InfoHub Logo

زامانىمىزدا ادامداردىڭ كوپ قوزعايتىن اڭگىمەلەرى كاپيتال، ەكونوميكا، بيرجا، اكسيا، جىلجىمايتىن مۇلىك سياقتى تاقىرىپتار. كەلەشەككە سالىم جاساپ، كەلەشەگىمىزدى كەپىلگە الۋ قاجەت دەپ جاتادى. ياعني قاي سالاعا كاپيتال قۇيۋ ءتيىمدى بولسا سونى اڭگىمەلەپ، سوعان بەت بۇرىپ جاتادى. بۇل ارينە قالىپتى نارسە، مىندەلەتىن تاراپى جوق.

الايدا ۇمىتپاۋ قاجەتتى تاعى ءبىر ماڭىزدى سالىم ءتۇرى بار. ول دا بولسا بالاعا جاسالاتىن، ادامعا جاسالاتىن سالىم. الەمدەگى ەڭ قيىن ءىس ادام جەتىلدىرۋ. بالانىڭ جەتىلۋىنە سەپتىگىن تيگىزەتىن كوپتەگەن فاكتورلار بار. بۇلاردىڭ ىشىندەگى ەڭ ماڭىزدىلارى: جانۇيا، اينالا، مەكتەپ جانە ب ا ق. 

الەمدەگى بارلىق مەملەكەتتەر ءوز بالالارىنىڭ، جاستارىنىڭ ءادىل، ەڭبەكقور، كوركەم مىنەزدى، تابىستى، مادەنيەتتى، قوعامعا پايدالى، وتانىن سۇيەتىن، بىلىكتى جانە ەل قۇندىلىقتارىن قادىرلەي بىلەتىن ادام رەتىندە تاربيەلەنۋىن قالايدى. سوندىقتان وسى جولدا بارلىق كۇش-جىگەرىن جۇمسايدى. مۇنى جۇزەگە اسىرا العان ەلدەردىڭ باسقا دا قيىنشىلىقتارى جەڭىل جانە جىلدام شەشىلەدى. ويتكەنى بارلىق نارسەنىڭ باسى – ادام. ادامنىڭ جاقسى ءوسىپ جەتىلۋى ءۇشىن ەشبىر شىعىننان جانە قيىنشىلىقتان قاشپاعاندار جەتىستىكتىڭ جانە مادەنيەتتىڭ شىڭىنا كوتەرىلدى. تاريحتا وسى قاعيدانى وسماندىقتار جاڭعىرتقان بولاتىن. قازىرگى تاڭدا امەريكا جانە ەۋروپا ەلدەرى دە وسى باعىتتى ۇستانىپ كەلەدى.

مەملەكەتىمىز جوعارىدا اتالىپ وتكەن ادامنىڭ ءوسىپ جەتىلۋى ءۇشىن ەڭ ماڭىزدى ءرولدى اتقاراتىن فاكتورلاردى استە-استە قولعا الۋدا. ايتسە دە ءاربىر اتا-انانىڭ دا ءوز كەزەگىندە بالا تاربيەسىنە ات سالىسۋى، قاراپ جاتپاۋى ماڭىزدى ماسەلە.

باستا ۇلكەن قالالاردان باستاپ اينالامىز تىنىش ەمەس. ياعني سىرتقى الەم قاۋىپتەرگە تولى. بەينەلى، باسپالى اقپارات قۇرالدارىنىڭ باسىم بولىگى زورلىق-زومبىلىق جانە جىنىستىق تاقىرىپتارعا كوبىرەك باعىتتالعان... ادامي قاسيەت، ادەپتىلىك، ۇياتتىلىق سەزىمدەردى جوياتىن، ءار ءتۇرلى جاماندىقتاردى تارتىمدى ەتىپ جاريالاپ جاتقاندىقتان كورۋى، وقىلۋى ءقاۋىپتى بولعان كوپتەگەن اقپارات قۇرالدارى بار. وسى سەبەپتى بالالاردى جامان دوستاردىڭ جانە جامان بەينەلى، جازبالى اقپارات قۇرالدارىنىڭ زياندارىنان دا قورعاۋ كەرەك.  

بالالارعا ءدىنىن، وتانىن، بايراعىن جاقسى كورگىزەتىن، اتا-اناعا، ادامدارعا قۇرمەتتى، ەلىنىڭ مادەنيەتىن، قۇندىلىقتارىن، جەتىستىككە جەتۋدىڭ جولدارىن ۇيرەتەتىن، پاتريوتتىق سەزىمىن ۇيالاتاتىن پايدالى، جاقسى اقپاراتتارمەن قامتاماسىز ەتۋ كەرەك. بۇل ورايدا سىزگە كومەكشى بولا الاتىن «بالالار الەمى» جۋرنالىن كەڭەس بەرە الامىز. «بالالار الەمى» جۋرنالى - ءارىپ تانىعان جاستان باستاپ مەكتەپ وقۋشىلارىنا ارنالعان، 64 بەتتەن تۇراتىن رەسپۋبليكالىق جۋرنال. مۇندا بۇلدىرشىندەر مەن جاس-جەتكىنشەكتەردىڭ ءبىلىم-تانىمىن، ءوي-ورىسىن دامىتۋعا، تالىم-تاربيەگە نەگىزدەلگەن ەرتەگى-اڭگىمەلەر، تاريحي-مادەني دەرەكتەر، ەنسيكلوپەديالىق مالىمەتتەر، قىزىقتى كاريكاتۋرالار، ويىن-جۇمباقتار، ءازىل-وسپاقتار، پايدالى كەڭەس-ناسيحاتتار ت.ب. پايدالى ماعلۇماتتارعا ورىن بەرىلەدى. سونداي-اق بالالار دا ولەڭ، ماقالالارىن، سالعان سۋرەتتەرىن جىبەرىپ ءوز شىعارماشىلىق ونەرلەرىمەن جانە ءبىزدىڭ دوستارىمىز ايدارى ارقىلى ءوز فوتولارىمەن دە بولىسە الادى.

جۋرنالدىڭ اقپاراتتىق ونلاين نۇسقاسىن «بالالار الەمى» جۋرنالىنىڭ سايتىنان دا (http://www.balalaralemi.kz) كورۋگە بولادى. جۋرنالعا جازىلىڭىزدار! قازپوشتا ارقىلى جازىلۋ يندەكسى: 74722

---