InfoHub Logo

پاۆلودار قالاسىنىڭ ءبىلىم بەرۋ ءبولىمى Zoom باعدارلاماسىن پايدالانا وتىرىپ «ەرەكشە ءبىلىم بەرۋدى قاجەت ەتەتىن بالالارعا پسيحولوگيالىق-پەداگوگيكالىق سۇيەمەلدەۋ» تاقىرىبىندا ونلاين كونفەرەنسيا وتكىزدى. ماقساتى - ينكليۋزيۆتى ءبىلىم بەرۋ ماسەلەلەرى بويىنشا قالانىڭ جالپى ءبىلىم بەرەتىن مەكتەپتەرىنىڭ قىزمەتىن ادىستەمەلىك سۇيەمەلدەۋ بويىنشا جۇمىستى ودان ءارى جەتىلدىرۋ. كونفەرەنسياعا جالپى ءبىلىم بەرەتىن مەكتەپ ديرەكتورلارىنىڭ 60-تان استام ورىنباسارلارى، وبلىستىڭ ءبىلىم بەرۋ مەكەمەلەرىنىڭ ينكليۋزيۆتى ءبىلىم بەرۋ ماماندارى بولدى، پاۆلودار جانە سەمەي قالالارىنىڭ ءبىلىم بەرۋ ءبولىمىنىڭ ادىسكەرلەرى مەن ماماندارى، پاۆلودار قالاسىنىڭ پسيحولوگيالىق-مەديسينالىق-پەداگوگيكالىق كونسۋلتاسياسى، سەمەي قالاسىنىڭ ادىستەمەلىك جانە پسيحولوگيالىق ورتالىقتارى، پاۆلودار مەملەكەتتىك پەداگوگيكالىق ۋنيۆەرسيتەتىنىڭ باسشىلارى قاتىستى.

ونلاين كونفەرەنسيانىڭ مودەراتورى پاۆلودار قالاسى ءبىلىم بەرۋ ءبولىمىنىڭ ادىسكەرى شولپان سامەن قىزى نۇراحمەتوۆا بولدى. كونفەرەنسياعا وبلىستىق «ۇزدىك عىلىمي-ادىستەمەلىك قۇرال – 2020» كونكۋرسىندا 2 ءبىرىنشى ورىنعا يە بولعان قالالىق پسيحولوگتار مەن لوگوپەدتەردىڭ شىعارماشىلىق توپتارىنىڭ ەكى ادىستەمەلىك قۇرالدارى ۇسىنىلدى. م. اۋەزوۆ اتىنداعى مەكتەپ ديرەكتورىنىڭ ورىنباسارى، № 34 جوم پسيحولوگ، لوگوپەد، باستاۋىش سىنىپ مۇعالىمدەرى، ى. التىنسارين اتىنداعى ۇبا جانىنداعى رەسپۋبليكالىق شىعارماشىلىق توپ مۇشەلەرىنىڭ جۇمىس تاجىريبەسى ۇسىنىلدى. پلەنارلىق بولىمدە ينكليۋزيۆتى ءبىلىم بەرۋدىڭ نورماتيۆتىك-قۇقىقتىق بازاسىن ورىنداۋ، وقۋ جىلىن اياقتاۋ جانە ەرەكشە ءبىلىم بەرۋ قاجەتتىلىكتەرى بار وقۋشىلاردى قورىتىندى اتتەستاتتاۋ ماسەلەلەرى بويىنشا پاۆلودار قالاسى ءبىلىم بەرۋ ءبولىمىنىڭ باس مامانى اللا فەدوروۆنا دەريەۆنينا ءسوز سويلەدى. قالالىق پسيحولوگيالىق-مەديسينالىق-پەداگوگيكالىق كونسۋلتاسيانىڭ جەتەكشىسى ايتبايەۆا سۇلۋشاش ايتكەن قىزى ءبىلىم بەرۋ ۇيىمدارىندا پەداگوگيكالىق كونسيليۋمدى وتكىزۋ الگوريتمىن ۇسىندى، ەرەكشە ءبىلىم بەرۋ قاجەتتىلىگى بار بالالارمەن جۇمىس ىستەۋ بويىنشا قۇجاتتاماعا قويىلاتىن تالاپتاردى ورىنداۋ بويىنشا ناقتى ۇسىنىستار بەردى.

