ەندى قازاقستاندىقتار مامس-كە كوبىرەك تولەم اۋدارۋى مۇمكىن
دەنساۋلىق ساقتاۋ ءمينيسترى اقمارال ءالنازاروۆا مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىن قارجىلىق تۇراقتاندىرۋ ءۇشىن جاڭا وزگەرىستەر ەنگىزىلەتىنىن مالىمدەدى.
ءمينيستردىڭ ايتۋىنشا، زاڭ جوباسى مەملەكەتتىڭ، جۇمىس بەرۋشىلەردىڭ جانە ازاماتتاردىڭ ورتاق جاۋاپكەرشىلىگىن ارتتىرۋعا باعىتتالعان ەكى نەگىزگى باستامانى قامتيدى:
- قىزمەتكەرلەردىڭ جارنالارىن ەسەپتەۋ بازاسىنىڭ جوعارعى شەگىن ارتتىرۋ
- مەملەكەتتىڭ ءمامس جۇيەسىنە جارنا تولەۋ مولشەرلەمەسىن ۇلعايتۋ
جاڭا وزگەرىستەر كىمدەرگە اسەر ەتەدى؟
2026 جىلدىڭ 1 قاڭتارىنان باستاپ ءمامس جارنالارىن ەسەپتەۋ ءۇشىن ەڭ جوعارعى شەك قازىرگى 10 ەڭ تومەنگى جالاقىدان (ەتج) 50 ەتج-عا دەيىن كوبەيەدى.
بۇل وزگەرىستەر 508 مىڭ ادامعا، ياعني بارلىق جالدامالى جۇمىسشىلار مەن ولاردىڭ جۇمىس بەرۋشىلەرىنىڭ شامامەن 9%-ىنا ىقپال ەتەدى.
ءمينيستردىڭ ايتۋىنشا، قازىرگى جۇيەدە تابىسى جوعارى ازاماتتار ءوز تابىسىنا ساي جارنا تولەمەيدى، بۇل ادىلەتسىزدىككە الىپ كەلەدى. سوندىقتان جاڭا وزگەرىستەر ەنگىزۋ قاجەت.
مينيسترلىك بۇل باستاما ءمامس جۇيەسىنىڭ قارجىلىق تۇراقتىلىعىن قامتاماسىز ەتەدى جانە ازاماتتارعا كورسەتىلەتىن مەديسينالىق قىزمەتتەردىڭ ساپاسىن جاقسارتادى دەپ ەسەپتەيدى.
You Might Also Like
-
سەربيادا كوتەرىلىس: 100 مىڭنان استام ادام ءۆۋچيچتىڭ وتستاۆكاسىن تالاپ ەتتى
-
ۋكراينا پرەزيدەنتى ۆلاديمير زەلەنسكيي كۋرسك وبلىسىندا ۋكراينا قارۋلى كۇشتەرى (ۋقك) وپەراسيا جۇرگىزىپ جاتقانىن جانە ۋكراين اسكەرى قورشاۋدا قالماعانىن مالىمدەدى.
