InfoHub Logo

ەرتەڭگىلىك: «انا - ءومىر شۋاعى!"
ساحنا پەردەسى جابىق تۇرادى، ساحنا الدىنا بالالار شىعادى.
1. بالا (الياسقار):
ارمىسىڭدار حالايىق!
بارمىسىڭدار حالايىق!
انالار مەرەكەسىن
بىرگە قارسى الايىق!
 2. بالا(ايزەرە):
ەرتەگى الەمى، نەتكەن ادەمى!
مەرەكە قارساڭىندا بارلىق دوستار جينالدى
قانە بالاقاي بايقاشى، ءمان بەرىپ قاراشى
دوستاردىڭ بارلىعى، ۇلگەردىمە ساناشى.
اسىعا باسىپ، قول ۇستاسىپ
 كەلدى انە بارلىعى!
1. بالا (الياسقار):
ءبىزدىڭ اۋىل تاماشا
ءاربىر ءۇيى بىزگە تانىس
2. بالا(ايزەرە):
تىشقان، مىسىق، ءتيىن دوس
قوزى مەنەن لاق تا دوس
پەردە اشىلادى
( زالدا تىشقان، مىسىق، ءتيىن، ارا، قوزى، لاق كەلىپ ءار قايسىسى ءوز ۇيىندە وتىرادى)
(ەشكى انا شىعىپ كيىمدى ىلەدى.)
ەشكى انا:
مەن كوپ بالالى ەشكى انا
بالالارىن سۇيەتىن
ولاردى ەشكىمگە تيىسكىزبەي
قامقور بولىپ جۇرەتىن
كىم دە كىم لاقتارىمدى رەنجىتسە
مۇيىزىممەن سۇزەمىن
(بالالارىنا قاراپ)
تۇرىڭدار، ويانىڭدار
لاقتارىم، قاراقتارىم،
بالالارىم – شۇناقتارىم
كۇن دە شىقتى جارقىراپ
دەپ بالالارىن ورتاعا بيلەپ الىپ شىعادى.
لاقتارىم، قاراقتارىم،
بالالارىم – شۇناقتارىم
بازاردان سىيلىق اكەلدىم. دەپ، كورزينادان سابىزدەردى الىپ تاراتىپ بەرەدى.
بۇل ءدامدى اس سەندەرگە
مەن كەتتىم دۇكەنگە
اكەلەيىن بازارلىق
ءدامى ءتاتتى سەندەرگە.
- لاقتارىم، سۋپەرماركەتكە كەتتىم، مەن كەلگەنشە ەسىكتى ەشكىمگە اشپاڭدار.
لاق (ايلين): اناشىم اناشىم، بىزدە سىزبەن بارايىقشى
ەشكى انا: سۋپەرماركەتتەن جارتى ساعاتتا كەلەمىن، اقىلدى بولساڭدار بارلىعىڭا سىيلىق اكەلىپ بەرەمىن. ءبىراق ۇمىتپاڭدار، ەسىكتى ەشكىمگە اشپاڭدار. قاسقىر كەلىپ قالۋى مۇمكىن.
لاق (اقىلجان): اناشىم، ۋايىمداماڭىز، ايتقانىڭىزدى ۇمىتپايمىز.
ەشكى انا: مەن كەلگەندە دوموفوننان ءان سالامىن، ءانىمدى ۇمىتپاعان بولارسىڭدار؟
لاقتارىم، قاراقتارىم،
بالالارىم – شۇناقتارىم
بازاردان سىيلىق اكەلدىم.
اشا قويىڭدار ەسىكتى - دەپ دۇكەنگە كەتىپ قالادى.
