tengrinews.kz
تالدىقورعاندا 20 جاستاعى ستۋدەنتتى پىشاقتاپ ءولتىردى
تالدىقورعاندا 20 جاستاعى ستۋدەنتتى پىشاقتاپ ولتىرگەن جانتۇرشىگەرلىك وقيعا بولدى. بۇل تۋرالى Infohub.kz اقپارات اگەنتتىگى حابارلايدى.
مارقۇم جانگىر نۇرلان ۇلى 7 مامىر كۇنى كەشكە دوستارىمەن بىرگە فۋتبول كورۋگە كەتكەن. ءۇي يەسىنىڭ ايتۋىنشا، سول جەردە شامامەن ون شاقتى ادام بولعان، ونىڭ ىشىندە 17 جاستاعى مەكتەپ وقۋشىسى دا بار.
شيەلەنىسكەن جانجال
كەيىننەن جاستار اراسىندا جانجال تۋىنداپ، ولار دالاعا شىققان. الايدا، جانجال قايتا جالعاسىپ، مەكتەپ وقۋشىسى جانگىردى قايتا شاقىرىپ الىپ، التى رەت پىشاقتاپ سالعان. العان جاراقاتتارىنان جىگىت سول جەردە كوز جۇمدى.
اناسىنىڭ ايتۋىنشا
قايعىلى وقيعاعا از ۋاقىت قالعاندا اناسى ۇلىمەن بەينەبايلانىس ارقىلى سويلەسكەنىن ايتتى. ونىڭ ايتۋىنشا، جانگىردىڭ كوڭىل-كۇيى جاقسى بولىپ، ازىلدەسىپ، كەيىن قايتا حابارلاساتىنىن ايتقان.
تەرگەۋ باستالدى
قازىرگى ۋاقىتتا بۇل ءىس بويىنشا تەرگەۋ امالدارى جۇرگىزىلىپ جاتىر. ساراپتامالار تاعايىندالىپ، زاتتاي دالەلدەمەلەر الىنىپ، جانجالعا قاتىسۋشىلار جاۋاپقا تارتىلۋدا. قايتىس بولعان ازاماتتىڭ وتباسى ءادىل تەرگەۋ مەن كىنالىنىڭ جازالانۋىن تالاپ ەتىپ وتىر.
كۇدىكتى ۇستالدى
جەتىسۋ وبلىستىق پوليسيا دەپارتامەنتىنەن حابارلاعانداي، قىلمىس جاسادى دەگەن كۇدىكپەن ۇستالعان ازامات ۋاقىتشا ۇستاۋ يزولياتورىنا قامالدى. وعان قاتىستى قاماۋدا ۇستاۋ تۇرىندەگى بۇلتارتپاۋ شاراسى سانكسيالاندى.
«قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان جان-جاقتى جانە وبەكتيۆتى تەرگەۋ جۇرگىزىلۋدە. قاجەتتى تەرگەۋ جانە پروسەسسۋالدىق ءىس-شارالار كەشەنى ورىندالۋدا. تەرگەۋدىڭ بارىسى وبلىستىق پوليسيا دەپارتامەنتى باسشىلىعىنىڭ ەرەكشە باقىلاۋىندا. وزگە اقپارات تەرگەۋ مۇددەسىندە جاريا ەتىلمەيدى»، - دەپ مالىمدەدى ۆەدومستۆو.
-
قازاقستاننىڭ مەملەكەتتىك كىرىستەر كوميتەتى قىتايدان اكەلىنگەن 623 BYD گيبريد كولىگىنىڭ كەدەندىك دەكلاراسياسىندا جالعان مالىمەتتەر كورسەتكەن 450 تۇلعاعا قاتىستى حابارلامالار جىبەردى.
-
اقمولا وبلىسىنداعى زەرەندى اۋدانىندا ەلەنوۆكا اۋىلىن سامالتاۋ دەپ اتاۋ جۇمىستارى ءتورت جىلدان بەرى توقتاپ قالدى. سەبەبى – ەلدى مەكەندەردى قايتا اتاۋعا قويىلعان موراتوريي.
