InfoHub Logo

ساباقتىڭ تاقىرىبى: ەڭ جاقىن ادامدار
قازاق ءتىلى 6 - سىنىپ
ماقساتى:
بىلىمدىلىك: وتباسى تۋرالى تۇسىنىكتەرىن كەنەيتە كەلە، ادامدى سيپاتتاپ بەرە الۋ. ءوز ويلارىن جۇيەلى تۇردە جەتكىزە بىلۋگە ۇيرەنۋ. تاۋەلدىك جالعاۋدى ورىندى قولدانا الۋ.
دامىتۋشىلىق: قيسىندى ويلاۋ قابىلەتىن، شىعارماشىلىق ارەكەتىن دامىتۋ. سوزدىك قورىن بايىتىپ، سويلەمدى دۇرىس قۇراستىرا ءبىلۋ داعدىسىن قالىپتاستىرۋ.
تاربيەلىك: بالا تاربيەسىندەگى اتا - انانىڭ الاتىن ورنىنىڭ ەرەكشە ەكەندىگىن ءتۇسىنۋ. باۋىرمالدىق قاتىناستى ۇلگى تۇتۋ.
ءتۇرى: بەكىتۋ ساباعى.
ءادىسى: سۇراق - جاۋاپ، اڭگىمەلەۋ، «ميعا شابۋىل» ستراتەگياسى، توپپەن جۇمىس، جەكەلەي جۇمىس، قيسىندى ويلاۋ ستراتەگياسى، پوستەر قۇراستىرۋ،
كورنەكىلىگى: ماقال - ماتەلدەر، سۋرەتتەر، ەلەكتروندىق وقۋلىق، ءان جيناعى، فليپچارت، بەينەبايان.

ساباقتىڭ بارىسى:
ءى. ۇيىمداستىرۋ كەزەڭى.
پسيحولوگيالىق دايىندىق.
كۇن شۋاعىن الاقانعا سالامىن،
جۇرەگىمە باسىپ، ۇستاي قالامىن.
ىزگى ءارى نازىك، جارىق، مەيىرىمدى،
بولىپ كەتەر سوندا دەرەۋ جان – جاعىم.
- بالالار، كۇن شۋاعى بولعان جولاقشالارعا، بىر-بىرىڭىزگە تىلەكتەرىڭىزدى جازىڭدار. (شۋاقتاردى كۇن بەينەسىنىڭ اينالاسىنا اپارىپ جاپسىرادى)

ءىى. ساباقتىڭ ماقساتىمەن تانىستىرۋ.
«ميعا شابۋىل».
ا) بەرىلگەن ماقال – ماتەلدەردى وقىپ، ماعىناسىن اشۋ.
«اعا - ىنىگە ۇستاز،
اپكە - سىڭلىگە ۇستاز.».
«اكە — اسقار تاۋ»
«اعايىن — التاۋ،
انا — بىرەۋ»
«اتا - اجەلەر ءسوزى — اقىلدىڭ كوزى»
- وسى ماقال - ماتەلدەردىڭ تاقىرىبىن ءبىر سوزبەن قالاي اتاۋعا بولادى؟
- دۇرىس، تۋعان – تۋىس، اعايىن، ەڭ جاقىن ادامدار.
- بۇگىنگى ساباقتا، بىزگە ەڭ جاقىن ادامدار تۋرالى اڭگىمەلەپ، سويلەمدەر قۇراستىرامىز. تاقىرىپ بويىنشا سوزدەردى ەسىمىزگە ءتۇسىرىپ ساۋاتتى جازىپ قولدانۋعا ۇيرەنەمىز.
ب) توپ ليدەرلەرىنە باعالاۋ پاراعىن تاراتىپ، ءتۇسىندىرۋ.

ءىىى. ءۇي تاپسىرماسىن تەكسەرۋ.
«مەنىڭ اتا - انام» تاقىرىبىنا شاعىن ەسسە جازۋ.