(لاقتار: ويىنشىق الىپ ويناپ وتىرادى. تاقپاقتارىن ايتادى)
لاق (اجار): كومپيۋتەر ويناعاننان شارشادىم، دالاعا شىعىپ وينايىق
لاق (بيحانىم): انانىڭ ءتىلىن الۋ كەرەك، دالادا قاسقىر بار ەكەنىن ۇمىتتىڭ با؟
لاق (ءايبيبى): وي تاتەلەرىم بۇگىن انالار مەرەكەسى، ويىنشىعىمىزدى جيناپ قويالىق. (ويىنشىقتارىن ورىندارىنا اپارادى)
لاق (نۇريسلام. ا.):
كالەنداردى اشايىق
قىس مەزگىلى كەتىپتى
قوناققا كوكتەم كەلىپتى
انالاردىڭ مەرەكەسى
8ناۋرىز مەرەكە كۇن دەپتى
بي: «لاقتار»
لاق(اقەركە): ۇيىمىزگە تەز بارايىق، سىيلىق دايىندايىق.
( زالعا قاسقىرلار بيلەپ كەلەدى)
وسى كەزدە حابارلاندىرۋ داۋىس ەستىلەدى (اۋديو زاپيس)
تىڭداڭىزدار، تىڭداڭىزدار
ءبىزدىڭ سۋپەرماركەتتە مەرەكەلىك جەڭىلدىكتەر.
قاسقىر: مەرەكە دەيدى، قانداي مەرەكە (ۇلكەن ادام بولادى)
نەدەگەن باسسىزدىق!
قاسقىرلار (الينۇر): 8ناۋرىز انالار مەرەكەسى عوي.
قاسقىر ۇلكەن ادام: وي، وي مۇلدەم بۇل مەرەكەنى ۇمىتىپ كەتىپپىن عوي. قانە مەرەكەگە بىزدە بيلەيىك
دەپ بيلەيدى.
قاسقىر الينۇر: بۇل قۇيماقتىڭ ءيىسى عوي،
قانداي عاجاپ، حوش ءيىس
ءار ءبىر ءۇيدىڭ ىشىندە
مەرەكەلىك ۇلكەن كەش.
 قاسقىر الياسقار: و و و بىزگە ايتپاستان دايىندالىپ جاتىر. كورسەتەمىز ولارعا.
قاسقىر ديماش: سوندا بالالاردى جەيمىز بە؟
قاسقىر (ۇلكەن ادام): وو جوق ءقازىر ءححى عاسىر عوي بالالار ءتاتتى ەمەس قوي، ودان انالارىنان اقى سۇرايىق، بارلىعىن قيراتىپ، سىندىرايىق. دەپ زالدان شىعىپ كەتەدى.
( زالعا مىسىقتار شىعادى.)
تاقپاقتار ايتادى.
مىسىق (امينا): سەگىزىنشى ناۋرىز كەلدى
شاتتىق سەزىم الا كەلدى
قۋانىشتى كۇندە ەندى
قۇتتىقتايمىن سىزدەردى!
مىسىق اديا:
اقىلشىمىز داناشىم
ۇزاق ءومىر ءسۇرىڭىز
اينالايىن اناشىم
الدىمىزدا ءجۇرىڭىز
ەكەۋى بىرگە:
ءبىز مىسىقپىز بۇرالعان
سۇلۋ توپتان قۇرالعان
انالارعا مەيىرىمدى
ءان ارنايمىز كوڭىلدى
ءان: «» (جەكە)
مىسىق اناسى قولىنا سىپىرعىشىن الىپ، اۋلا سىپىرادى. ەشكى انا جولدان ءوتىپ بارادى.
مىسىق انا (جانەل):
سالەم كورشى
ەشكى انا:
سالەم، سالەم
مىسىق انا (جانەل):
سەن ەستىدىڭ بە
اۋلادا قاسقىر جۇر ەكەن
بالالاردى قورعايىق
قاسقىرمەن كەزدەستىرمەۋگە
كۇش سالايىق بىرگە
ەشكى انا:
جارايدى قۇربىم
اسىعىپ بارامىن
سۋپەرماركەتكە
لاقتارىما بازارلىق الامىن
مىسىق انا (جانەل):
ءيا، ءيا جەڭىلدىك بولىپ جاتىر ەكەن عوي.
