InfoHub Logo

ەرتەگى الەمىندەگى ەرتەكشى اجەدە قوناقتا
(ۇيىمداستىرىلعان وقۋ - قىزمەتى)
وقۋ - قىزمەت ماقساتى: تاربيەلەنۋشىلەردىڭ وتكەن تاقىرىپ بويىنشا بىلىمدەرىن جۇيەلى، تياناقتاۋ. بالالاردىڭ كوركەم شىعارمالار ارقىلى ءتىل بايلىعىن، اۋىز ەكى سويلەۋىن جانە وقۋ جىلى بويى العان ءبىلىم - بىلىكتەرىن كورسەتۋ.
وقۋ - قىزمەت مىندەتتەرى:
بىلىمدىلىگى: بالالاردىڭ بىلىمگە دەگەن قۇشتارلىعىن ارتتىرا وتىرىپ، وقۋ جىلى بويىندا العان بىلىمدەرىن كورسەتە بىلۋگە قالىپتاستىرۋ.
دامىتۋشىلىعى: بالالاردىڭ ويلاۋ قابىلەتتەرىن دامىتا وتىرىپ، اۋىزشا داعدىلارىن جەتىلدىرۋ، سوزدىك قورلارىن مولايتۋ، سويلەۋ مادەنيەتىن دامىتۋ.
تاربيەلىگى: بالالار ءوز بىلىمدەرىن پايدالانا وتىرىپ كومەكتەسۋگە تاربيەلەۋ.
وقۋ - قىزمەت ءتۇرى: كىرىكتىرىلگەن ءىس - ارەكەت (قمۇق، سويلەۋدى دامىتۋ، كوركەم ادەبيەت، قورشاعان ورتامەن تانىستىرۋ، مۋزىكا).
وقۋ - قىزمەت ءادىسى: ەرتەكشى ءرولى، سۇراق - جاۋاپ، قويىلىم.
قاجەتتى كورنەكىلىكتەر: ەرتەگى ۇيشىگى، جەكە، سيۋجەتتى سۋرەتتەر، قوراپ، سەبەت، ۆازا، ورمان، تج، حاتتاما، اۆتوبۋس ماكەتى، جۇرگىزۋشى - كوندۋكتور كوستيۋمدەرى.

شاتتىق شەڭبەرى:
پسيحولوگيالىق دايىندىق
تاربيەشى: ەكى كوز نە ءۇشىن كەرەك؟
بالالار: جاقسىلىقتى كورۋ ءۇشىن.
تاربيەشى: ەكى قۇلاق نە ءۇشىن كەرەك؟
بالالار: اقىل - كەڭەس تىڭداۋ ءۇشىن.
تاربيەشى: ەكى قول نە ءۇشىن كەرەك؟
بالالار: ەلگە كومەك بەرۋ ءۇشىن.
تاربيەشى: ال جۇرەك نە ءۇشىن كەرەك؟
بالالار: بار جاقسىنى سەزىنۋ ءۇشىن.

ۇيىمداستىرىلعان وقۋ - قىزمەت بارىسى:
بۇگىن بىزدە بالالار ەرەكشە وقۋ - قىزمەتى ۇيىمداستىرىلادى. بۇگىن وقۋ جىلى بويىندا ۇيرەنگەن، مەڭگەرگەن بىلىمدەرىمىزدى ورتاعا سالۋ ءۇشىن ەرتەگىلەر ەلىندەگى ەرتەكشى اجەيگە ساياحاتتاپ قايتايىق. ەرتەگى الەمىنە جەتۋ ءۇشىن اۆتوبۋسقا ءمىنۋىمىز كەرەك. اۆتوبۋستا كىمدەر بولادى؟ جولىمىز ءساتتى بولسىن!
(اۆتوبۋس ءبىر ساتتە توقتاي قالادى. نە بولدى، نەگە توقتادىق؟)
تاربيەشى: بالالار اۆتوبۋس باعدارشامعا توقتادى.
- ورىس تىلىندە قالاي اتايمىز؟ (سۆەتوفور)
- باعدارشامدا نەشە شامى بار؟ (ءۇش شامى بار)
- قىزىل شام جانعاندا نە ىستەيمىز؟ (توقتايمىز)
- سارى شام جانعاندا نە ىستەيمىز؟ (دايىندالامىز)
- جاسىل شام جانعاندا نە ىستەيمىز؟ (جۇرەمىز)
تاربيەشى: كوندۋكتور جولداس اۆتوبۋستىڭ تەلەديدارىن قوسىڭىزشى.
(تەلەديدار قوسىلادى، ودان بالالارعا سۇراقتار قويىلادى)
- ءبىزدىڭ وتانىمىز قالاي اتالادى؟ (قازاقستان رەسپۋبليكاسى)
- ق ر باس قالاسى قاي قالا؟ (استانا)
- ق ر رامىزدەرىن اتاڭدار (گيمن، ەلتاڭبا، تۋ)
(تومەنگى ولەڭ جولدارىن حورمەن ايتۋ)
وتان دەگەن - اتامەكەن،
وتان دەگەن تۋعان جەر.
وتان – انا،
وتان ۇلكەن،
قازاقستان – تۋعان جەر.
(جەكە بالالار تاقپاقتار وقيدى)
كوگىلدىر تۋىم جەلبىرە،
بيىكتەرگە قالىقتاپ.
تۋىم ءۇشىن ماقتانام،
ءانۇرانىم شارىقتاپ.

