InfoHub Logo

7 ساۋىردەن باستاپ كولىك يەلەرى ءۇشىن ساقتاندىرۋ تاريفتەرى وزگەرمەك. جاڭا جۇيە بويىنشا اۆتوساقتاندىرۋ باعاسى جۇرگىزۋشىنىڭ تارتىبىنە تىكەلەي بايلانىستى بولماق.

جول ەرەجەسىن ءجيى بۇزاتىندار مەن اپاتقا سەبەپكەر بولعاندار ءۇشىن ساقتاندىرۋ قۇنى ايتارلىقتاي قىمباتتايدى. ال ءتارتىپتى جۇرگىزۋشىلەرگە جەڭىلدىكتەر قاراستىرىلعان. مامانداردىڭ ايتۋىنشا، بۇل جاڭاشىلدىق جولداعى ءتارتىپتى كۇشەيتىپ، كولىك يەلەرىن جاۋاپكەرشىلىككە ۇيرەتۋگە باعىتتالعان.

سونىمەن، اۆتوساقتاندىرۋ باعاسى قانداي جاعدايدا وسەدى؟ ەگەر جۇرگىزۋشى جىل ىشىندە بىرنەشە رەت جول ەرەجەسىن بۇزىپ، ايىپپۇل تولەسە نەمەسە جول-كولىك وقيعاسىنا سەبەپكەر بولسا، ساقتاندىرۋ ءپوليسىنىڭ قۇنى ەسەلەنۋى مۇمكىن. ال ەرەجەنى ساقتاپ، جولدا اباي بولعاندار ءۇشىن كەرىسىنشە جەڭىلدىك قاراستىرىلماق.