تۋرار كازانگاپوۆ
ەسكى 10 000 تەڭگە بانكنوتتارىن قولدانۋ مەرزىمى ۇزارتىلدى
ۇلتتىق بانك 10 000 تەڭگەلىك بانكنوتتاردىڭ اينالىم مەرزىمىن ۇزارتتى. ەندى بۇل اقشا بەلگىلەرىن 2027 جىلدىڭ ماۋسىمىنا دەيىن قولدانۋعا بولادى. بۇل تۋرالى ۇلتتىق بانكتىڭ باسپا ءسوز قىزمەتىنە سىلتەمە جاساپ Infohub.kz حابارلادى.
بۇل شەشىم قازاقستان قارجىگەرلەر قاۋىمداستىعىنىڭ ۇسىنىسى نەگىزىندە قابىلداندى. جاڭا شەشىمگە سايكەس، ەسكى ۇلگىدەگى بانكنوتتاردى ەسەپ ايىرىسۋلاردا قوسىمشا ءبىر جىل بويى پايدالانۋعا مۇمكىندىك بەرىلەدى. سونىمەن قاتار، ولاردى جاڭا ۇلگىدەگى بانكنوتتارعا كەزەڭ-كەزەڭىمەن اۋىستىرۋ جۇمىستارى جالعاسادى.
جاڭا ۇلگىدەگى بانكنوتتار
ۇلتتىق بانك «ساك ءستيلى» اتتى جاڭا سەرياداعى بانكنوتتاردى كەزەڭ-كەزەڭىمەن شىعارۋدى جالعاستىرۋدا. بۇل پروسەسس ەسكى ۇلگىدەگى بانكنوتتاردى جاڭالارىنا الماستىرۋدى قامتاماسىز ەتەتىن اينالىم تەتىگىن قولدانۋ ارقىلى جۇزەگە اسىرىلادى.
«اينالىم مەرزىمى اياقتالعاننان كەيىن بارلىق بانكتەر مەن «قازپوشتا» اق ەسكى ۇلگىدەگى بانكنوتتاردى جاڭا ۇلگىدەگى بانكنوتتارعا 3 جىل بويى، ال ۇلتتىق بانك فيليالدارى مەرزىمسىز اۋىستىرىپ وتىراتىنىن اتاپ وتەمىز»، - دەپ حابارلادى ۇلتتىق بانك.
ەسكە سالا كەتەيىك، اينالىمداعى جاڭا جانە ەسكى ۇلگىدەگى بانكنوتتاردىڭ ەكەۋى دە زاڭدى تولەم قۇرالى بولىپ تابىلادى. ولار قازاقستاننىڭ بارلىق اۋماعىندا بارلىق تۇردەگى تولەمدەر مەن اۋدارىمدار، بانك شوتتارىنا ەسەپكە الۋ ءۇشىن ءوز قۇنى بويىنشا قابىلدانۋعا مىندەتتى.
بۇعان دەيىن 10 000 تەڭگەلىك ەسكى بانكنوتتاردىڭ اينالىم مەرزىمىن ءبىر جىلعا ۇزارتۋ جوسپارلانعانى حابارلانعان بولاتىن. بۇل تۋرالى ۇلتتىق بانك ءتوراعاسى تيمۋر سۇلەيمەنوۆ جۋرناليستەرگە بەرگەن سۇحباتىندا ايتقان ەدى.
-
مەملەكەتتىك كىرىستەر كوميتەتى جەكە تۇلعالاردىڭ ناقتى تابىسىن انىقتاۋ ءۇشىن جۇيەلەردى بىرىكتىرەدى. بۇل شارالار نەگىزىنەن اليمەنت تولەمەۋشىلەرگە جانە باسقا دا بەرەشەكتەرى بار ازاماتتارعا قاتىستى بولادى.
-
Holders of older 10،000 tenge banknotes in Kazakhstan will have more time to use them، with the National Bank extending their circulation period.
