InfoHub Logo

سىنىپ: 6
ساباقتىڭ تاقىرىبى: ەسىمدىكتەن وتكەندى قايتالاۋ
ساباقتىڭ ماقساتى:
1. بىلىمدىلىك: وقۋشىلاردىڭ ەسىمدىكتەن العان بىلىمدەرىن سارالاۋ، تەكسەرۋ، تياناقتاۋ، پىسىقتاۋ، تەوريالىق ءبىلىمىن پراكتيكامەن ۇشتاستىرۋ، قورىتىندىلاۋ؛
2. دامىتۋشىلىق: ءار ءتۇرلى جاتتىعۋ جۇمىستارى ارقىلى ويلاۋ قابىلەتىن، ءوز بەتىنشە ىزدەنۋگە، تابۋ، قيالداۋ، وي قورىتۋ، ءوز ويلارىن دالەلدەي ءبىلۋ داعدىلارىن شىڭداۋ، ساۋاتتى جازۋعا داعدىلاندىرۋ؛
3. تاربيەلىك: وقۋشىلاردى سىيلاستىققا، ءبىر – ءبىرىنىڭ پىكىرىن تىڭداۋعا، ادامگەرشىلىك اسىل قاسيەتتەرگە، ەلىنە دەگەن سۇيىسپەنشىلىككە تاربيەلەۋ؛
كورنەكىلىگى: قاناتتى سوزدەر، ماقال – ماتەلدەر، تىرەك سيگنالدارى، گرافوپروەكتور، ديكتوفون.
ساباق ءتۇرى: قايتالاۋ
ساباق ءتيپى: ءبىلىمدى بەكىتۋ
ءادىسى: سۇراق – جاۋاپ، تالداۋ، جاتتىعۋ، تەست
ءپانارالىق بايلانىس: ادەبيەت، مۋزىكا؛

ساباقتىڭ بارىسى:
ءى. ۇيىمداستىرۋ
1. وقۋشىلارمەن امانداسۋ؛
2. كەزەكشى مالىمەتى؛
3. وقۋشىلاردىڭ زەيىنىن ساباققا اۋدارۋ؛

ءىى. ءۇي تاپسىرماسىن تەكسەرۋ
ۇيگە بەرىلگەن جاتتىعۋ جۇمىستارىن قاراپ شىعۋ

ءىىى. ماقسات قويۋ كەزەڭى
ءىۇ. ساباقتى قايتالاۋ، بەكىتۋ: «جۇمىلا كوتەرگەن جۇك جەڭىل» - ماقالدىڭ ءمانىن اشۋ، بۇگىنگى ساباقتى بارلىعىمىز بىرلەسە، جۇمىلا وتىرىپ وتكىزۋگە ات سالىسايىق.
1. «جاۋاپ بەر»: وتكەن ساباقتاردان العان بىلىمدەرىن سۇراق – جاۋاپ
ارقىلى تەكسەرەمىن:
ا) قازاق تىلىندە قانشا ءسوز تابى بار؟
ءا) قانداي ءسوز تاپتارىمەن تانىستىق؟
ب) ەسىمدىك دەگەنىمىز نە؟
ۆ) ەسىمدىكتەر قۇرامىنا قاراي نەشەگە بولىنەدى؟
گ) ەسىمدىكتىڭ قانداي ماعىنالىق تۇرلەرىن بىلەسىڭ؟
د) ەسىمدىكتەردىڭ ەملەسى تۋرالى ايت.