جارايدى ەرتەڭ كەزدەسكەنشە. دەپ زالدان شىعىپ كەتەدى
(قاسقىرلار زالعا قاراي كەدلەدى، قولىندا گيتارا بار)
قاسقىرلار اندەتەدى:
لاقتارىم، قاراقتارىم،
بالالارىم – شۇناقتارىم
بازاردان سىيلىق اكەلدىم.
اشا قويىڭدار ەسىكتى
انالارىڭ كەلىپ قالدى
لاقتار (ايلين): سەن ءبىزدىڭ انامىز ەمەسسىڭ، سەن قاسقىرسىڭ، دوموفوننان داۋسىڭدى تانىپ قويدىق.
قاسقىر: قالاي ۇيالمايسىڭدار
انالارىڭدى نەگە تانىمادىڭدار
لاقتار (ءايبيبى): دوموفوننان ساعان تىكەلەي ايتىپ تۇرمىز
كەتپەسەڭ پوليسيا شاقىرامىز.
(پوليسيا داۋىسى شىعادى)
قاسقىرلار ەسىك الدىنان قاشادى
قاسقىر الياسقار: وي، پوليسيا، قورىققانىمنان دىرىلدەپ كەتتىم عوي.
قاسقىر ۇلكەن ادام: قورىقپاڭدار، نەگە قورقاسىڭدار. سەندەر قاسقىرلار ەمەسسىڭدەر مە؟ قانە قاسقىرلار كەتتىك مەنىمەن بىرگە.
قاسقىرلار( بىرگە): ءبىز ولارعا سوعىس اشامىز.
(بارلىعى بىرگە شەڭبەر بولىپ اينالىپ شىعىپ كەتەدى)
(زالعا تاۋىقتار - 2تاۋىق اۋەنمەن كىرەدى)
تاقپاقتارىن ايتادى
تاۋىق ايسۇلتان:
انا ءبىزدىڭ كۇنىمىز
انا ءبىزدىڭ گۇلىمىز
ءبىزدى انا قۋانتىپ
ۇزاق ءومىر ءسۇرىڭىز
تاۋىق ب. نۇريسلام:
مەن انامدى سۇيەمىن
قۇشاعىنا ەنەمىن
ماپەلەگەن انامدى
قۋانتسام دەپ كەلەمىن
قاسقىر اقىلجان:
مەن سەندەردى جەيمىن
قارنىم تويسا دەيمىن
ءان ءبيىڭدى توقتات
مەرەكە ءبىتتى دەيمىن
(تاۋىقتار قاشادى، قاسقىر سوڭىنان قۋادى)
ەكى تاۋىق ۇيىنە قاشادى،
قاسقىر، ەسىگىن ۇرىپ تۇرادى: قانە، اشىڭدار ەسىكتى دەپ ايقايلادى
(تاۋىق انا شىعادى)
تاۋىق انا (مارجان):
قاسقىر مەنىڭ اۋلامدا
نەگە ءجۇر اڭدىپ ءۇيىمدى
بالاپاندارىمدى الۋعا
كەلەگەن بولارسىڭ سەن ءتىپتى دەپ اشۋلانادى
قاسقىر الياسقار:
ءۇىڭدى قاراۋىلداپ
بالالارىڭدى قورعاپ
سەندەردى ءجۇرمىز ويلاپ
تاۋىق انا (مارجان):
ءوز جولىڭمەن جۇرە عوي
ءوز ۇيىڭە بارا عوي دەپ ۇيىنە كىرەدى
قاسقىر كەتىپ بارا جاتىپ: ءبىزدى اشۋلاندىردىڭدار - دەپ جۇدىرىعىن كورسەتىپ شىعىپ كەتەدى.
