kaztag.kz
ەلەنوۆكا اۋىلىنىڭ اتىن سامالتاۋ دەپ وزگەرتۋگە ءتورت جىلدان بەرى مۇمكىندىك بولماي تۇر
اقمولا وبلىسى زەرەندى اۋدانىنداعى ەلەنوۆكا اۋىلىن سامالتاۋ دەپ اتاۋ جۇمىستارى ءتورت جىلدان بەرى اياقتالماي كەلەدى. بۇل تۋرالى قازتاگ حابارلايدى.
اۋدان اكىمدىگىنىڭ مالىمەتىنشە، زاڭنامادا قاراستىرىلعان بارلىق كەزەڭدەر ءوتىپ، جەرگىلىكتى قوعام جينالىسى مەن قوعامدىق تىڭداۋلار وتكىزىلىپ، ونوماستيكا كوميسسياسىنىڭ كەلىسىمى الىنعان. جۇمىستاردىڭ سوڭعى كەزەڭى وبلىستىق ءماسليحاتتىڭ قاراۋىنا دايىن تۇرعان.
الايدا، اكىمشىلىك-اۋماقتىق بىرلىكتەردى قايتا اتاۋعا قويىلعان موراتورييگە بايلانىستى بۇل جۇمىستار توقتاتىلعان. «پروسەدۋرا قايتا باستالعاننان كەيىن قۇجاتتار بەلگىلەنگەن تارتىپپەن ۇسىنىلاتىن بولادى»، - دەپ حابارلادى اۋدان بيلىگى.
ەستەرىڭىزگە سالا كەتەيىك، 2022 جىلى اۋىل تۇرعىندارى جەرگىلىكتى جيىندا ەلەنوۆكانى سامالتاۋ دەپ اتاۋدى كوپشىلىك داۋىسپەن قولداعان بولاتىن. كەيىن بۇل شەشىممەن كەلىسپەگەن از بولىك تۇرعىندار داۋ-داماي تۋدىرعان ەدى.
-
فۋتبول ماچىن تاماشالاۋدان كەيىن تالدىقورعاندا 20 جاستاعى ستۋدەنت جانگىر نۇرلان ۇلى قازا تاپتى. پوليسيا كۇدىكتىنى ۇستادى.
-
A village in Kazakhstan's Akmola region has been unable to change its name from Elenovka to Samaltau for four years due to a moratorium on renaming settlements.
