tengrinews.kz
ەسەپشى ويىنقۇمارلىققا سالىندى: 100 ميلليون تەڭگەدەن استام قارجىنى قۇمار ويىنعا جانە جاڭا كولىككە جۇمسادى
باتىس قازاقستان وبلىسىنداعى مەملەكەتتىك مەكەمەنىڭ ەسەپشىسى ويىنقۇمارلىققا سالىنعاندىقتان، 118 ميلليون تەڭگە بيۋدجەت قاراجاتىن ۇرلاپ، ونىڭ ءبىر بولىگىنە جاڭا كولىك ساتىپ العان.
بۇل تۋرالى Infohub.kz اقپارات اگەنتتىگى حابارلايدى.
وبلىستىق پروكۋراتۋرانىڭ باسپا ءسوز قىزمەتىنىڭ مالىمەتىنشە، كاسىپورىن قىزمەتكەرى اقشانى «1XBet» بۋكمەكەرلىك كەڭسەسىندەگى قۇمار ويىندارىنا جۇمساعان. جالپى مەملەكەتكە كەلتىرىلگەن شىعىن 118 ميلليون تەڭگەگە جەتكەن.
قىلمىستىق ءىس قوزعالدى
بۇل دەرەك بويىنشا، بوتەن مۇلىكتى اسا ءىرى مولشەردە زاڭسىز يەمدەنۋ فاكتىسى بويىنشا سوتقا دەيىنگى تەرگەۋ باستالدى. قازىرگى تاڭدا كۇدىكتى قاماۋعا الىنىپ، تەرگەۋ يزولياتورىنا توعىتىلدى. ول ساتىپ العان كولىككە دە تىيىم سالىندى.
پروكۋراتۋرا ورگاندارى 2025 جىلى ايماقتا 16 مەملەكەتتىك قىزمەتكەردىڭ قۇمار ويىندارعا قاتىسقانى ءۇشىن جۇمىستان بوساتىلعانىن ەسكە سالدى.
-
قازاقستان مەن قىرعىزستان اراسىنداعى جەردى جالعا الۋ تۋرالى كەلىسىمگە قول قويىلدى. بۇل كەلىسىم بويىنشا قازاقستانعا 49 جىلعا 58،8 گەكتار جەر بەرىلەدى.
-
قازاقستاننىڭ باسەكەلەستىكتى قورعاۋ اگەنتتىگى FlyArystan اۋە كومپانياسىنىڭ جول جۇك اسىپ كەتۋىنە بايلانىستى ءبىرىڭعاي اقى الۋ تاجىريبەسىن تەكسەرىپ جاتىر.