2. دەڭگەيلىك تاپسىرمالار بەرىلەدى:
ءى دەڭگەي: «تالداپ كورسەت»: تومەندەگى سويلەمدەرگە سينتاكسيستىك تالداۋ جاسا، استى سىزىلعان سوزگە فونولوگيالىق تالداۋ جاسا، ەسىمدىكتىڭ قۇرامىنا، ماعىناسىنا تالدا:
مىسالى: مەن جازبايمىن ولەڭدى ەرمەك ءۇشىن (اباي).
بۇل ۇرىستا تولەگەن ەرەكشە ەرلىك كورسەتتى.
ءار وقۋشى ءوز مىندەتىن جاقسى اتقارىپ ءجۇر.
ءىى دەڭگەي: وقۋلىقپەن جۇمىس: جاتتىعۋ جۇمىستارىن ورىنداۋ: 211 – جاتتىعۋ – اۋىزشا؛ 212 – جاتتىعۋ – جازباشا، ەسىمدىكتى ماعىناسىنا اجىراتۋ؛ 213 – جاتتىعۋ – ەسىمدىكتىڭ ماعىناسىن انىقتاۋ، ءتۇبىرىن تابۋ؛
ءىىى دەڭگەي: «كىم كوپ بىلەدى؟» - ماقال – ماتەل، جۇمباق، جاڭىلتپاش، ولەڭ شۋماعىنان ءۇزىندى ايتۋدان جارىس، ەسىمدىكتەردى تابۋ؛
ءىV دەڭگەي: ەسىمدىكتەردىڭ تۇرلەنۋىنە مىسالدار كەلتىرۋ
V دەڭگەي: سوزدىك ديكتانت الۋ(وقىلعان سوزدەردەن تەك ەسىمدىكتەردىڭ استىن سىزۋ، قاتەلەرىن گرافوپروەكتور ارقىلى تەكسەرتۋ، وزدەرىنە باعالاتۋ)
مەن، سەن، ورىندىق، ۇستا، كىلەم، سەندەر، بۇل، وسى، مىنا، ءاربىر، كىمدى، نە، الدەكىم، قۇلىن، كەزەكشى، كەيبىر، باستىق، ءارقالاي، ءموپ – ءمولدىر، ءارقاشان، جيىرما بەس، ءوز، جەتى، مىنە، ول، قانداي.
Vءى دەڭگەي: 1. ديكتوفوننان ءماتىن تىڭداتۋ، ەسىمدىكتەردى تەرىپ جازىپ وتىرۋ:
اۋىل جانىندا وزەن بار. ونى قاشان كورسەڭ دە مولدىرەپ جاتادى. تۇبىندە مالتا تاستارى بار، لاي بولمايدى. اۋىل بالالارى سول وزەننىڭ باسىندا. ونىڭ جاعاسىندا تۇرعان اۋىل بالالارى سۋعا جۇزگىش كەلەدى. ولار وزەننەن بالىق تا اۋلايدى. وزەندە قانشا ۋاقىت بولسا دا قىزىعىنا ءبىر تويمايدى.

V. ساباقتى قورىتىندىلاۋ: تەست تاپسىرمالارىمەن جۇمىس(10 سۇراق):
1. سىلتەۋ ەسىمدىگى قايسىسى؟
ا) سول
ۆ) مەن
س) كىم
د) ەشكىم
2. وزىندىك ەسىمدىك قايسىسى؟
ا) ۇزەڭگى
ۆ) ءوزىمىز
س) جاقسىلار
د) ارتىنان
3. وزىندىك ەسىمدىگى بار تىركەس قايسىسى؟
ا) مەنىڭ ەلىم
ۆ) ءوز ەلىم
س) ەل مەن جەر
د) ەل ءىشى
4. سۇراۋ ەسىمدىگىن كورسەت
ا) اقىل
ۆ) ءۇمىت
س) قايدا
د) وقىت
5. سىلتەۋ ەسىمدىگىن كورسەت:
ا) سوناۋ
ۆ) كەيبىرەۋ
س) ەشكىم
د) مەن
6. بولىمسىزدىق ەسىمدىكتى تاپ:
ا) ەشقايسىسى
ۆ) اسەمپاز
س) الدەقايدا
د) كىم
7. ەكى تۇبىردەن بىرىگىپ جاسالاتىن ەسىمدىكتى كورسەت:
ا) بەلگىسىزدىك
ۆ) جالپىلاۋ
س) جىكتەۋ
د) سىلتەۋ
8. جىكتەۋ ەسىمدىگىن تاپ:
ا) كىمدەر
ۆ) ءاربىر
س) ءبىز
د) ءوزىمىز
9. جالپىلاۋ ەسىمدىگىن تاپ:
ا) ءوزىم
ۆ) بۇكىل
س) نەشىنشى
د) ەشبىر
10. بەلگىسىزدىك ەسىمدىگى بار تىركەستى كورسەت:
ا) كەيبىر جىگىت
ۆ) ەشبىر دىبىس
س) بۇكىل الەم
د) قانشا ادام

Vءى. ۇيگە تاپسىرما: ا) «ءارقاشان كۇن سونبەسىن» ولەڭىنە قارا سوزبەن شاعىن شىعارما جازۋ؛
ءا) ەسىمدىكتەن وتكەندى قايتالاۋ؛
Vءىى. وقۋشىلاردىڭ ءبىلىمىن باعالاۋ (بەرىلگەن تاپسىرمالار وقۋشىلاردىڭ ەركىن سويلەۋىنە، ەسىمدىكتەردى جىلدام تابۋعا، ماعىنالىق تۇرلەرىنە اجىراتۋعا ۇلەسى زور بولدى. بۇكىل سىنىپ بولىپ ەڭبەك ەتتى، ءبىرى بىلمەگەندى ەكىنشىسى تولىقتىردى.)