ەۋرووداق ميگراسيا تالاپتارىن كۇشەيتىپ جاتىر
ەۋروپالىق وداق كوشى-قون ساياساتىن قايتا قاراستىرىپ، ەلەۋلى وزگەرىستەر ەنگىزۋدى قولعا الدى. جاڭا باستامانىڭ شەڭبەرىندە ەۋروكوميسسيا ءقاۋىپسىز ەلدەردىڭ رەسمي ءتىزىمىن جاريالادى. بۇل تىزىمگە ەنگەن مەملەكەتتەردەن كەلگەن ميگرانتتار بوسقىن مارتەبەسىن الا الماي، ءوز ەلدەرىنە قايتارىلۋى مۇمكىن.
2025 جىلعى 16 ساۋىردە بەلگىلى بولعانداي، تىزىمگە جەتى ەل كىردى: بانگلادەش، كولۋمبيا، كوسوۆو، ەگيپەت، ءۇندىستان، ماروككو جانە تۋنيس. بۇل جاڭا ەرەجەلەر ەو-عا مۇشە مەملەكەتتەرگە بوسقىن مارتەبەسىنە قاتىستى وتىنىشتەردى جىلدام قاراۋعا، سونداي-اق ءوتىنىشى قابىلدانباعان ازاماتتاردى جەدەل ەلدەرىنە قايتارۋعا جول اشادى.
ەۋروكوميسسيا وكىلدەرى بۇل وزگەرىستەر كوشى-قون قىزمەتتەرىنە تۇسەتىن جۇكتەمەنى ازايتىپ، جۇيەنى تارتىپكە كەلتىرۋگە باعىتتالعانىن مالىمدەدى. ميگراسيا ماسەلەلەرى جونىندەگى كوميسسار ماگنۋس برۋننەر: «كوپتەگەن مەملەكەتتەر وتىنىشتەردىڭ شەكتەن تىس كوبەيىپ كەتكەنىنە الاڭداۋلى. سوندىقتان شەشىم قابىلداۋ ۇدەرىسىن جەدەلدەتۋ – باستى مىندەتتەردىڭ ءبىرى»، – دەدى.
بۇل جاڭاشىلدىق ەۋروپاعا قونىس اۋدارعىسى كەلەتىن قازاقستاندىقتارعا دا اسەر ەتۋى مۇمكىن. سەبەبى تالاپتاردىڭ كۇشەيۋى، اسىرەسە بوسقىن مارتەبەسىن الۋعا نيەتتىلەرگە ايتارلىقتاي كەدەرگى كەلتىرۋى ىقتيمال.
You Might Also Like
-
Forbes ءداستۇرلى الەمدىك ميللياردەرلەر ءتىزىمىن جاريالادى. بيىل رەيتينگكە 3028 ميللياردەر ەندى، بۇل 1987 جىلدان بەرى رەكوردتىق كورسەتكىش. تىزىمدەگىلەردىڭ جيىنتىق بايلىعى 16،1 ترلن دوللاردى قۇرايدى.
-
اقش-تىڭ ارنايى وكىلى كيت كەللوگ ۋكراينا مەن رەسەي اراسىنداعى قاقتىعىسقا قاتىستى ءبىرقاتار ماڭىزدى مالىمدەمە جاسادى. ونىڭ ايتۋىنشا، سوعىس ءورشي تۇسكەنىمەن، ەكى تاراپ تا وزدەرىنىڭ تۇپكى ماقساتتارىنا جە...
