InfoHub Logo

ۇكىمەت كۋلۋارىندا ەڭبەك ءمينيسترى سۆەتلانا جاقىپوۆا ەلىمىزدە جاعدايى بار كوپبالالى وتباسىلارعا مەملەكەتتەن قولداۋ كورسەتپەۋ ماسەلەسى قاراستىرىلىپ جاتقانىن ايتتى،  دەپ حابارلايدى Infohub.kz.

"وتباسىنىڭ جان باسىنا شاققانداعى ورتاشا كىرىسى – ءتورت ايلىق ارالىق مينيمۋمدى قۇرايتىن بولسا (شامامەن 200 مىڭ تەڭگە)، ەكى جانە ودان دا كوپ اۆتوكولىگى، ەكى جانە ودان دا كوپ جىلجىمايتىن مۇلكى بار وتباسى – الەۋمەتتىك جاعدايى جوعارى دەپ ەسەپتەلىپ، كوپبالالى بولسا دا ءبىرجولعى تولەم المايدى. مەكتەپ فورماسى، سومەك، قاعاز-قالام سىندى قولداۋ كومەكتەرى بەرىلمەيدى"، - دەپ مالىمدەدى ۇكىمەت كۋلۋارىندا ەڭبەك ءمينيسترى.

سونداي-اق، جاقىپوۆا ەلدەگى ەڭ تومەنگى كۇنكورىس دەڭگەيى جاڭا ادىستەمە بويىنشا ەسەپتەلىپ جاتقانىن ايتتى.

"وتكەن جىلى ەڭبەك مينيسترلىگىندە ەڭ تومەنگى جالاقىنى ەسەپتەۋ ادىستەمەسى ازىرلەندى. ونىڭ نەگىزىنە ەڭبەك ونىمدىلىگى كورسەتكىشتەرى، جالاقىنىڭ مەدياندىق مولشەرى جانە سايكەسىنشە ينفلياسيا كورسەتكىشتەرى الىنۋى ءتيىس"، – دەدى مينيستر.

ونىڭ ايتۋىنشا، ەسەپتەۋلەرمەن ءۇش ينستيتۋت اينالىسىپ جاتىر، زەرتتەۋلەر ءالى اياقتالعان جوق.