ءىV.
«اتا – انا» بەينەبايانىن تاماشالاۋ.
…سوندىقتان ءبىر كۇنى ولار قارتايعاندا، سەندەر نە ىستەۋ كەرەكسىڭدەر؟

V. تاپسىرما.
- اتا - انامىز، اكە – شەشەمىزدەن باسقا بىزگە تاعى كىمدەر ەڭ جاقىن بولىپ تابىلادى؟
- الدارىڭداعى سوزدەرگە نازار اۋدارىڭدار.
توپتاردىڭ الدارىنداعى سوزدەر: بويى، شاشى، كوزى، مۇرنى، دەنەسى، مىنەزى، ءتالىم - تاربيەسى.
- وسى سوزدەرگە بايلانىستى، قانداي دەگەن سۇراقتارعا جاۋاپ بەرەتىن سوزدەردى تابۋ.(ءار وقۋشى 2 سوزدەن ءبولىپ الادى)
مىسالى:
بويى: بويشاڭ، ۇزىنتۇرا، تاپال، سۇڭعاق بويلى.
مۇرنى: پۇشىق، پىستە، قوشقار تۇمسىق.
بەت – كەلبەتى: تەرەڭ ءاجىمى بار، ت. س. س.

VI. فليپچارتپەن جۇمىس.
ءار توپ ءبىر سوزدەن تاڭداپ الادى ( اعا، اپكە، اكە، اجە، انا، ءىنى، ءسىڭلى، قارىنداس، )
بەرىلگەن كريتەرييلەر بويىنشا ادامدى سۋرەتتەۋ. (ءبىر وقۋشى پوستەرلەرىن شىعىپ قورعايدى) (كريتەريي بويىنشا پوستەرلەرىن باعالاۋ.)
كريتەريي: بويى، شاشى، كوزى، مۇرنى، دەنەسى، مىنەزى، ءتالىم - تاربيەسى.

VIءى. 6 - تاپسىرما.
ولەڭدى وقىپ، تاۋەلدەنىپ بارىپ سەپتەلىپ تۇرعان سوزدەن سويلەمدەر قۇراستىرۋ.
ەڭ جاقىن ادامدار –
اكەم مەن انام بار.
اكەمنىڭ اكەسى –
اق باستى اتام بار.
اكەمنىڭ شەشەسى –
اق شاشتى اجەم بار.

ۇلداردىڭ ۇلكەنى –
ءبىر تۋعان اعام بار،
قىزداردىڭ ۇلكەنى –
ءبىر تۋعان اپكەم بار.

ۇلداردىڭ كىشىسى -
ءبىر تۋعان ءىنىم بار،
قىزداردىڭ كىشىسى -
ءبىر تۋعان قارىنداس
اپكەگە – ءسىڭىلى بار.
(ا. ساعاتوۆا)
مىسالى: اكەمنىڭ اكەسى ماعان اتا بولادى.
اكەمنىڭ قىزى مەنىڭ اپكەم.

VIءىى. قورىتىندى:
ساناماق ايتۋ
ءبىر ۇيدە ءبىز نەشەۋمىز؟
كەل سانايىق ەكەۋمىز
باس بارماعىم – اتام،
بالان ۇيرەك – اپام،
ورتان تەرەك - اكەم،
شىلدىر شۇمەك – انام،
كىشكەنتاي بوبەك – مەن.
ءبىز ۇيدە نەشەۋمىز
ءبىز ۇيدە بەسەۋمىز
- بالالار، بۇگىنگى ساباقتا ەڭ جاقىن ادامدار جايىندا كوپ اڭگىمەلەدىك. ال ەندى ءبىزدىڭ مەكتەپتە سەندەرگە ەڭ جاقىن ادام كىم دەپ ەسەپتەيسىڭدەر؟
- ارينە، سىنىپ جەتەكشىلەرىن.

ۇيگە تاپسىرما: ءوز سىنىپ جەتەكشىلەرىن جايىندا شاعىن ەسسە جازىپ كەلۋ.
باعالاۋ. ءۇي تاپسىرماسى، توپتاعى جۇمىستارى بويىنشا ءفورماتيۆتى باعالانۋى ارقىلى، ءسۋمماتيۆتى باعالاۋ.
رەفلەكسيا:

ەڭ جاقىن ادامدار جۇكتەۋ