تاريح بولىپ كەشەگىم،
كوپ جۇمباق شەشەمىن.
ەگەمەن ەلىمە،
ەگە بوپ وسەمىن!

- ءبىزدىڭ قالامىز قالاي اتالادى؟ (ساتبايەۆ)
- بالاباقشامىز قالاي اتالادى؟ (كۇنشۋاق)
- توپتىڭ اتى قالاي اتالادى؟ (بالاپان) سلايد كورسەتىلەدى

تاربيەشى: بالالار، بىزدەر ەرتەكشى اجەيگە كەلىپ تە قالدىق، اۆتوبۋستان تۇسەيىك.
(ەرتەكشى اجە ۇيشىكتە وتىرادى)
ەرتەكشى اجە: قوش كەلدىڭدەر بالالار!
بالالار: سالەمەتسىز بە اجە!
تاربيەشى: ەرتەكشى اجەي بالالار ءسىزدىڭ ەرتەگىلەرىڭىزدى تىڭداۋعا كەلدى.
ەرتەكشى اجە: ءيا، مەن قۋانىشتىمىن. مەنىڭ ەرتەگىلەرىم وزگەشە ەكەنىن بىلەسىڭدەر مە بالالار.
تاربيەشى: اجەي قانداي ەرەكشەلىكتەرى بار ەكەن ايتىڭىزشى.
ەرتەكشى اجە: مەنىڭ ءار ەرتەگىلەرىمنىڭ ارنايى بىلىمدەرىڭدى انىقتايتىن تاپسىرمالارى بار. سول تاپسىرمالاردى ورىنداي الارما ەكەنسىڭدەر بالالار؟
تاربيەشى: ءبىزدىڭ بالالار بارلىعىن بىلەدى، بالالار بىزدەر اجەيدىڭ ەرتەگىلەرىندەگى تاپسىرمالاردى ورىنداي الامىز عوي ءيا؟
بالالار: ءيا، ورىندايمىز.
ەرتەكشى اجە: ولاي بولسا مەنىڭ بىرنەشە ەرتەگىم، مىنا سۋرەتكە قاراپ تانىڭدار، بۇل قاي ەرتەگىدەن؟
بالالار: «قاسقىر مەن جەتى لاق» ەرتەگىسى
تاربيەشى: بالالار ەرتەگىنى مازمۇنداپ بەرەيىك.
بالالار: بۇل سۋرەتتە قاسقىر لاقتاردىڭ اناسى ەشكىنىڭ داۋىسىن سالىپ الداپ ەسىكتى اشقىزىپ، التى لاقتى الىپ كەتەدى. انا ەشكى ۇيگە كەلگەندە پەشتە تىعىلىپ قالعان ءبىر لاقتى تاۋىپ الادى. ول لاقتان نە بولعانىن ءبىلىپ الادى. سوسىن ورمانعا بارىپ قاسقىردى تاۋىپ الىپ لاقتارىن قۇتقارىپ الادى.
ەرتەكشى اجە: ءيا، دۇرىس تاپتىڭدار، بۇل ەرتەگىنىڭ تاپسىرماسى حاتقا سالىنعان بالالار سەندەر ورىنداپ بەرىڭدەرشى.
تاربيەشى: جاقسى حاتتى ماعان بەرىڭىزشى، مەن بالالارعا تۇسىندىرەيىن.
تاپسىرما:
- گەومەتريالىق پىشىندەردى اتاڭدار؟ (شارشى، ءۇشبۇرىش، دوڭگەلەك)
- تۇستەرىن اتاپ بەرىڭدەر؟ (شارشى - قىزىل، ءۇشبۇرىش - سارى، دوڭگەلەك - جاسىل)
- پىشىندەرگە ۇقساس زاتتاردى وسى ورتادان تاۋىپ اتاڭدار.
تاربيەشى: اجەي كوردىڭىز بە بالالار تاپسىرمانى ءاپ - ساتتە ورىنداپ شىقتى.
ەرتەكشى اجە: ءيا، بايقادىم، بالالار اقىلدى ەكەن. ەندى مىنا سۋرەتتەگى ەرتەگىنى تابىڭدار.
بالالار: «باۋىرساق» ەرتەگىسى
تاربيەشى: باۋىرساق كىمدەردەن قاشىپ كەتەدى؟
بالالار: اجە مەن اتادان.
تاربيەشى: بالالار ەرتەگىدە باۋىرساققا نەلەر كەزدەسەدى؟
بالالار: قويان، ايۋ، قاسقىر، تۇلكى.
تاربيەشى: ەرتەگىنىڭ سوڭىندا نە بولادى؟
بالالار: قۋ تۇلكى باۋىرساققا كەزدەسكەندە ءانىن تىڭداعاندا الداپ قۇلاعىم ەستىمەيدى تۇمسىعىما ءمىنىپ ايتشى دەپ، مىنگەندە افف دەپ جەپ قويادى.
