ەۋرازيا ۋنيۆەرسيتەتى 3 جاڭا ماماندىق بويىنشا ماگيسترلەردى دايىنداۋعا كىرىستى
استاناداعى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى يندۋستريالدىق-يننوۆاسيالىق دامۋ مەملەكەتتىك باعدارلاماسى اياسىندا بيىل 3 جاڭا «بيوتەحنولوگيا»، «راديوتەحنيكا، ەلەكترونيكا جانە تەلەكوممۋنيكاسيا»، «جىلۋ ەنەرگەتيكاسى» ماماندىقتارى بويىنشا ماگيسترلەردى دايىنداۋعا كىرىستى.
بۇعان دەيىن جوعارعى وقۋ ورنى «قۇرىلىس ماتەريالدارى، بۇيىمدار مەن كونسترۋكسيالارى ءوندىرىسى»، «عارىشتىق تەحنيكا جانە تەحنولوگيالار» ماماندىقتارى بويىنشا مامان دايىنداۋدى قولعا العان بولاتىن. بۇل تۋرالى بۇگىن ەل جۇرتشىلىعى، قوعام جانە ب ا ق وكىلدەرى، ۋنيۆەرسيتەت ۇجىمى مەن ستۋدەنتتەرى الدىندا ەسەپ بەرگەن ل.ن.گۋميليەۆ اتىنداعى ەۇۋ رەكتورى ەرلان سىدىقوۆ ءمالىم ەتتى.
ءقازىر وسى جاڭا ماماندىقتاردى ساپالى دايىنداۋعا مۇمكىندىك بەرەتىن جالپى سوماسى 449 104 مىڭ تەڭگە بولاتىن «قۇرىلىس ماتەريالدارى مەن بۇيىمدارى زەرتحاناسى»، «شاعىن عارىشتىق اپپاراتتار زەرتحاناسى» قۇرىلدى. ولار بىرەگەي قۇرىلعىلارمەن جابدىقتالعان. مۇنى فيزيكا، نانوتەحنولوگيا، فيزيكالىق جانە ساراپتامالىق حيميا، بيوتەحنولوگيا سياقتى ءپانارالىق سالالاردا قولدانۋعا بولادى. وسى جىلدىڭ سوڭىنا دەيىن تاعى ەكى زەرتحانا اشۋ جوسپارلانىپ وتىر. بۇل ماماندىقتاردا 579 ماگيسترانت ءبىلىم الادى. ولار الەمدىك ۋنيۆەرسيتەتتەردىڭ ستاندارتتارىنا سايكەس تاجىريبەگە باعىتتالعان ءبىلىم باعدارلامالارى نەگىزىندە وقيدى. ءبىلىم باعدارلامالارىن ىسكە اسىرۋعا وڭتۇستىك كورەيا، تۇركيا، جۇڭگو، پولشا، گەرمانيا سەرىكتەس جوعارى وقۋ ورىندارى قاتىسادى.
You Might Also Like
-
ق ر پرەزيدەنتىنىڭ پاۆلودار وبلىسىنا ساپارى بارىسىندا پاۆلودار مەملەكەتتىك ۋنيۆەرسيتەتىنىڭ (پمۋ) ستۋدەنتتەرى وزدەرىنىڭ بيزنەس-جوبالارىن تانىستىردى.
-
ەڭ العاش سىرىڭكە 1833 جىلدىڭ 10 ساۋىرىندە ويلاپ تابىلعان. سول كەزدە سىرىڭكەنىڭ باسىنىڭ ماسساسىنا سارى فوسفور ەنگىزىلدى. ءدال وسى كۇن العاشقى سىرىڭكەنىڭ تۋىلعان كۇنى بولىپ ەسەپتەلەدى.
