ەت سۇرلەۋدىڭ ادىستەرىن بىلەسىز بە؟
اتا-بابالارىمىز قاشاندا ەرتەدەن ەتتىڭ ۇزاق ساقتالۋىن بىلسە كەرەك. ونىڭ ۇستىنە، جاس ەتتەن گورى ءسۇر ەتتىڭ پايداسى ايتارلىقتاي ەكەنى ءيسى قازاققا انىق.
قازاقستاننىڭ ءار وبلىسىندا ەتتى وزىنشە سۇرلەيدى، وسى تۇرعىدا ونى ساقتاپ، سۇرلەۋدىڭ ءتۇرلى تاسىلدەرىمەن تانىستىرۋدى ءجون كورىپ وتىرمىز.
تۇزداپ سۇرلەۋ
سوعىمنىڭ سۇرپى ەتى عانا ەمەس، قازىسى مەن قارتاسى، جالى مەن جاياسى، ومىرتقاسى مەن ءتوس ەتى دە سۇرلەنەدى. ەتتى كۇن كوزىنە تيگىزبەي، سالقىن جەردە كەپتىرىپ الۋ كەرەك.
قارىن-سۇرمە
قارىن-سۇرمە ءتاسىلى ەتتى قارىنعا تىعىپ ساقتاۋ ارقىلى جۇزەگە اسادى. مۇندا سيىردىڭ نەمەسە قويدىڭ ەتىن تۇزداپ، قارىنعا سالعاندا وزىنە سىڭەدى.
مالدى ءۇيىتىپ ساقتاۋ
تەرىسىن سىپىرماي، ءۇيىتىپ الىپ ساقتايدى. مۇنداي ەت وتە ءدامدى بولادى.
ۇن ىشىندە سۇرلەۋ
قازى-قارتا، جال-جايا سىندى باعالى ەتتەردى وسىلاي ساقتاعان. ۇننىڭ ىشىنە ەت تەرەڭىرەك سالىنىپ قويىلادى.
قايناتىپ الىپ كەپتىرۋ
جاس ەتكە تۇز سىڭگەن سوڭ ونى قازاندا ءبىر قايناتىپ الىپ، كەپتىرەدى. ەتتى جۇقالاپ قاقتايدى، كەشكى سالقىندا ءىلىپ قويۋ كەرەك.
ىستاپ سۇرلەۋ
ىستاپ سۇرلەگەندە وتتى بىقسىتادى. سوسىن ەتتەردى شوشالا ىشىندە سارعىش تۇتىندە ىستايدى. ەتتى شوشالاعا ءىلىپ، تۇتىندە ىستاۋ قاجەت ەتىلەدى، ءبىراق، ىستاۋدىڭ وزىندىك مولشەرى بولعانى ءجون.
ال، ءسىز ەت سۇرلەگەندە قاي ءادىستى قولداناسىز؟
You Might Also Like
-
ۇلكەن ىزدەنىس پەن ءىلىمدى قاجەت ەتەتىن اۋدارما كىتاپتاردىڭ قاي عاسىردا بولماسىن دارەجەسى جوعارى. اۋدارماشى اۆتوردىڭ دا ماقساتى – وزگە ءتىلدى مەڭگەرىپ، اۋدارا سالۋ ەمەس، اۆتوردىڭ كۇيىن...
