قازاقستاندا 130 ۋنيۆەرسيتەتتىڭ 20-سى جابىلۋى مۇمكىن
ەلىمىزدە 130 جوو بار، ولاردىڭ سانى قىسقارۋى مۇمكىن. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر جوو اسسوسياسيالار پرەزيدەنتى راحمان الشانوۆ ايتتى.
«مىسالى، ماشينا جاساۋ ماماندىعىنا 1000 گرانت بەرەدى، ال كەرەگى - 200 بولۋى مۇمكىن. بۇل جەردە ءبارى قانداي ماماندىق قاجەت ەكەنىنە بايلانىستى. ءار سالانىڭ ەرەكشەلىگىن، سۇرانىسقا يە ەكەنىن ەسكەرە كەلە، 130 جوو-نىڭ 15-20-سى قىسقارۋى نەمەسە جابىلۋى مۇمكىن»، - دەيدى راحمان الشانوۆ.
سونداي-اق، ق ر جوو رەكتورلار كەڭەسى ءتوراعاسى ەرلان سىدىقوۆ ستۋدەنتتەر سانى قىسقارمايتىنىن ايتتى.
«ستۋدەنتتەردىڭ سانى قىسقارمايدى. جوعارى ءبىلىم العىسى كەلەتىن، سوعان ىنتالى ازاماتتاردىڭ كوپ بولۋى ەلىمىزدىڭ بولاشاعى ءۇشىن ماڭىزدى. ەجەلدەن قازاق قوعامىندا بالاسىن وقىتۋعا، ونىڭ ءبىلىمىن شىڭداۋعا ىنتا جوعارى بولعان. بۇل ىنتانى ءبىز پايدالانۋىمىز كەرەك، سوندىقتان بۇل جەردە ستۋدەنتتەردى قىسقارتۋ ماسەلەسى جوق. ءبىز تەك تالاپقا ساي ەمەس جوعارى وقۋ ورىندارىن قىسقارتۋ بويىنشا ۇسىنىستار بەرۋىمىز شارت»، - دەيدى ول.
You Might Also Like
-
بىردە اقساق تەمىر ءاقشاعارعا كەلگەن سوڭ، ءشاھاردىڭ يگى جاقسى ادامدارىن ماجىلىسكە شاقىرادى. قانجىعاسىنان قان تامعان قاھارلى ءامىرشىنىڭ الدىندا ولار قاققان قازىقتاي بوپ ۇرەيلەنىپ، مەلشيىپ تۇرىپ قالادى. ...