اۋەنمەن بيلەپ تيىندەر شىعادى 4 - ءتيىن
ءتيىن: ءبىز كوڭىلدى ءتيىنبىز
اسەم ءبىزدىڭ ءبيىمىز
انامىزعا ارنالعان
سۋرەتتى دە كورىڭىز
ءتيىن اياجان: بار ىنتامەن، جىگەرمەنەن
ءتۇرلى ءتۇستى قالاممەنەن
سالعان ەدىك اسەم سۋرەت
انامىزعا ۇلكەن قۇرمەت
ءتيىن لەيلا: الدىمەن قىزىل ءتۇستى
قاتتى قاتتى باسقانمىن
قىزىل ءتۇستىڭ ۇستىنەن
كۇلگىن ءتۇستى قوسقانمىن
ءتيىن اقەركە: سارى تۇستپەن بويادىم
جاسىلمەن دە بويادىم
قاراشى قانداي ادەمى
سەبەبى بۇل - انامنىڭ سۋرەتى - دەپ انالارىنا ءتيىننىڭ سۋرەتىن اپارىپ بەرەدى
ءتيىن اناسى امينا: راحمەت، مەن سەندەردى جاقسى كورەمىن دەپ شار سىيلايدى.
بارلىعى ءان ايتادى.
ءان: « ماموچكا» جەكە
ءتيىن انا امينا:
مەنىڭ سۇيكىمدى بالالارىم
ۇيگە تەزىرەك كىرىڭدەر
تىنىشتىقتى ساقتاڭدار
سىرتقى اۋلامىزدا
سۇر قاسقىر دا ءجۇر ەكەن
بالالارى اش ەكەن
قانە ۇيگە بارالىق
مەرەكەنى تويلايىق - دەپ اسىعىپ ۇيلەرىنە كىرىپ كەتەدى.
ساحناعا ارالار شىعادى.
تاقپاقتارىن ايتادى.
ارا ياسينا: قانات قاعىپ ۇشامىز
ءان سالامىز، بيلەيمىز
ارا دەگەن ءسۇپ سۇيكىمدى
وسىندايمىز ءبىلىڭىز.
ارا ا. رايانا:
ۋايىمداما اناشىم
قانات قاقسا بالاشىڭ
قاۋىپتەن دە قورىقپاي
ساق بولادى بالاشىڭ
ارا نۇرىمجان:
مەرەكەدە بۇگىنگى
قۋانتامىز سىزدەردى
قۋان شاتتان الاقاي
قۋاناتىن كۇن كەلدى
ارا انا ايارۋ:
مەنىڭ سۇكىمدى بالالارىم
سامعاپ بيىك ۇشساڭدار دا
قاناتتارىڭ تالماسىن
سىرتقى اۋلامىزدا
سۇر قاسقىر دا ءجۇر ەكەن
بالالارى اش ەكەن
ۇيگە تەزىرەك بارالىق
مەرەكەنى تويلايىق - دەپ ۇيلەرىنە كىرەدى.
ەشكى انا: ولەڭدەتىپ كەلەدى
لاقتارىم، قاراقتارىم،
بالالارىم – شۇناقتارىم
بازاردان سىيلىق اكەلدىم.
اشا قويىڭدار ەسىكتى
لاقتار ورىندارىنان ۇرادى
ەشكى انا:
قاراڭدارشى لاقتارىم
مەن اكەلدىم سەندەرگە
تاتتىلەردى توساپتى
ەرتەڭ بولار جارمەڭكە
دەمالايىق تەزدەتە - دەپ لاقتار دەمالادى (جارىق وشەدى مۋزىكا قوسىلادى)
جارىق جانادى
لاق ا. نۇريسلام:
زال ورتاسىنا شىعىپ
اناشىم سىرتقا شىقپا دەسەدە،
مەن كەلەمىن كوشەدە.
