نيگەريادان كەلگەن ستۋدەنت پرەزيدەنتكە كيىز ءۇي جاساۋ بويىنشا جوباسىن تانىستىردى
ق ر پرەزيدەنتىنىڭ پاۆلودار وبلىسىنا ساپارى بارىسىندا پاۆلودار مەملەكەتتىك ۋنيۆەرسيتەتىنىڭ (پمۋ) ستۋدەنتتەرى وزدەرىنىڭ بيزنەس-جوبالارىن تانىستىردى.
پمۋ-عا نيگەريادان وقۋعا كەلگەن نوا سالاكو كوشپەندىلەردىڭ داستۇرىنەن شابىت الىپ، بالامالى ەنەرگيا كوزدەرىن پايدالاناتىن كيىز ۇيلەردى ازىرلەۋ جانە ولاردى افريكا ەلدەرىنە جەتكىزۋ جوباسىن قۇردى.
ەتنوۇلگى ەلەمەنتتەرى پايدالانىلعان «Aikerim - design» اتالاتىن زامانعا ساي كيىم ۇلگىلەرىنىڭ جەلىسى، «KoumIce» قىمىزدان بالمۇزداق شىعارۋ ءوندىرىسى سونداي-اق، «Tafella» تالقان مەن قوسپادان جاسالعان قازاقتىڭ ۇلتتىق دەسەرتىن شىعارۋ بويىنشا ستۋدەنتتىك ستارتاپ جوبالار داستۇرلەر تاقىرىبىن جالعاستىردى.
مەملەكەت باسشىسىنا پمۋ حالىقارالىق ستارتاپ اكادەمياسىنىڭ جوبالارى دا تانىستىرىلدى. ولاردىڭ قاتارىندا زاماناۋي تەحنولوگيالاردى، سونىڭ ىشىندە بيوگۋمۋستى پايدالانا وتىرىپ، ۆيرۋسقا شالدىقپايتىن كارتوپ پەن ءىرى بۇلدىرگەندى ءوسىرۋ بويىنشا ازىرلەمەلەر بار.
«ساپار بارىسىندا سونداي-اق، كەلەشەكتە ستارتاپ جوبالاردى دامىتۋ الاڭىنا اينالاتىن جاڭا كوۆوركينگ ورتالىعىنىڭ اشىلۋى بولدى. كەزدەسۋ سوڭىندا ستۋدەنتتەر ەلباسىنا ءوز قولدارىمەن جاساعان كوبەلەك-گالستۋكتى سىيعا تارتتى»، - دەپ ءمالىم ەتتى پمۋ باسپا ءسوز قىزمەتىنەن.
You Might Also Like
-
مۇعالىمدەر كۇنى قارساڭىندا س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ جاس عالىمدارىنا، دوكتورانتتارى مەن ماگيسترانتتارىنا جاڭا باسپانالاردىڭ كىلتىن تابىستاۋ سالتاناتى ءوتتى، دەپ حابا...
-
استاناداعى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى يندۋستريالدىق-يننوۆاسيالىق دامۋ مەملەكەتتىك باعدارلاماسى اياسىندا بيىل 3 جاڭا «بيوتەحنولوگيا»، «راديوتەحنيكا، ەلەكترونيك...
