ەرتىس-بايان وڭىرىندە اتا-انالارمەن ونلاين-فورماتتا كەزدەسۋ ءوتتى
ءبىلىم باسقارماسىنىڭ ءبىلىم بەرۋدى دامىتۋدىڭ يننوۆاسيالىق ورتالىعىنىڭ مەكتەپكە دەيىنگى ءبىلىم بەرۋ ءبولىمى بالاباقشالار مەن شاعىن ورتالىقتاردىڭ پەداگوگتارىنا ارنالعان «مەكتەپكە دەيىنگى ءبىلىم بەرۋ ۇيىمدارىنىڭ اتا-انالارىمەن ءداستۇرلى جانە ءداستۇرلى ەمەس جۇمىس تۇرلەرى" تاقىرىبىندا ونلاين رەجيمدە دوڭگەلەك ۇستەل وتكىزدى.
دوڭگەلەك ۇستەلگە قاتىسۋشىلار مەكتەپكە دەيىنگى ۇيىمداردا اتا-انالارمەن قارىم-قاتىناس جانە ىنتىماقتاستىق تۇرلەرىن قاراستىردى.
پاۆلودار اۋدانىنىڭ «ايالا» بالاباقشاسىنىڭ تاربيەشىسى گ. ورىنباساروۆا، جەلەزين اۋدانىنىڭ №1 جوم جانىنداعى «بالاۋسا» شاعىن ورتالىعىنىڭ تاربيەشىسى ن.يۋ.چابانوۆا مەكتەپكە دەيىنگى ءبىلىم بەرۋ ۇيىمدارىنىڭ اتا-انالارىمەن ءداستۇرلى جانە ءداستۇرلى ەمەس جۇمىس تۇرلەرى تۋرالى ءبولىستى.
اتا-انالاردى بالالارمەن بىرلەسكەن ءبىلىم بەرۋ قىزمەتىنە ءتيىمدى الەۋمەتتەندىرۋ تەحنولوگياسى نەگىزىندە قوسۋدى قاتىسۋشىلار جەلەزين اۋدانىنىڭ №1 جوم جانىنداعى «بالاۋسا» شاعىن ورتالىعىنىڭ تاربيەشىسى ب.س.مۇسابايەۆانىڭ جانە ۋسپەن اۋدانىنىڭ «بالاپان» سابيلەر باقشاسىنىڭ تاربيەشىسى ن.ك. كابييەۆانىڭ جۇمىستارىنان كورە الدى.
ۋسپەن اۋدانىنىڭ «بالاپان» سابيلەر باقشاسىنىڭ تاربيەشىسى م.ا. ۋاحوۆا «الەمدىك كافە» فاسيليتاسيا تاربيەلەنۋشىلەرىنىڭ وتباسىلارىمەن ءوزارا قارىم-قاتىناستىڭ زاماناۋي ءتۇرىن ۇسىندى.
«پەداگوگتار-بالالار-اتا-انالار: كوپتىلدىلىك جاعدايىندا وتباسىمەن جۇمىس ىستەۋ فورمالارى» تاقىرىبى بويىنشا جۇمىس تاجىريبەسى تۋرالى ەكىباستۇز قالاسىنىڭ №6 «التىن بالىق» كوپتىلدى دامىتۋ ورتالىعىنىڭ پەداگوگ-پسيحولوگى گ. يۋ.گولۋبيەۆا ايتىپ بەردى.
«وزدىگىنەن وقشاۋلانۋ كەزەڭىندە بالانى ۇيدە نەمەن قامتۋ قاجەت؟» تاقىرىبىندا شارباقتى اۋدانىنىڭ سوسنوۆكا جوم جانىنداعى
«دوموۆەنوك» شاعىن ورتالىعىنىڭ تاربيەشىسى ي.ن.گەتمان باياندادى.
دوڭگەلەك ۇستەلگە قاتىسۋشىلار بۇل جۇمىس دەربەس تاجىريبەدە جاڭا ءتيىمدى فورمالار مەن تاسىلدەردى انىقتاۋعا مۇمكىندىك بەرەتىنىن اتاپ ءوتتى.
نۇرمات باعداۋلەت
You Might Also Like
-
قازاق مادەنيەتىندە ىرگەسى ەرتەرەك قالانعان بەلگىلى ءبىر تۇلعالاردى، ەل ارداقتاعان ادامداردى ماداقتاۋ القاتوپ الدىندا ايتىلاتىن بولعان. بۇرىن بۇنداي سوزدەر ولەڭمەن، تولعاۋمەن ايتىلسا، ءقازىر قاراسوزبە...
-
«پاۆلودار دارىنى» بوس ۋاقىتتى قامتۋ جانە بالالاردىڭ دارىندىلىعىن دامىتۋ ورتالىعىمەن تاريح جانە ولكەتانۋ بويىنشا «مەنىڭ ولكەم - ەرتىس ءوڭىرى» قالالىق تۋرنير وتكىزىلدى. ماقساتى...