مىسىق شىعا عوي گۇل تەرىپ قايتايىق
ءتيىن دوسىم كەلە عوي بىزگە سەندە ەرە عوي
تاۋىق دوسىم سەندە كەل،
ارالارىم ۇشا عوي
بىزدەرمەن گۇل تەرۋگە - دەپ قول ۇستاسىپ زالدان شىعىپ كەتەدى.
انالار ۇيقىلارىنان ويانىپ بالالارى جوق ەكەنىن بايقاپ
ەشكى انا: بۇل قالاي بولعانى، بالالارىمىز قايدا كەتتى ەكەن، قاسقىرعا جولىعىپ قالماسا بولار ەدى.
ورتاعا قاسقىرلار كەلىپ گۇلدەردى جەرگە شاشادى
قاسقىر ۋلكەن ادام:
مىنا تۇزاق ءساتتى بولدى.
قارنىمىز توياتىن بولدى.
گۇلدەردى جيناپ جاتقاندا
ۇستايىق ولاردى ءبىر - بىردەن دەپ تىعىلىپ وتىرادى
گۇلدەرگە ارالار كەلىپ قونادى.
بي: « ارالار»
زالعا گۇل تەرۋگە كەتكەن بالالار شىعادى
ولار گۇلدەرىن تەرىپ بولعاندا قاسقىرلار شىعادى.
قاسقىرلار ۇلكەن ادام:
ۇستالدىندارما!
گۇلدەردى تەز الىندار
تەك سەندەردە ەمەس
بۇگىن بىزدە دە مەرەكە!
قولدارىنداعى گۇلدەردى تارتىپ الادى
قاسقىر ( قاپتى اشىپ ) ۇلكەن ادام
كەلىندەر مىندا ءبىر - بىردەن
جەيمىز سەندەردى كۇنىمەن
(بالالار جىلايدى)
قاسقىر ديماش: بۇل ايقاي، باسىمدى اۋىرتتىڭدار. جىلاماڭدار دەيمىن.
(بالالار قاتتى جىلايدى)
قاسقىر اقىلجان: دوعارىڭدارشى قانە، قانداي جىلاۋىق ەدىڭدەر. انالارىڭ قالاي شىدايدى؟
وي انالارى قايدااا!
بارلىعىنىڭ انالارى كەلەدى.
ەشكى انا: قاسقىر سەنىڭ بۇل جاساعانىڭ دۇرىس ەمەس.
بۇگىنگى مەرەكەنىڭ شىرقىن بۇزدىڭ.
عاجايىپ ءسات كوكتەم: سالەمەتسىڭدەر مە، بۇل جەردە نە بولىپ جاتىر؟
قاسقىر ۇلكەن ادام: كەشىرىڭدەرشى ءبىزدى، ءبىز ەندى ولاي جاسامايمىز، سەندەرمەن دوس بولامىز.
جۇرگىزۋشى: قاسقىر انالار مەرەكەسىن بىزبەن بىرگە تويلا، بۇل كۇنى بارلىعى ءبىر بىرىمەن دوس بولىپ، كوڭىلدى ءجۇرۋ كەرەك.
قاسقىر ۇلكەن ادام: جارايدى، مەرەكەنى تويلايىق.
جۇرگىزۋشى: انا دەگەن – اسىلى عوي دالانىڭ
انا دەگەن – ساعىنىشى بالانىڭ
بۇل ومىرگە قۋانىشپەن نۇر توككەن،
باس يەمىز الدىندا ءبىز انانىڭ!
بارلىعىمىز انالارعا ءان ايتىپ بەرەيىك
حور:
عاجايىپ ءسات كوكتەم: وي جارايسىڭدار بالالار.
جۇرگىزۋشى: شالقىپ تاسىپ ءانىمىز،
جادىراسىن جانىمىز.
انالاردى قۇتتىقتاپ
بي بيلەيمىز ءبارىمىز.
