InfoHub Logo

قازاقستان مەن قىرعىزستان اراسىنداعى جەردى جالعا الۋ تۋرالى ماڭىزدى كەلىسىمگە قول جەتكىزىلدى. بۇل كەلىسىم بويىنشا قازاقستانعا 49 جىلعا 58،8 گەكتار جەر بەرىلەدى.

بۇل تۋرالى Infohub.kz اقپارات اگەنتتىگى حابارلايدى.

كەلىسىمگە سايكەس، قازاقستانعا ىستىقكول وبلىسىنىڭ اۋماعىنداعى كۋرورتتىق-رەكرەاسيالىق نىساندارعا قاتىستى مەنشىك قۇقىقتارىن رەتتەۋ تۋرالى كەلىسىم ۇزارتىلدى. بۇل كەلىسىم 2029 جىلدىڭ سوڭىنا دەيىن نىسانداردى (بازالاردى قوسپاعاندا) 3-4 جۇلدىزدى ءقوناقۇي دەڭگەيىنە دەيىن جاڭارتۋ مىندەتتەرىن قامتيدى. ەلدەر اراسىنداعى كەلىسىم العاش رەت 2006 جىلدىڭ 4 شىلدەسىندە جاسالعان بولاتىن.

ينۆەستيسيا تارتۋ جانە نىسانداردى جاڭارتۋ

سەنات دەپۋتاتى نۇريا نيازوۆانىڭ ايتۋىنشا، تاراپتار قازاقستانعا ينۆەستورلار تارتۋعا جانە بەرىلگەن اۋماقتاعى نىسانداردى بۇزۋعا رۇقسات بەرۋگە كەلىسكەن. كەلىسىمدە قازاقستاننىڭ ءتورت نىسانعا مەنشىك قۇقىعى بەلگىلەنگەن: «قازاقستان» ءساناتورييى، «سامال» دەمالىس ءۇيى، «ۋنيۆەرسيتەت» سپورتتىق-ساۋىقتىرۋ لاگەرى جانە «وليمپ» سپورتتىق-ساۋىقتىرۋ ورتالىعى.

«قازىرگى ۋاقىتتا پرەزيدەنتتىڭ ءىس باسقارماسى ىستىقكول كولىنىڭ جاعالاۋىندا «قازاقستان» ءساناتورييىن سالۋ بويىنشا ينۆەستيسيالىق جوبانى جۇزەگە اسىرۋدا. ونى تاپسىرۋ مەرزىمى – شامامەن 2026 جىلدىڭ 4-توقسانى. سونداي-اق، ساناتوريي اۋماعىنداعى بارلىق عيماراتتار مەن قۇرىلىستاردى بۇزۋ قاراستىرىلعان. تەك دىنمۇحامەد احمەت ۇلى قونايەۆتىڭ №1 جەكە ءۇيى تاريحي-مادەني مۇرا رەتىندە ساقتالىپ، مەموريالدىق-ۇي مۇراجايىنا اينالادى»، – دەدى نۇريا نيازوۆا.

جەردى جالعا الۋ شارتى

ەكىنشى قۇجات – قازاقستان مەن قىرعىزستان ۇكىمەتتەرى اراسىنداعى 2009 جىلعى 1 جەلتوقسانداعى ىستىقكول وبلىسىنىڭ ىستىقكول اۋدانىنداعى جەر ۋچاسكەلەرىن قازاقستانعا جالعا بەرۋ تۋرالى شارت. بۇل شارت قازاقستانعا جەردى جالعا الۋ قۇقىعىن بەرەدى.

«شارتقا سايكەس، قازاقستانعا جالپى اۋدانى 58،8 گەكتار بولاتىن جەر ۋچاسكەلەرى 49 جىل مەرزىمگە ۋاقىتشا، اقىلى نەگىزدە پايدالانۋعا (جالعا الۋعا) بەرىلدى»، – دەپ ءتۇسىندىردى دەپۋتات.

ونىڭ ايتۋىنشا، قىرعىزستان تاراپى جالعا الىنعان نىسانداردىڭ قول سۇعىلماۋشىلىعىنا كەپىلدىك بەرىپ، ولاردى مەملەكەت مەنشىگىنە الۋعا باعىتتالعان ارەكەتتەردەن باس تارتۋعا مىندەتتەنەدى.