ترامپ پۋتينگە ۋلتيماتۋم قويدى
اقش-تىڭ بۇرىنعى پرەزيدەنتى دونالد ترامپ رەسەي باسشىسى ۆلاديمير پۋتينگە ەسكەرتۋ جاسادى. ول 15 تامىزعا جوسپارلانعان كەزدەسۋدەن كەيىن ۋكرايناعا قارسى سوعىستى توقتاتپاسا، ماسكەۋ “وتە اۋىر سالدارعا” تاپ بولاتىنىن ايتتى. بۇل تۋرالى ول ۆاشينگتونداعى كەننەدي ورتالىعىندا وتكەن ماراپاتتاۋ راسىمىنەن سوڭ جۋرناليستەرگە بەرگەن سۇحباتىندا مالىمدەدى.
ار اگەنتتىگىنىڭ دەرەگىنشە، ترامپ ناقتى قانداي شارالار قولدانىلاتىنىن اشىپ ايتپاعان. دەگەنمەن، ونىڭ مالىمدەمەسى رەسەي-ۋكراينا قاقتىعىسىنا قاتىستى جاڭا ديپلوماتيالىق قادامداردىڭ بەلگىسى رەتىندە باعالانىپ وتىر.
سونداي-اق، 13 تامىزدا ترامپ ەۋروپا ەلدەرى باسشىلارىمەن جانە ۋكراينا پرەزيدەنتى ۆلاديمير زەلەنسكييمەن جابىق بەينەكونفەرەنسيا وتكىزگەن. كەزدەسۋدە ول ەگەر 15 تامىزدا پۋتينمەن كەلىسسوزدەر ءساتتى وتسە، كەلەسى كەلىسسوز تىكەلەي زەلەنسكيي مەن پۋتين اراسىندا ۇيىمداستىرىلۋى كەرەك دەگەن ۇسىنىسىن بىلدىرگەن.
You Might Also Like
-
اقش پەن ەۋرووداق جاڭا ساۋدا كەلىسىمىنە قول جەتكىزدى
-
دوللار ارزاندادى: اقش ۆاليۋتاسى 3،5 تەڭگەگە تومەندەدى
