۋلاسىنان اسىلىپ تۇرعان كۇيىندە تابىلعان.
-
ۆ ۋرالسكە سوستويالسيا سپۋسك نا ۆودۋ كرۋپنەيشەگو كورابليا، پوستروەننوگو ۆ كازاحستانە. سۋدنو پرەدنازناچەنو دليا ۋكرەپلەنيا وبورونوسپوسوبنوستي سترانى.
-
The former Akim of Kenkiyak rural district was discovered deceased at his home shortly after submitting his resignation. An investigation is underway.