ەرتەكشى اجە: باۋىرساق ەرتەگىسىنىڭ تاپسىرماسى مىناداي تىڭداڭدار.
تاپسىرما:
- سانداردى اتاڭدار. (1، 2، 3، 4، 5)
- ساندار تۋرالى ساناماق ايتىپ بەرىڭدەر.
- ۋاقىتتى باعدارلاپ بەرىڭدەر. (تاڭ، كۇندىز، كەش، ءتۇن)
تاربيەشى: اجەي بالالار بۇل تاپسىرمانى دا ورىنداپ بەردى.
سەرگىتۋ ءساتى: (ۆيدەو بويىنشا)
ەرتەكشى اجە: تاماشا دۇرىس تاپتىڭدار، ەندى مىنا سۋرەتتى قاراپ قاي ەرتەگى ەكەنىن تابىڭدار.
بالالار: «قىزىل تەلپەكتى قىز» ەرتەگىسىنەن
تاربيەشى: قىزىل تەلپەكتى قىز قايدا، كىمگە بارادى؟
بالالار: ورمانعا، اجەسىنە.
تاربيەشى: قىزدىڭ الدىنان نە كەزدەسەدى؟
بالالار: قاسقىر.
تاربيەشى: ەرتەگى مازمۇنىن ەسكە تۇسىرەيىكشى.
بالالار: قاسقىر قىزىل تەلپەكتى قىزدان بۇرىن ۇيگە تەز جەتىپ بارىپ اجەنى جۇتىپ قويادى. قىزدى توسىپ جاتادى. ونى ءبىلىپ قويعان قىزىل تەلپەكتى قىز ۇيگە جۇمىسكەرلەردى ەرتىپ كەلىپ اجەسىن قۇتقارىپ قالادى.
ەرتەكشى اجە: ءيا، دۇرىس تاپتىڭدار، قىزىل تەلپەكتى قىز وتە قايىرىمدى ونىڭ بالالارعا ارناپ تاپقان تاپسىرماسى مىنا قوراپتاعى جانۋارلاردى ءوز مەكەندەرىنە ورنالاستىرۋدى سۇرايدى.
تاربيەشى: بالالار ورىندايمىز با؟
بالالار: ءيا، ورىندايمىز، ءبىز جانۋارلارعا كومەكتەسەمىز.
تاپسىرما:
- ءۇي جانۋارلارىن قايدا ورنالاستىرامىز؟ (قوراعا)
- جابايى اڭداردى قايدا ورنالاستىرامىز؟ ( ورمانعا)
- ءۇي قۇستارىن اتاڭدار. (تاۋىق، اتەش، ۇيرەك، قاز، كۇركەتاۋىق)
- دالا قۇستارىن اتاڭدار. (تورعاي، قارعا، ساۋىسقان، كەپتەر، توقىلداق)
تاربيەشى: اجەي بالالار جانۋارلاردى ءوز مەكەندەرىنە اپارىپ، قۇستاردى اتاپ بەردى نە دەيسىز.
ەرتەكشى اجە: بالالار تاپقىر ەكەن. ەندى تاعىدا مىنا سۋرەتتەگى ەرتەگىنى تاۋىپ، تاپسىرماسىن ورىنداسىن.
بالالار: «شۇبار تاۋىق» ەرتەگىسى
تاربيەشى: تاۋىق قانداي جۇمىرتقا تاباتىن ەدى بۇل ەرتەگىدە؟
بالالار: التىن جۇمىرتقا تاپتى.
تاربيەشى: التىن جۇمىرتقانى نە جارىپ كەتەدى؟
بالالار: تىشقان قۇيرىعىمەن جەرگە ءتۇسىرىپ جارىپ تاستايدى.
تاربيەشى: شۇبار تاۋىق اجە مەن اتانى نە دەپ جۇباتادى؟
بالالار: جارىلىپ قالعان جۇمىرتقاعا اجە مەن اتا قامىعىپ قالادى. سوندا تاۋىق ولارعا قامىقپاڭدار مەن سەندەرگە جاي قاجەتتى جۇمىرتقا تاۋىپ بەرەمىن دەيدى. ءسويتىپ تاۋىق كوپتەگەن اق جۇمىرتقالار تاۋىپ قۋانتادى.
ەرتەكشى اجە: بالالار ەرتەگىنى جاقسى بىلەدى ەكەنسىڭدەر. ەندى تاۋىقتىڭ تاپسىرماسىن ورىنداڭدار.
تاپسىرما:
ا) جۇمباق شەشۋ
ءوزى ۇلكەن الدارىڭدا،
جاپسىراسىڭ سۋرەتتى.
ماگنيتپەن قولدانىستا،
كومەكشى قۇرالىمەن. ول نە؟ (تاقتا)
ەرتەگى الەمىندەگى ەرتەكشى اجەدە قوناقتا. جۇكتەۋ