بالالارىڭ ءبيىن قابىل الىڭىزدار
بي: «8 ناۋرىز»
قاسقىر ۇلكەن ادام: بالالار سەندەر ماعان دوس بلۋدىڭ نە ەكەنىن ۇيرەتتىڭدەر، مەن سەندەرمەن ويناعىم كەلەدى، يەنىمەن ويىن وينايسىڭدار ما؟
بالالار: ءيا
ويىن: «كىم جىلدام»
جۇرگىزۋشى: انا دەگەن – بايتەرەگى ءومىردىڭ،
 انا دەگەن – قۋانىشى كوڭىلدىڭ.
 انا دەگەن – ءاربىر ءۇيدىڭ جىلۋى،
  انا دەگەن – گ ۇلى تۇنعان ءومىردىڭ – دەپ بالالاردىڭ انالارىنا ارنالعان تاقپاقتارىن قابىل الىڭىزدار.
جۇرگىزۋشى: « قارياسى بار ءۇيدىڭ، قازىناسى» دەپ بەكەر ايتپاعان. قازىنالى اجەلەرىمىزدى قۇتتىقتاي وتىرىپ، بالالاردىڭ اجەلەرىنە دەگەن ءان شاشۋىن قابىل الىڭىزدار.
ءان: جەكە
مۋزىكا قوسىلادى زالعا ءرول ۇستاعان بالالار ماشينا ايداپ كەلە جاتقانداي كەلەدى.
جۇرگىزۋشى: قايدا اسىعىپ باراسىڭدار؟
بالالار: انامىزدى مەرەكەمەن قۇتتىقتاۋعا
بي: «دجەنتەلمەندەر»
جۇرگىزۋشى: وي، جارايسىڭدار،
قاسقىر: وي بالالار مەن ورمانداعى دوستارىمدى مەرەكەمەن قۇتتىقتايىن، سەندەرگە راحمەت، ساۋ بولىڭدار.
جۇرگىزۋشى: انا تۇرسا قۇشاققا الىپ بالاسىن،
باقىت، شاتتىق بەلگىسىندەي جاراسىم
قاباعىڭدى كىربىڭ شالماي ومىردە،
قۋانىشقا كەنەلە بەر، اناشىم!
بالالاردىڭ تاقپاقتارىن قابىل الىڭىزدار.
 - ءبارىمىزدىڭ دە انامىز بار، اجەمىز، اپكەمىز بار، قارىنداستارىمىز بار. جىلىنا ءبىر رەت كەلەتىن وسى انالار مەيرامىندا انالارىمىزعا قانداي سىيلىق جاساساق تا جاراسىمدى. ويتكەنى، ءبىزدى ومىرگە الىپ كەلگەن، بىزگە الەمنىڭ جارىعىن سىيلاعان - انامىز ەمەس پە؟ ولاي بولسا، «بال بالا» توبى بالاپاندارىنىڭ وزدەرى دايىنداعان انالارىنا سىيلىقتارىن تابىس ەتۋگە رۇقسات ەتىڭىزدەر.
جۇرگىزۋشى: انالار، قالقىپ باقىت ارالىندا،
لايىم مۇڭ قونباسىن جانارىڭا
وسىمەن كەشىمىزدى اياقتايىق
گۇل ءبىتسىن ءبارىڭىزدىڭ قادامىڭا
انالار، اجەلەر، اپكەلەر مەيرامدارىڭىز قۇتتى بولسىن. سابيلەرىڭىزدىڭ كۇلكىسى ءاربىر شاڭىراققا قۋانىش، باقىت اكەلسىن. انا مەن بالانىڭ مەرەيى ۇستەم بولسىن!!! وسىمەن «بال بالا» توبى بالالارىنىڭ «انا – ءومىر شۋاعى!» اتتى مەرەكەلىك ەرتەڭگىلىگى اياقتالدى. ساۋ بولىڭىزدار!

قىزىلوردا قالاسى، №2 «نۇرشۇعىلا» بالاباقشا تاربيەشىسى
احمەتوۆا پەريزات دۋيسەنبەكوۆنا