Facebook-تە بالاعات ايتقان ايەل 1 ملن تەڭگە وتەماقى تولەيتىن بولدى
Facebook-تە بالاعات ايتقان ايەل 1 ملن تەڭگە وتەماقى تولەيتىن بولدى
اتىراۋداعى ءبىلىم ءبولىمىنىڭ باسشىسى ءوزىن قورلاعان تۇرعىندى سوتقا بەرىپ، جەڭىپ شىقتى
اتىراۋ قالالىق ءبىلىم ءبولىمىنىڭ باسشىسى ايناگۇل دۇيسەكەنوۆا Facebook جەلىسىندە جانە WhatsApp چاتتارىندا جەكە باسىنا ءتىل تيگىزىپ، نەگىزسىز جالا جاپقان ازاماتشانى سوتقا بەرىپ، مورالدىق وتەماقى ءوندىرىپ الدى.
شەنەۋنىكتىڭ ايتۋىنشا، 37 جاستاعى قالا تۇرعىنى ونى ءبىر جىل بويى الەۋمەتتىك جەلىدە حايۋانعا تەڭەپ، بالاعاتتاعان. WhatsApp ارقىلى اتا-انالار مەن ءبىلىم سالاسىنىڭ وكىلدەرى وتىرعان توپتارعا دا بىرنەشە رەت اۋديو حابارلاما جىبەرىپ، قورلاۋىن جالعاستىرعان.
— جەكە باسىما تيىسكەنىنە، قوعام الدىندا ماسقارالاۋعا تىرىسقانىنا توزە المادىم. ادۆوكات جالداپ، سوتقا بەرۋىمە تۋرا كەلدى. ول ءۇشىن نەسيە الۋعا دا ءماجبۇر بولدىم، — دەيدى ايناگۇل دۇيسەكەنوۆا.
سوت شەشىمىمەن ايەل 1 ميلليون تەڭگە مورالدىق جانە ماتەريالدىق شىعىن وتەۋگە مىندەتتەلدى. سونىمەن قاتار ول Facebook جەلىسى ارقىلى كوپشىلىك الدىندا كەشىرىم سۇراۋى ءتيىس. ازاماتشا اپەللياسياعا جۇگىنگەنىمەن، شەشىم وزگەرىسسىز قالدى.
ايتا كەتەيىك، بۇل جانجالدىڭ باسىندا ازاماتشا ايناگۇل دۇيسەكەنوۆانى مەملەكەت قارجىسىن جىمقىردى دەپ ايىپتاعان. الايدا قۇزىرلى ورگاندار بىرنەشە رەت تەكسەرۋ جۇرگىزىپ، بۇل ايىپتاۋلاردىڭ نەگىزسىز ەكەنىن انىقتاعان.
You Might Also Like
-
ءانشى مەرۋەرت تۇسىپبايەۆا الەۋمەتتىك جەلىدە بايان الاگوزوۆا تۋرالى ايتقان پىكىرىنە بايلانىستى مالىمدەمە جاسادى. بۇل جازبا ينتەرنەتتە كەڭىنەن تاراعان ەسكى ۆيدەوسىنان كەيىن جاريالانىپ وتىر. ۆيدەودا ءتۇسى...
-
2025 جىلعى مامىردا اقش قىتايدان نەبارى 556 ميلليون دوللاردىڭ كيىم-كەشەگىن ساتىپ الدى. بۇل — سوڭعى 22 جىلداعى ەڭ تومەنگى كورسەتكىش. يمپورت كولەمى قاتارىنان ءتورت اي بويى ازايىپ كەلەدى.
