InfoHub Logo

2025 جىلدىڭ ناۋرىز ايىندا ەلىمىزدە تۇرعىن ءۇيدى ساتىپ الۋ-ساتۋ بويىنشا 27 739 مامىلە تىركەلدى. بۇل اقپانمەن سالىستىرعاندا 4،4 پايىزعا از (اقپاندا – 29 022 مامىلە). ساۋدا-ساتتىقتىڭ باسىم بولىگى – كوپپاتەرلى ۇيلەردەگى پاتەرلەرگە (21 842)، ال 5 897 مامىلە جەكە ۇيلەرگە قاتىستى بولدى.

قالالار بويىنشا كوشباسشىلار – استانا (5 652 مامىلە) جانە الماتى (5 069 مامىلە)، ال قاراعاندى وبلىسى 2 130 مامىلەمەن ءۇشىنشى ورىندا.

دەگەنمەن، كەي وڭىرلەردە ءوسىم بايقالادى. ماسەلەن، شىعىس قازاقستان وبلىسىندا مامىلە سانى ءبىر ايدا 16،8%-عا ارتسا، الماتى جانە اتىراۋ وبلىستارىندا بۇل كورسەتكىش تيىسىنشە 11،4% جانە 11،3%-دى قۇرادى.

كەرىسىنشە، جامبىل (-23،3%)، باتىس قازاقستان (-18،4%) جانە ماڭعىستاۋ (-18،1%) وبلىستارىندا مامىلەلەر ايتارلىقتاي قىسقارعان.