كونفەرەنسيانىڭ پراكتيكالىق بولىمىندە م. اۋەزوۆ اتىنداعى مەكتەپ ديرەكتورىنىڭ ورىنباسارى بەزرۋكوۆا يۋليا الەكسەيەۆنا قاشىقتىقتان وقىتۋ جاعدايىندا وقۋ ۇدەرىسىن ادىستەمەلىك سۇيەمەلدەۋدى ۇيىمداستىرۋ، ينتەرنەت رەسۋرستار مەن پلاتفورمالاردى وقۋشىلار مەن اتا-انالارمەن كەرى بايلانىستى ۇيىمداستىرۋ ءۇشىن پايدالانۋ ماسەلەلەرى بويىنشا جۇمىس تاجىريبەسىمەن ءبولىستى. № 34 جوم باستاۋىش سىنىپ مۇعالىمدەرى، رەسپۋبليكالىق شىعارماشىلىق توپ مۇشەلەرى، نازارەنكو اننا ولەگوۆنا جانە اكيموۆا ەكاتەرينا ۆاسيليەۆنا «ينكليۋزيۆتى ءبىلىم بەرۋ جاعدايىندا 1 سىنىپتا ماتەماتيكا ساباعىندا ديففەرەنسيالدى ءتاسىلدى ىسكە اسىرۋ»، «ينكليۋزيۆتى ءبىلىم بەرۋ اياسىندا ساۋاتتىلىقتى وقىتۋ ساباقتارىندا پەداگوگيكالىق تاسىلدەر» ماسەلەلەرى بويىنشا ءسوز سويلەدى. مانياكوۆا مارينا ۆاسيليەۆنا جانە بەرەجنايا اناستاسيا الەكسەيەۆنا، پسيحولوگتاردىڭ قالالىق شىعارماشىلىق توبىنىڭ جەتەكشىلەرى ەرەكشە ءبىلىم بەرۋدى قاجەت ەتەتىن وقۋشىلاردى پسيحولوگيالىق-پەداگوگيكالىق سۇيەمەلدەۋ بويىنشا عىلىمي-ادىستەمەلىك قۇرال ۇسىندى. پشەنكو يۋليا اناتوليەۆنا، № 26 جوم لوگوپەدى، لوگوپەدتەردىڭ قالالىق شىعارماشىلىق توبىنىڭ جەتەكشىسى «جالپى ءبىلىم بەرەتىن مەكتەپ جاعدايىندا لوگوپەدتىك جۇمىستى جەتىلدىرۋ» اتتى ادىستەمەلىك نۇسقاۋلاردى ۇسىندى.

قاشىقتىقتان وقىتۋ جاعدايىندا ەرەكشە ءبىلىم بەرۋدى قاجەت ەتەتىن وقۋشىلارعا كەدەرگىسىز ورتا قۇرۋ جانە پەداگوگيكالىق سۇيەمەلدەۋ ماسەلەلەرى بويىنشا سەمەي قالاسىنىڭ ادىستەمەلىك جانە پسيحولوگيالىق ورتالىقتارمەن سىندارلى ديالوگ ءوتتى. كاسىبي ءوسۋ، پەداگوگيكالىق كادرلاردىڭ بىلىكتىلىگىن ارتتىرۋ جانە جوعارى وقۋ ورنىنان كەيىنگى ءبىلىم بەرۋ ماسەلەلەرى بويىنشا مىرزاقۇلوۆ سەرىك ۆالەريەۆيچ، عىلىمي جۇمىس جانە حالىقارالىق بايلانىستار جونىندەگى پرورەكتور، پ.ع.ك. سۇلەيمەنوۆا گۇلميرا امانگەلدى قىزى، ماگيستراتۋراعا قابىلداۋعا جاۋاپتى جانە پاۆلودار مەملەكەتتىك پەداگوگيكالىق ۋنيۆەرسيتەتىنىڭ قابىلداۋ كوميسسياسىنىڭ جاۋاپتى حاتشىسى مۇسانوۆا گۇلنار ماناپ قىزى ءسوز سويلەدى.

كەرى بايلانىس جانە رەفلەكسيا ونلاين رەجيمدە وتكىزىلدى. كونفەرەنسياعا قاتىسۋشىلارعا جالپى ءبىلىم بەرەتىن مەكتەپتە ەرەكشە ءبىلىم بەرۋدى قاجەت ەتەتىن بالالاردى وقىتۋ مەن تاربيەلەۋ ءۇشىن جاعداي جاساۋ بويىنشا ادىستەمەلىك ۇسىنىستار بەرىلدى. كونفەرەنسيا ماتەريالدارى ينكليۋزيۆتى ءبىلىم بەرۋدى ىسكە اسىرۋ ماسەلەلەرىندە ىنتىماقتاستىق بويىنشا سەرىكتەستەرگە جىبەرىلەتىن بولادى، ينكليۋزيۆتى ءبىلىم بەرۋ جاعدايىندا جۇمىس تاجىريبەسىنىڭ ەلەكتروندىق بانكىندە ورنالاستىرىلادى.

نۇرمات باعداۋلەت

 

---