InfoHub Logo

بىردە اقساق تەمىر ءاقشاعارعا كەلگەن سوڭ، ءشاھاردىڭ يگى جاقسى ادامدارىن ماجىلىسكە شاقىرادى. قانجىعاسىنان قان تامعان قاھارلى ءامىرشىنىڭ الدىندا ولار قاققان قازىقتاي بوپ ۇرەيلەنىپ، مەلشيىپ تۇرىپ قالادى. ءشاھار تورەلەرىنىڭ ابىرجىپ قالعانىن سەزىپ، اقساق تەمىر ءسوزدى ءوزى باستايدى.

قوناقتارعا ءشاربات سۋسىنىن اكەلىڭدەر، — دەپ ءامىر ەتەدى. ارينە، ءشاربات ءدامىن ەڭ الدىمەن تەمىردىڭ ءوزى تاتادى. سول كەز دە دۋانباسى ءجون-جوسىقتى بىلە بەرمەيتىن، تاياز ادام ەكەن، «بارەكەلدى، سىزگە دەنساۋلىق تىلەپ ءبىز دە الىپ جىبەرەيىك» دەۋدىڭ ورنىنا:

— قوش كەلىپسىز! — دەپ مىڭق ەتسە كەرەك. العاشقى جولىققاندا ايتىلاتىن سالەمدەسۋدىڭ ءقازىر ايتىلعانىنا اڭ-تاڭ قالىپ، تەمىر دۋانباسىنا سۇستانا قارايدى. بەيشارا تاعى بىردەڭە ايتىپ، ءبۇلدىرىپ الار ما ەكەن دەپ، دۋانباسىنا جانى اشىپ قوجا اڭگىمەگە كەپ ارالاسادى.

— تاقسىر، ءبىزدىڭ ءشاھاردىڭ ءداستۇرى بويىنشا، ەسەن-ساۋلىق داستارقان باسىندا سۇرالادى. «ات-كولىگىڭىز امان، قوش كەلىپسىز» دەپ تە سوندا ايتىلادى، — دەپتى قوجا.

قوجانىڭ سوزىنەن سوڭ اقساق تەمىردىڭ اشۋى تارقاپ، كوڭىلى ساباسىنا ءتۇسىپتى.

 

---