ەرتىس تولقىنى
مال شارۋاشىلىعىمەن كۇن وتكىزگەن قازاق حالقىنىڭ ەرتىس بويىن مەكەندەيتىن ءبىر توبى قۇنارلى ولكەنى قۇتتى قونىسقا بالاپ، ۇزاق جىلدارىن سول ارادا وتكىزەدى. ەرتىس بويىنىڭ ءشوبى قۇنارلى، سۋاتى مول بولعاندىقتان ودان الىستاپ كەتە الماي، كۇنگەيىن قىستاپ، تەرىسكەيىن كۇزەپ-جايلاپ دەگەندەي كۇندەردى وتكىزە بەرەدى. كۇزەۋ مەن جايلاۋ وزەننىڭ ءبىر جاق اڭعارىندا، قىستاۋ ءبىر جاق اڭعارىندا بولادى دا ەكەۋىن بولە اعىپ ەرتىس
جاتادى. ەرتىس — ەندى، سۋى اۋقىمدى وزەن. قىستاۋدان جايلاۋعا بارۋ ءۇشىن وزەن سۋى تاسىماي تۇرعاندا ءوتىپ الماسا، ۇساق مال تۇگىل، اتتى كىسىگە جول بەرمەيدى. جىل سايىن ءبىر مەزگىلدە كوشىپ داعدىلانىپ العان اۋىلدار ءبىر جىلى كۇتپەگەن جەردەن قيىنشىلىققا تاپ بولادى. ەل بەيقام وتىرعاندا جاز ەرتە شىعىپ، ساي-سالانىڭ قارى ەرىپ، وزەن ارناسىنان اسىپ-تاسىپ كەتەدى دە، ءدۇيىم ەل وتكەل تابا الماي قامالىپ قىستاۋ جاق ارنانى جايلاپ قالادى. قىستاۋلىق ءورىس قانشا دەگەنىمەن تارلىق ىستەيدى دە جەر كوڭىلدەگىدەي كوكتەمەيدى، تەبىندەگەن كوكتى مال جەپ تاۋىسادى. مال جازدان دا جاراسىمدىق سەمىزدىك الا المايدى. بۇل ازداي-اق، سول جىلى قىس قاتتى بولىپ، قار قالىڭ تۇسەدى. وسىلايشا يۋ-قيۋى سايكەسەدى دە، ەل-جۇرت كوپتەگەن مالىن جۇتاتىپ الادى.
مالدىڭ جۇتاۋىن، جايلاۋعا وتە الماي قالعانىن ەل ءوزىمىزدىڭ بەيعامدىعىمىزدان بولدى دەمەيدى. ەرتىستىڭ تولقىنىنان بولدى، — دەيدى. قىرۋار شىعىنعا ۇشىراتقان ەرتىستىڭ اق وركەش تولقىندارىن كۇيگە قوسادى.
You Might Also Like
-
ءبىر بايدىڭ قىزىن ۇزاتقاندا قىزدىڭ مال-مۇلىك جاساۋىنا قوسىپ ءبىر كەدەيدىڭ دومبىراشى جالعىز قىزىن كۇڭ رەتىندە شاڭىراققا مىنگىزىپ بەرەدى. باي بيلىگىنە قارسى تۇرار دارمەن جوق، اتا سالتىن بۇزارعا قاقىسى ...
-
ءبىر بايدىڭ جالعىز وسكەن ەركە توتاي قىزى بولىپتى. ءومىر تاقىرشىلدىعىن كورمەگەن. مول دۇنيەنىڭ كەڭ ورتاسىندا شالقىپ وسكەن قىزدىڭ سۇلۋلىعىنا كەربەزدىگى ساي كەلىپتى-مىس. سۇلۋ قىزعا ءدۇيىم ەلدىڭ تالاي بايى...
