InfoHub Logo

شاحتينسكىدە چەمپيونعا زال تابىلماي وتىر: سابىرجان اققالىقوۆ تۋعان قالاسىندا شەتقاقپاي كورۋدە
الەم چەمپيونى سپورت زالىنا كىرە الماي جۇرگەنىن مالىمدەدى

الەم كۋبوگىنىڭ جەڭىمپازى، تانىمال بوكسشى سابىرجان اققالىقوۆ تۋعان جەرى شاحتينسك قالاسىندا جاتتىعۋعا مۇمكىندىك تاپپاي جۇرگەنىن ايتتى. ونىڭ ايتۋىنشا، بۇعان دەيىن جاتتىققان «تەنتەك» سپورت كەشەنىنە ەندى ءتۇرلى سىلتاۋمەن كىرگىزبەي قويعان.

– قازاقستاننىڭ قاي قالاسىنا بارسام دا، مەنى قۇرمەتپەن قارسى الادى. ءبىراق ءوز تۋعان قالامدا، چەمپيون بولعان جەردە زالعا دا جولاتپاي وتىر، – دەيدى اققالىقوۆ.

سپورتشىنىڭ سوزىنشە، زالدا بوكسقا ەمەس، باسقا سپورت تۇرلەرىنە باسىمدىق بەرىلگەن. ءتىپتى، ءبىر ساعاتقا جاتتىعۋ ءۇشىن اقى تولەسە دە، جاتتىعۋ ورتاسىنان شىعارىپ جىبەرەتىن جاعدايلار بولعان. ول بۇعان دەيىن قالا اكىمىنەن كومەك سۇراپ، جۋىناتىن بولمە قاجەتتىگىن دە ايتقان. الايدا اكىمدىك ۋادە بەرگەنىمەن، ناقتى كومەك كورسەتىلمەگەن.

سابىرجان جۋىردا ءوزىنىڭ سپورتتىق جولى تۋرالى دەرەكتى فيلم تۇسىرمەك بولعان كەزدە دە اتالمىش سپورت كەشەنىندە ءتۇسىرىلىم جاساۋعا رۇقسات الا الماعان.

بۇل جاعداي سپورت سالاسىنداعى جۇيەلى قولداۋدىڭ جوقتىعىن جانە وڭىرلىك دەڭگەيدە چەمپيوندارعا دەگەن نەمقۇرايدىلىقتى كورسەتتى.