InfoHub Logo

 ءبىلىم بەرۋدى دامىتۋدىڭ يننوۆاسيالىق ورتالىعىنىڭ مەكتەپكە دەيىنگى ءبىلىم بەرۋ ءبولىمى ونلاين رەجيمىندە سابيلەر باقشاسى مەن شاعىن ورتالىقتاردىڭ تاربيەشىلەرىنە ارنالعان “ەرتە جاستاعى بالالاردى دامىتۋ مەن الەۋمەتتەندىرۋدىڭ ەرەكشەلىكتەرى” تاقىرىبىندا دوڭگەلىك ۇستەل وتكىزدى دوڭگەلەك ۇستەلگە قاتىسۋشىلار جاس بالالاردى الەۋمەتتەندىرۋ مەن دامىتۋدىڭ وزەكتى ماسەلەلەرىن جانە ولاردى ءارتۇرلى ءىس-شارالار ارقىلى شەشۋ جولدارىن قاراستىردى. جەلەزين اۋدانىنىڭ “بالاۋسا” ورتالىعىنىڭ تاربيەشىسى ب.ج. نۋراحمەتوۆا جانە پاۆلودار اۋدانىنىڭ «ايالا» سابيلەر باقشاسىنىڭ تاربيەشىسى گ.م. راحيمبەكوۆا قازىرگى قوعامدا ەرتە جاستاعى بالالاردىڭ الەۋمەتتەنۋىنىڭ ەرەكشەلىكتەرى تۋرالى ايتىپ بەردى. شارباقتى اۋدانىنىڭ «بالداۋرەن» سابيلەر باقشاسىنىڭ تاربيەشىسى ت.ا. لوبانوۆا جانە العاباس اۋىلىنىڭ ك. كامزين اتىنداعى جوببم جانىنداعى شاعىن ورتالىعىنىڭ تاربيەشىسى س.ت. ايتۋعانوۆا ءوز باياندامالارىندا بالالاردى الەۋمەتتەندىرۋ ۇدەرىسىندە ۇساق موتوريكانى دامىتۋدىڭ ءرولىن اشتى. ۋسپەن اۋدانىنىڭ “بالاپان” سابيلەر باقشاسىنىڭ تاربيەشىسى ش. ي. مولداگازينوۆا ويىن تەحنولوگياسى جانە ەرتەگى تەراپياسى ارقىلى مەكتەپ جاسىنا دەيىنگى بالالاردى ەرتە الەۋمەتتەندىرۋ جونىندەگى جۇمىس تاجىريبەسىمەن ءبولىستى. قاتىسۋشىلار بەلسەندى ادىستەردى قولدانۋ جانە ەرتە جاستاعى بالالاردى الەۋمەتتەندىرۋ جولدارىن «جەلەزين اۋدانىنىڭ №1 نوببم» جانىنداعى «بالاۋسا» شاعىن ورتالىعىنىڭ تاربيەشىسى ش. د. زايكەنوۆا مەن شارباقتى اۋدانىنىڭ اباي قۇنانبايەۆ اتىنداعى جوببم مەكتەپالدى سىنىبىنىڭ تاربيەشىسى گ.ك. اقپايەۆانىڭ جۇمىسىنان كورە الدى. دوڭگەلەك ۇستەلگە قاتىسۋشىلار سەميناردىڭ پراكتيكالىق باعىتتىلىعىن اتاپ ءوتتى، ول ءوز تاجىريبەسىن دامىتۋدىڭ جاڭا ءتيىمدى مۇمكىندىكتەرىن انىقتاۋعا مۇمكىندىك بەرەدى.

باعداۋلەت نۇرمات

---