InfoHub Logo

قازاق حالقى ءوزىنىڭ باتىل ۇل-قىزدارىن ءارقاشان  ەر دەپ باعالاي بىلگەن. ەۋرازيانىڭ ەن كەڭىستىگىندە كوشپەلى ءومىر كەشكەن بابالارىمىزدىڭ جەرى مەن ەلىن قورعاۋ جولىندا ايانباي قان توككەنىنە كونە تاريح كۋا. اتيللا، الىپ ەر تۇڭعا، كۇلتەگىن، تونىكوك، الپامىس، قوبىلاندى سىندى اتى ۇرپاققا اڭىز بابالاردىڭ ەرلىككە تولى جولى قازاقتىڭ تاريحىندا تولاستاعان ەمەس. ەلدىڭ ىرگەسىن قالاۋدا نايزاسى مەن قالامىن، وتتى جىرلارىن قاتار الىپ جۇرگەن ەرلەر قانشاما؟ «وتاندى ءسۇيۋ-يماننان»  دەپ ۇرانداعان جىراۋلاردان باستاپ، تالاي قازاق ەرلەرى ەلىن قورعاۋ جولىندا  جان كەشتى.

قاراڭعىلىقتىڭ تۇڭعيىعىنا بويلاپ، ورىس وتارىنا جۇتىلىپ بارا جاتقان ەلىنە ارىستانداي اقىرىپ، سارا جول نۇسقاي بىلگەن دانا ابايدى باتىر ەمەس دەپ كىم ايتادى؟ جۇرەگىندە باتىلدىق، قايراتى قاتار جۇرگەن  وسى  دانىشپان اتالارىمىزدىڭ  ارقاسىندا مەملەكەت اتاندىق.

سونداي-اق  بۇگىنگى ۇرپاققا  جەلىسىن ۇزبەي، وتىن سوندىرمەي قازاقتىڭ قىزىعىن دا،  راحاتىن دا ، تاريحى مەن باي مۇراسىن   ساليقالى ساياساتىنىڭ ارقاسىندا جەتكىزىپ وتىرعان مەملەكەت باسشىسىنىڭ كوسەمدىگى مەن شەشەندىگى، ءبىلىمى مەن بىلەگىنىڭ ارقاسىندا قازاق ەلى الەمگە تانىلۋدا. وسىنداي ەلىمىزدە جۇزەگە اسىپ جاتقان ومىرشەڭ وزگەرىستەردىڭ باسىندا تۇڭعىش پرەزيدەنتىمىز نۇرسۇلتان نازاربايەۆ سياقتى تالانتتى تۇلعانىڭ، حالقىن سۇيەتىن ۇلتجاندى ازاماتتىڭ تۇرعانىن كورمەۋ، سونى سەزىنبەۋ،ونىڭ  ەل ءۇشىن تىندىرعان ۇلان-عايىر ىستەرىنىڭ تۇپ-توركىنىنە كوڭىل جۇگىرتىپ،ايتپاي كەتۋ مۇمكىن ەمەس. ءومىردىڭ تالاي بەل-بەلەستەرىنەن ءوتىپ، مەملەكەت تىزگىنىن حالىقتىڭ قالاۋىمەن سارابدال ساياساتىنىڭ قارقىسىندا قوراشتى قارقىنمەن دامىپ كەلە جاتقاندىعى الەمگە ايان. مۇنى الەمنىڭ كوپتەگەن بەلگىلى ساياساتكەرلەرى دە مويىنداپ، وتانىمىزدىڭ ءار قادامىنا قىزىعا كوز تىگىپ، قاداعالاپ وتىرعانى جاسىرىن ەمەس. ورتاق ءۇيىمىزدىڭ بۇكىل جۇرتشىلىعى ءۇشىن جارعاق قۇلاعى جاستىققا تيمەي ءجۇرىپ، ءوزىنىڭ اۋىر جۇمىستا اي سايىن، جىل سايىن تولىسىپ، ناعىز مەملەكەتتىك پاراسات بيلىگىنە كوتەرىلگەندىگىن ىس-جۇزىندە تانىتتى. بۇل- نۇرسۇلتان ءابىش ۇلىنىڭ ساياساتكەر رەتىندە الىستى كورە بىلەتىن قاسيەتى مەن دەر كەزىندە قابىلداعان باتىل شەشىمدەرىنىڭ ناتيجەسى ەكەندىگىنە كوزىمىزدى جەتكىزە الامىز.

«وتان-وتتان ىستىق» دەمەكشى قازاق حالقىنىڭ اتامەكەندى ارداقتاۋ سەزىمى وتە تەرەڭ، ولار ءۇشىن تۋعان جەردى قاسيەت تۇتۋ-قانعا سىڭگەن مىنەز، ەجەلگى ءداستۇر. بۇل تانىم ءبىزدىڭ جانىمىزعا انا سۇتىمەن تاراعان، انا سۇتىمەن دارىعان. باتىرلار جىرىندا:

اتام كۇيەۋ بولعان جەر،

انام كەلىن بولعان جەر،

كىندىك قانىم تامعان جەر،- دەگەن قاراپايىم جولداردا تۋعان جەرگە دەگەن شەكسىز سۇيىسپەنشىلىگى مەن تەرەڭ دە ىستىق سەزىمى تاماشا بەينەلەنگەن.سوندىقتان دا ەلباسى اتامەكەن توپىراعىن مەكەندەگەن وتانداستارىمىزدىڭ ءبارى-بارىن ورتاق ءۇيىمىزدىڭ كورىكتەنىپ، جەتىلۋى ءۇشىن، سيىر بۇيرەكتەنبەي، ءبىر جاعادان باس، ءبىر جەڭنەن قول شىعارىپ، ۇجىمداسا جۇمىلا، كىرشىكسىز ادال نيەتپەن بەرەكەلى ەڭبەك ەتۋگە،  اتا-بابالارىمىزدىڭ قاسيەتىن،قازاق جاستارىنىڭ قانىنا سىڭۋىنە اتسالىسىپ،ەڭبەك ەتۋگە قازاق حالقىنىڭ اقيىق اقىنى مۇقاعالي بابامىزمىڭ

سەندەردىكى قوعام، ءومىر، زامان دا،

سەن تۇزەگەن قالاڭمەنەن دالاڭ دا،

بولاشاقتا بارلىعىدا سەندەردىكى، جاس ۇرپاق، دەگەن ولەڭ جولدارىمەن قازاق جاستارىنىڭ بويىنا پاتريوتتىق سەزىمدى ۇيالاتىپ،  بابالار مۇراسىنىنىڭ مول دۇنيەسى جاستار قولىندا، ياعني جيىرما ءبىرىنشى عاسىر-جاستار عاسىرى دەپ  تاۋەلسىز ەل ۇرپاقتارىنا سەنىم ارتتى.

نەستەر دانا

---