InfoHub Logo

استاناداعى تۇرعىن ءۇي كەشەنىنىڭ ليفتىسىندە بولعان بالالار اراسىنداعى توبەلەس تۋرالى ۆيدەو الەۋمەتتىك جەلىدە قىزۋ تالقىعا ءتۇستى. ۆيدەو الەمنىڭ ءار بۇرىشىنان ميلليونداعان قارالىم جيناپ، ءارتۇرلى پىكىرلەر تۋدىردى.

بۇل تۋرالى Infohub.kz اقپارات اگەنتتىگى حابارلايدى.

وقيعانىڭ ءمان-جايى

ۆيدەوداعى باستى كەيىپكەر – وقيعاعا قاتىسقان ەڭ كىشكەنتاي بالا. كادرلاردان كورىنىپ تۇرعانداي، جاس بالا وزىنەن ۇلكەن قارسىلاستارىنا قاراماستان، تاباندىلىق تانىتىپ، ءوزىن قورعاي ءبىلدى. ۆيدەونىڭ سيپاتتاماسىندا «اكەم ەكەۋمىز ۇلىمىزعا ءاردايىم «ءبىرىنشى بولىپ ەشكىمگە تيىسپە، ءبىراق بىرەۋ ساعان تيىسسە، ءوزىڭدى قورعاي ءبىل» دەگەن قاعيدانى سىڭىرەمىز» دەپ جازىلعان.

ۆيدەو الەمنىڭ تۇكپىر-تۇكپىرىنەن پىكىر قالدىرعان جانداردىڭ العىسىنا بولەندى. قازاقستان، رەسەي، تۇركيا، اراب ەلدەرى، برازيليا، يسپانيا، يندونەزيا، وڭتۇستىك كورەيا جانە باسقا دا ەلدەردىڭ تۇرعىندارى ۆيدەوعا ءوز لايكتارى مەن پىكىرلەرىن قالدىردى. ءتىپتى تىلدىك كەدەرگىگە قاراماستان، جەلى قولدانۋشىلارى ەكى توپقا ءبولىندى: بىرەۋلەرى «بالالاردىڭ مۇنداي ارەكەتىن» سىناسا، ەكىنشىلەرى كىشكەنتاي بالانىڭ باتىلدىعى مەن توبەلەستى توقتاتقان جىگىتتىڭ دانالىعىن ماقتادى.

اناسىنىڭ ايتقانى

ۆيدەو اۆتورىمەن بايلانىسقانىمىزدا، ول وقيعاعا كۋا بولعان بالانىڭ اناسى ەكەنى بەلگىلى بولدى. ول قىسقاشا بىلاي دەپ ءتۇسىندىردى: «بۇل جاعداي بالالار كوشەدەن ۇيگە قايتىپ كەلە جاتقاندا بولدى. ۇلىما نەبارى 6 جاس. مەكتەپكە ءالى بارمايدى. ول بەلسەندى، مەيىرىمدى، ەموسيونالدى جانە اقىلدى بالا»، - دەدى اناسى.

پوليسيانىڭ حابارلاۋىنشا

استانا قالالىق پوليسيا دەپارتامەنتىنىڭ باسپا ءسوز قىزمەتى كامەلەتكە تولماعانداردىڭ اتا-انالارىمەن اڭگىمە جۇرگىزىلگەنىن حابارلادى. «الەۋمەتتىك جەلىلەردى مونيتورينگى بارىسىندا پوليسيا قىزمەتكەرلەرى كامەلەتكە تولماعانداردىڭ قاتىسۋىمەن ليفتىدە بولعان وقيعا تۋرالى ۆيدەوجازبانى انىقتادى. ءبىر اۋلادا تۇراتىن بالالار (5-7 جاستا) اراسىندا قىسقا ۋاقىتتى سوزدىك جانجال بولعانى انىقتالدى. ەشقانداي زيان كەلتىرىلگەن جوق»، - دەپ حابارلادى ۆەدومستۆودان.

پوليسيا بۇعان دەيىن بالالار اراسىندا مۇنداي جانجال بولماعانىن ناقتىلادى. «اتالعان بالالار اراسىندا جۇيەلى نەمەسە قايتالاناتىن جاعدايلار تىركەلگەن جوق. بارلىق قاتىسۋشىلار انىقتالدى. ولارمەن جانە ولاردىڭ اتا-انالارىمەن يۋۆەنالدى پوليسيا قىزمەتكەرلەرى پروفيلاكتيكالىق اڭگىمە جۇرگىزدى»، - دەپ تولىقتىردى پوليسيا.